هشتري نيو أكسنت و محتاجة مساعدتكم ...

**matta** · 23-05-2009 10:37 PM

أنا برضة معايا نيو أكسنت رائعة ومريحة

**kh_elwakel** · 24-05-2009 09:36 PM

معلش يا جماعه عندي سؤال تاني
انا كلمت توكيل غبور قالولي ان الاستلام بيبقي بعد اسبوعين من الحجز و انا مستعجل ف ممكن اشتري من اي معرض و لا التوكيل بيبقي احسن؟؟؟؟

**ezzatfox** · 25-05-2009 02:19 AM

المشاركة الأصلية كتبت بواسطة kh_elwakel

معلش يا جماعه عندي سؤال تاني
انا كلمت توكيل غبور قالولي ان الاستلام بيبقي بعد اسبوعين من الحجز و انا مستعجل ف ممكن اشتري من اي معرض و لا التوكيل بيبقي احسن؟؟؟؟

خليك فى التوكيل احسن و اضمن ، مش مشكلة اسبوعين ، خاصة انة صعب تلاقيها فى معارض برة ، عليها ضغط و كلها مسحوبة و ناقصة جدا فى السوق ، غبور نفسة معندوش حتى عربية تتفرج عليها .

**Auaf** · 25-05-2009 10:34 AM

يا جماعة أن بردو عايز أشتري النيو أكسنت بس خايف من العفشة ممكن تفدوني أخبار عفشتها إية و هل هي أحسن من عفشة اللانوس و لا لأ و لكم جزيل الشكر

**buzzy** · 27-05-2009 03:44 AM

يا جماعة بشكركوا جداً على اهتمامكم و الإفادة..

بس عندي سؤال اخير..

انا بفاضل بين مصر التأمين و كونتاكت كار, مش عارفة مين احسن

يعني كونتاكت اجراءات اسرع و التعامل بيبقى معهم هما بس بتدخلش في حوارات و محاضر وبتاع..

بس طبعاً بالمقارنة بمصر التأمين فالنسبة عاليه شوية!!

أتكل على الله و الفرق دا في صالحي و لا اختار الأقل و خلاص؟؟

و شكراً ليكوا تاني ..

**sss2000** · 27-05-2009 01:42 PM

يا جماعة نصيحة لوجة اللة طالما نويت تقسط قسط اسلامي ولا بنك ولا فايدة ولا تامين وتدخل في محرمات انا نويت ان شاء اللة اعمل كدة والفائدة + التامين تقريبا يساوي القسط ولكن نتقي الشبهات

**basemzaki** · 27-05-2009 10:25 PM

العربية حلوة بس عفشتها ناشفة شويه، انا جايبها اتوماتيك2009 من شهر وعامل 1200 كيلو بس حاسس انها مش اقتصادية في البنزين لاني حسبت لقيتها لتعمل تقريبا 8 كيلو في اللتر. هل دا طبيعي ولا مش طبيعي؟!. ممكن حد يفيدني. شكرا

**ezzatfox** · 28-05-2009 12:17 AM

المشاركة الأصلية كتبت بواسطة basemzaki

العربية حلوة بس عفشتها ناشفة شويه، انا جايبها اتوماتيك2009 من شهر وعامل 1200 كيلو بس حاسس انها مش اقتصادية في البنزين لاني حسبت لقيتها لتعمل تقريبا 8 كيلو في اللتر. هل دا طبيعي ولا مش طبيعي؟!. ممكن حد يفيدني. شكرا

اولا : الاستهلاك فى الاول و بالذات فى اول الف بيبقى عالى شوية و هتلاحظ انة بيقل كل شوية و هيوصل لمعدل الاستهلاك الطبيعى عند حوالى 5000كم .
2- انا معايا مانيوال بتعمل من 11 كم الى 13 كم فى اللتر حسب ظروف القيادة و الطريق ( جوة البلد ) ، الاوتو استهلاكها اعلى بس مش فرق جامد اوى ، يعنى المفروض عندك يبقى الاستهلاك الطبيعى من 10 الى 12 كم فى اللتر بس اصبر عليها شوية ، لما توصل 2000كم احسب تانى و قلنا الاخبار اية .

**basemzaki** · 28-05-2009 09:40 AM

اشكرك علي الرد، اوعدك اني اعيد حسابتها تاني بعد 2000 كلم. وأتمني ان تقبلوني زميلا لكم في رابطة ملاك النيوأكسنت ومستعد لمشاركتكم في أي استطلاع أو أي موضوع يهمنا كلنا.

**falcon191** · 29-05-2009 02:47 AM

المشاركة الأصلية كتبت بواسطة basemzaki

اشكرك علي الرد، اوعدك اني اعيد حسابتها تاني بعد 2000 كلم. وأتمني ان تقبلوني زميلا لكم في رابطة ملاك النيوأكسنت ومستعد لمشاركتكم في أي استطلاع أو أي موضوع يهمنا كلنا.

أهلا بك يا باشا في رابطة ملاك الأكسنت