مالكى سكودا فابيا

**HASBALAH** · 03-06-2009 09:31 PM

المشاركة الأصلية كتبت بواسطة flash_hero

انا عربيتى فابيا 2001 1400 سى سى عاملة 69000 ك 2 زجاج كهربا مانيوال كمبيوتر كامل للسائق باور تكييف و2 تلاجه
ماشاء الله الثيات بتاعها عالى جدا بس كمان العربية فيها جنوط فدا مساعد على الثبات بس طبعا العفشه ناشفة علشان تدى الثبات دا
السحب بتاعها ماشاء الله قوى جدا حتى مع التكييف والعدد اللى راكب معايا
طبعا زى ماقال الاخوه لو الميه فى الريداتير قلت بتدى صفارة واشاره فى التابلوه ولو فرامل اليد مرفوعه ومشيت عليها تيدى صفارة واشارة برده
تقفيل التابلوه والصالون ممتاز جدا
بالنسبة لقطع الغيار منتشرة جدا فى شارع فيصل فى محل اسمه ناجح قبل كوبرى فيصل وفى شارع دمشق فى اكتر من محل بيبيعوا قطع الغيار
مشاكلها ومش عارف اذا كانت المشاكل دى خاصة بعربيتى بس ولا فى كل العرربيات الفابيا
العيب الاول الميه بتنقص فى الريداتير بسرعه جدا مع انى مش بلاحظ اى ميه بتتسرب منها بس طبعا العربية مش بتسخن لان المية لو قلت بتديلك صفارة انك تزود ميه
العيب التانى انى مش لاقى مركز صيانه كويس او ميكانيكى فاهم كويس ممكن اتعامل معاه فى منطقة الهرم الحمدلله محتاجتش للميكانيكى بس انا بحب ابقى عارف لو احتجت الاقى حد فين
اتمنى للو حد عنده فكره عن العيبين اللى انا قلتهم لو ليهم حل يقولى وشكرا للجميع

هي عربيتك كنت شاريها بكان وتسوي كام دلوقتي

**flash_hero** · 04-06-2009 10:51 PM

انا كنت شاريها من 9 شهور كده ب 52500 جنية ممكن تكون اغلى شويه من متوسط الاسعار وقتها بس ماشاء الله تستاهل
دلوقتى معرفش متوسط الاسعار بتاعها كام
لو عرفت هقولك ان شاء الله
وممكن لو فى حد من الاخوه الافاضل عنده معلومات يقولنا
شكرا لك

**Meshfaker** · 10-06-2009 07:54 PM

ربنا يباركلك فيها يا flash_hero

**HASBALAH** · 10-06-2009 08:00 PM

جزاك الله خيرا يااستاذ flash_hero
وعلي كده عربيتي اغلي شويه

**powerofhelll** · 14-06-2009 06:15 PM

هل فعلا الفبيا 1200 cc
3 سلندر

ازاي انا مش مصدق

**khaledelsakaty** · 15-06-2009 09:18 AM

يا شباب ، هل حد هنا معاه أو يعرف حد معاه فابيا 2008 \ 2009 بيفكر يبيعها ؟؟؟
أو يدخلها في فابيا 2001 1400 سي سي؟؟

**Meshfaker** · 16-06-2009 09:34 AM

khaledelsakaty هو لو حضرتك معاك فابيا 2001 1400cc
ياريت تشارك معانا فى الموضوع هنا وتقولنا رايك فيها وهى عامله ايه معاك وشارى العربية من امتى ومواصفات العربية بالكامل

ومستنين الرد
وشكرا

**khaledelsakaty** · 16-06-2009 11:10 AM

العربية دي بجد 10\10 أكنها أوكتافيا علي صغير ...............العربية معايا من سنتين تقريباًً و مفيهاش أي مشاكل و قطع الغيار متوفرة و سعرها مناسب جدا

**Meshfaker** · 16-06-2009 11:18 AM

شكرا يا khaledelsakaty باشا على الرد
وربنا يباركلك فيها
بس ياريت تقولنا اخبار التكييف ايه والعربيه مانيوال والا اوتوماتيك ومعدل استهلاك البنزين تقريبا اد ايه وبتخسن زى الفيليشيا والا لا ؟؟

**beihoo** · 16-06-2009 01:20 PM

المشاركة الأصلية كتبت بواسطة meshfaker

شكرا يا khaledelsakaty باشا على الرد
وربنا يباركلك فيها
بس ياريت تقولنا اخبار التكييف ايه والعربيه مانيوال والا اوتوماتيك ومعدل استهلاك البنزين تقريبا اد ايه وبتخسن زى الفيليشيا والا لا ؟؟

يا جماعة العربية معايا بقالها حوالي 4 سنين و ما سخنتش إلا لسببين .. الأول إني نسيت القربة مفتوحة و كنت مسافر على طريق الإسماعيلية و الثاني إن الترملة بتاعة الثرموستات كانت سايبة و فصلت مع مطب جامد فالمروحة ما اشتغلتش

الفيليشيا طالما بتحط لها مية خضراء على طول و المروحة الأصلية بتاعتها (أو حتى بتاعة البولو) و الثرموستات بتاعها أو بتاع الفيات عمرها ما بتسخن .. و الله انا ما بفتح الكبوت فوق التلات شهور عشان ابص على الميه و لله الحمد.

لو حد عنده مشكلة في سخونة الفيليشيا يتأكد من نضافة الرادياتير كفاءة الثرموستات و إنه بيستخدم ميه خضراء مش مية عادية من اللي فيها أملاح و معادن و من الخيرات ما الله به عليم. الأملاح دي بتترسب مع التشغيل و أحيانا بتسد مجاري المياه و عشان كده التبريد بيبقى سيء جدا .. داغير إن الأملاح دي بتاكل في الأجزاء المترسبة عليها و أحيانا بتسبب في تلفها.