الموضوع: منه لله اللى عمل الفايرس الصينى ..

السلام عليكم و رحمة الله وبركاته
اخي الكريم
الفيروس الذي تقصده فعلا واحد من أعند الفيروسات التي ضربت شبكات الحاسب مؤخرا
و السبب الأساسي في صعوبة القضاء علي هذا الفيروس انه قد لا يكون جهازك هو المصاب به. ممكن يكون جهاز اخر علي نفس الشبكة بتاعة حضرتك اللي مصاب
و التفسير البسيط يا فندم للموضوع ده
ان الفيروس ده بيغير في اعدادات الشبكة وقادر على ايقاف الشبكة المحلية التي يعمل بها كلها و مع ملاحظة ان الجهاز المصاب لا تظهر عليه اي اعراض للإصابة بالفيرس وده بيفسر لما حضرتك بتحاول تعمل Scan للجهاز مش بيلاقي فيروسات. وهو بيقوم بالتالي

أولا اصدار اوامر لكل الاجهزة السليمة المشتركة معه بالشبكة انه هو البوابة Gateway الجديده التي يجب ان يمر من خلالها كل طلبات الانترنت و يقوم هو بإحضار المعلومة و إرجاعها إلى صاحب الطلب و لكن بعد إضافة كود في صفحة الانترنت المحضره ، يعمل هذا الكود على تحميل الفيرس على الجهاز، و عند اغلاق هذا الجهاز المصاب فإن الشبكة بالكامل تعمل بكفاءة ، إنما طالما الجهاز المصاب ده شغال و متصل بنفس الشبكة، فكل ما تفتح موقع علي الانترنت يفتك ليك الفيروس ده

الحل هو ان يتم مسح كامل لكل الاجهزة اللي موجودة علي نفس الشبكة بتاعة حضرتك. و الشبكة هنا ممكن تبقي الاجهزة التانية المشتركة معاك في وصلة الانترنت

و الانتي فيروسات دي كلها بتشوف الفيروس و تشيله :-
Bitdefender antivirus 2009
Windows Defender
Ad-Aware2008
Kaspersky AntiVirus
Microsoft Windows Malicious software removal tool

لو حد عايز يقرا عن التكنيك اللي الفيروس ده بيشتغل بيه ممكن يراجع المقالة دي:
http://www.eulc.edu.eg/technicalArticle.doc

وتفضلوا بقبول تحياتي

المشاركة الأصلية كتبت بواسطة tutankhamoun

السلام عليكم و رحمة الله و بركاته
لا ياباشا أنا أقصد لينوكس و ليس يونكس .
يونكس كان هو النظام السائد لأنظمة السوبر كمبيوتر و حتى وقت قريب و حتى 2002 ........ و لكن بعدها بدأ لينوكس المنبثق أصلا من يونكس في الأستحواذ على النسبة الكبرى من السوبر كمبيوتر في العالم .
[sor2]http://i37.tinypic.com/35n2cue.jpg[/sor2]
و شكرا يا باشا على مداخلتك الجميلة و المشاركة الفعالة .

تمام كدة يا ياباشا

والمصدر
TOP500.org

شكرا لسعة صدرك

المشاركة الأصلية كتبت بواسطة ahmedgen2

محدش برضه يفكر إن لينوكس دة جنة ، انا اشتغلت عاللينوكس فترة غصب عنى بحكم دراستى ورجعت تانى للويندوز ، كنت شغال على توزيعة الأوبنتو المشهورة ، وكان لذيذ ، بس مش الفرق الشاسع بينه وبين الويندوز اللى بيحاول يصوره بعض الناس ، على الأقل بالنسبة لى كمستخدم عادى ، شغلى كله على نظام التشغيل هو لعب و فيجوال ستوديو و اوراكل و إس كيو إل و فوتوشوب ، والويندوز شغال معايا مية مية مفيش مشاكل خالص.

موضوع بقى الفيروسات ، دى خبرة مش أكتر ، يعنى انا معنديش انتى فيروس ، ولا انتى سباى وير ، ولا اى برنامج حماية أساسا ً ، ومفيش عندى ولا فيروس وآخر مرة نزلت فيها ويندوز كانت من أربع خمس شهور ولا حاجة ، والجهاز عندى سريع ومش بيشتكى من حاجة ، الموضوع كله انت بتنزل حاجاتك منين وبتتصفح مواقع ايه والفلاش ميمورى تعتبر أكبر مصدر فيروسات ممكن تلاقيه ، أى فلاش ميمورى لازم تتفرمت قبل ما تخش جهازى.

