رد مع اقتباس
الأحلام اللي بتتكرر كتير معايا:
- الامتحان: وله أشكال كتير، ممكن ماعرفش احل أو الوقت يمر من غير ماكتب حاجة، وساعات مايكونش امتحان ولجنة وكدة، مرة حلمت بنفق والدفعة كلها المفروض تعديه (كنت في أولى هندسة) وكلهم عدوا ماعدا أنا.
- السقوط: بس الوقعة بتكون وانا ع الأرض، يعني دايماً أكون ماشي ع الأرض واتشنكل واقوم من النوم مخضوض (لم أحلم بالسقوط من علٍ كل السقطات من ع الأرض :))
- الكائنات الهلامية: أروح مكان -غالباً يكون مكان انا عارفه- وفجأة الاقي حيوانات غريبة (شبه اللي بتطلع في برنامج عالم سمسم والمابيت شو اللي هي كلها شعر وبتمشي على رجلين وفمها واسع جداً) وحسب الظروف يا إما نلعب مع بعض يا إما يجروا ورايا لحد ماصحى من النوم وانا بانهج من كتر الجري! وفيه كمان من نفس النوع إني ألاقي سمك الزينة اللي كان عندي بيعوم في الهوا برة حوض السمك :)
- الكلب: ساعات احلم بكلب بيعضني في إيدي (غالباً لما أصحى ألاقي نفسي نايم على إيدي اللي اتعضت وابتدت تنمل)
أما أغرب حلم: حلمت مرة إني نايم وباحلم، وبعدين والدتي ندهت علي تصحيني (في الحقيقة مش في الحلم) رحت صحيت من الحلم لقيت نفسي لسة نايم! وبعدين صحيت تاني :D
افتكرت ساعتها مادة هياكل البيانات (Data Structures) إني عملت Push مرتين يبقى لازم اعمل Pop مرتين عشان الـ Stack يبقى فاضي :D
الموضوع: أحلام x أحلام
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
-
hasad">الحلم اللي مش ممكن انساه ...
كنت في الجامعة تقريبا ... وحلمت ان انا و والدي والدتي واخويا واختي ...يعني العيلة كلها ... اننا في مكة عند البيت اللي كنا ساكنين فية هناك زماااان ....
وصحيت حكيت الحلم لوالدتي ... وهي الله يرحمها كانت روحها معلقة بمكة .... طبعا استغربت ... احنا كنا رجعنا من السعودية بقالنا سنين ... قالتلي ربنا يجمعنا هناك ... بس ازاي ... ده كل واحد في مكان شكل ... انا في مصر واخويا في اسكندرية والباقي في اشغالهم ودراستهم ....ازاي نتجمع كلنا هناك .... يسمع منك ربنا يا بني
وتمر السنون ...... زي اللي بتيجي في الافلام العربي .....
وانا اسافر السعودية واشتغل في جدة .... وبعدي بشهور اخويا برضه يشتغل في جدة .... وبعد سنتين اختي تتجوز وتيجي جدة مع جوزها .... ونعمل زيارة لوالدي ووالدتي ... ونروح كلنا نعمل عمرة ..... لكن يمنعو العربية من دخول منطقة الحرم ... نضطر نركن بعيد ونتمشي لغاية الحرم .... ونلاقي نفسنا فيييين .... عند البيت اللي كنا ساكنين فية من زمااااان من حوالي 20 سنة ..... ونقف في نفس المكان اللي شوفته في الحلم .... كلنا .... العائلة بالكامل ..... وانا مذهول ...مش مصدق .... حاسس اني باحلم ....وجيت جنب والدتي الله يرحمها وقولتلها ... فاكرة الحلم اللي حكيتهولك زمان يا ماما ...... اهو كان كدة بالظبط .... كانه بيتعاد قدامي .....وطبعا هي بقت مستغربة زيي لأن ماكانش حد يعرف الحلم ده غيرها
ولغاية دلوقت لما اروح مكة لازم اروح عند بيتنا القديم ومدرستي الابتدائية والاعدادية ..... وكل ما اروح هناك افتكر الحلم الغريب دهيظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
-
رقم العضوية : 197
تاريخ التسجيل : 25Apr2007
المشاركات : 1,377
النوع : ذكر
الاقامة : Sheikh Zayed
السيارة: كيا برايد سيدان
السيارة[2]: Fiat Uno 45 (1997)
دراجة بخارية: No
الحالة :
-
تامر حسين
-
رقم العضوية : 3129
تاريخ التسجيل : 12Nov2007
المشاركات : 529
النوع : ذكر
الاقامة : Victoria Island
السيارة: why this field is mandatory ??
السيارة[2]: ميتسوبيشي لانسر
الحالة :
-
hasad">افتكرت ساعتها مادة هياكل البيانات (Data Structures) إني عملت Push مرتين يبقى لازم اعمل Pop مرتين عشان الـ Stack يبقى فاضي
ممكن تعمل Flush مرة واحدة هيؤديلك نفس الغرضمحمد عيسى
دعوة دروب بوكس
المواضيع المتشابهه
-
فيلم وثائقى ::: أحلام ناعمة ... الســـــــــــــ الخارقة ـــــــــــــــــيارة
بواسطة Elawany13 في المنتدى المنتــــــدى العـــــــــــام للسيــاراتمشاركات: 2آخر مشاركة: 23-09-2012, 11:44 AM -
أحلام الفتى الثائر
بواسطة aif في المنتدى المنتــــــدى الاجتمــاعىمشاركات: 53آخر مشاركة: 19-11-2011, 09:12 AM -
سيارات لها بريق ( صوروخلفيات سيارات أحلام )
بواسطة د.محمود صلاح في المنتدى المنتــــــدى العـــــــــــام للسيــاراتمشاركات: 5آخر مشاركة: 24-10-2009, 04:54 PM -
بتجيلك أحلام يقظه.خش هنا
بواسطة hookyelyak في المنتدى المنتــــــدى الاجتمــاعىمشاركات: 9آخر مشاركة: 25-01-2009, 04:27 AM
المفضلات