اللى عايز أوصله إن ارتياحك مع النظام وقدرتك على التعامل معاه أهم حاجة ، قابليتك للتأقلم مع النظام ، يعنى اللينوكس دة كان رخم جدااا فى كل حاجة يعنى ، من تصطيب برامج لحاجات مش بتشتغل وكل شوية أفتح توبيك فى منتدى الأوبنتو ، 3 أشهر بالظبط وقلبت تانى ويندوز حاجة كانت خنيقة آخر حاجة يعنى ، منكرش انطباعى عنه اول اسبوع كان وهمى ، يمكن أكتر حاجة بالنسبة لى مميزاه عن الويندوز كانت موضوع الفيروسات دة و سرعته ، بس بمجرد ما عرفت اتعامل مع المشكلتين دول فى الويندوز وخلاص كدة مع السلامة.

محدش ينكر سهولة الويندوز و لكن أختراقه سهل من قبل محترفي الهاكرز .

أولا أغلب اللي بيستخدموا ويندوز بيستخدموا نسخ غير شرعية ..... و أغلب البرامج غير شرعية برضه ...... يعني دخلنا في دائرة السرقة و الحرام .

لينوكس محتاج صبر ........ زي ما كلنا صبرنا على ويندوز و أتعلمناه ......... مفيش حاجة بتيجي من يوم و ليلة .

و ميزة تانية في لينوكس مش موجودة في ويندوز .
و هي أحتراف البرمجة الفعلية و ليس الفيجوال بيسك أو الفيجوال سي .

ميكروسوفت شركة لقيمة ......... عاملة الفيجوال و عاملة شوية قوالب ........ و أحنا نكتب الكود الجاهز بتاعهم و نكون برنامج
على عكس اللينوكس

أنت بتبقى عارف أيه اللي أنت بتعمله بالظبط و الدنيا ماشية ازاي من غير قوالب ......... و في نفس الوقت القوالب موجودة للي عايز السهولة .
طبعا بالاضافة للكود المفتوح المصدر ....... يعني تعليم مجاني للدول النامية اللي معندهاش مقدرات مادية تصرف على البحث العلمي في موضوع السوفت واير .

و الأهم أن ميكروسوفت عاملة لغات الفيجوال علشان أحنا نقعد نعمل برامج بسهولة علشان تشتغل على ويندوز و بالتالي تضمن أنك ما تسبش ويندوز لأي نظام تشغيل منافس و بالتالي انتشار أكثر فأكثر فأكثر فأكثر و هو ده اللي حصل على مدار حوالي 15 سنة ......... من سنة 90 لغاية 2005 كدا لغاية ما بدأ نجم لينوكس يقوي و يقوى ......

المهم الصبر .......... و التعرف على الشئ أكثر فأكثر حتى تعلم خباياه ........ و محدش قال ان اللينوكس أسهل من الويندوز ...و ده يمكن يكون سبب من أسباب أنتشار ويندوز .

و لكن لينوكس ........... آآمن من ويندوز ....... و أكثر أستقرارا و بالتأكيد أسرع في العمل .

لو هتسطب ليونكس ممكن تضطر تفرمت الهارد كله
فى تقريبا 3 فيروسات لليونكس بس فى مقابل كتير جدا للويندوز
دا أنا كنت مع واحد فى الكلية راح فاتح الc++ وراح عامل فايرس بيكتب شتيمه و مشغله على الجهاز الى كان شغال عليه فى 5 دقايق بالظبط

اللى عايز أوصله إن ارتياحك مع النظام وقدرتك على التعامل معاه أهم حاجة ، قابليتك للتأقلم مع النظام ، يعنى اللينوكس دة كان رخم جدااا فى كل حاجة يعنى ، من تصطيب برامج لحاجات مش بتشتغل وكل شوية أفتح توبيك فى منتدى الأوبنتو ، 3 أشهر بالظبط وقلبت تانى ويندوز حاجة كانت خنيقة آخر حاجة يعنى ، منكرش انطباعى عنه اول اسبوع كان وهمى ، يمكن أكتر حاجة بالنسبة لى مميزاه عن الويندوز كانت موضوع الفيروسات دة و سرعته ، بس بمجرد ما عرفت اتعامل مع المشكلتين دول فى الويندوز وخلاص كدة مع السلامة.

احنا شايفين الويندوز سهل عشان اول ما تعلملنا علي الكومبيوتر محدش كان يعرف غيره فا تأقلمنا مع مشاكله

بس هو تحميل البرامج صعب في ايه في اوبونتو ؟؟

بالنسبه للي حيحول جدبد يستني mint7 حتنزل في الشهر دا و مبينه علي اوبونتو 9.4 و مسهله الدنيا قوووي