مالكى سكودا فابيا

**zero4end** · 09-02-2010 03:11 PM

الرجاء مركز صيانة او مكانيكى بيفهم فى سكودا فابيا 2003 1200 cc
عاوزة جوان وش سيلندر

**sakrquraish** · 06-03-2010 10:06 PM

و ياترى صاجها حلو زي الأوكتافيا و تعبان
برجاء سرعة الرد

**sakrquraish** · 08-03-2010 08:31 AM

مافيش حد عايز يرد

**abnaamasr** · 18-03-2010 06:41 AM

يا جماعه انا عندى فابيا 2008 اوتوماتيك 1600 وكان الايرباج بتاعها اتفتح وعايز اغيرة لان شكل الدركسيون مش حلو وفيه خبطه فى الاكصدام الامامى بسيطة
فعايز اعرف سعرهم يكلف كام وهل ينفع اشتريهم من برة ومن اى مكان ممكن اشتريهم لان الوكاله قالتلى اسعار وهميه وعلى فكرة هى وارد الخليج

**haleem** · 25-03-2010 04:30 PM

السلام عليكم ورحمه الله
ممكن استفسار عن اسكوندا 2002 ا1400 لمبة فى التابلوة برسمة الماتور منورة مع ارتفاع درجة الحراة ومؤشر الحرارة فى الموسط

**mahsoona** · 16-05-2010 02:09 PM

السلام عليكم ورحمة الله وبركاته
انا ياجماعه أول إمبارح أشتريت عربيه سكودا فابيا 2003 1200cc عامله 86000 هى بصراحه حلوه قوى وعجبانى أى نعم هو.انا لسه عارف النهارده انها 3 سلندر و ده أحبطنى شويه بس هى سحبها جامد جدا بالمقارنه بالعربيه الى كنت سايقها قبل كدا هى عربيه المدام لانوس 2008 جبناها على الزيرو ولما أقولوكم إن ال 1200 و 3 سلندر بتوع الفابيا المستعمله أشد من الانوس الزيرو انا ولله مش ببالغ
المهم انا عاندى شوية مشاكل مش عارف أروح لمين عشان يحلها
أول و أهم حاجه :عداد البنزين مش بيتحرك انا فولت العربيه يدوب أتحرك من المنطقه الحمرا إلى الشرطه إلى قبلها يعنى حوالى ميلي أو إتنيين انا مش عارف دى مشكله أييه بس ربنا يستر
عندى مشكله تانيا فى زراير الإزاز الكهربا إلى ناحيتى ,إنهم مفكوكيين من الباب مش سابتيين فلازم قعد أجرب أدوس لحدما الزرار يضغط فى المكان الصح من تحت عشان الإزاز ينزل أو يطلع بس مكن الإزاز سليم .
كمان اعربيه بحسها على السلانسيه واطيه وبترجرج وممكن تبطل منى فى الطلعه فامش عارف أعليها ولا يمكن انا مش متعود عليها لسه بس .يعنى دى الحاجات إلى إكتشفتها
بس هى ولله فخمه و التكييف ساقع ومش بيحمل على الموتور و فيها درجين تلاجه فى التابلوه وثابته جدا
انا منتظر رودودكم عن أحسن حد.أعمل عندو صيانه دوريه وأصلح الحاجات إلى فيها

**Meshfaker** · 16-05-2010 04:51 PM

1000 مبروك يا باشا
وان شاء الله الناس هنا هتساعدك قوى وتقولك الحاجات دى تعملها فين
بس انا كان عندى استفسار صغير من معاليك عشان انا مهتم قوى بالعربية دى وداخلة دماغى قوى
فكنت عايز اعرف انت جبتها بكام ؟؟

وشكرا

**sakrquraish** · 16-05-2010 11:04 PM

هل 1400 سي سي موديل 2010 التكييف بيأثر على السحب خصوصاً لو العربية محملة؟

**mahsoona** · 17-05-2010 08:39 AM

المشاركة الأصلية كتبت بواسطة meshfaker

1000 مبروك يا باشا
وان شاء الله الناس هنا هتساعدك قوى وتقولك الحاجات دى تعملها فين
بس انا كان عندى استفسار صغير من معاليك عشان انا مهتم قوى بالعربية دى وداخلة دماغى قوى
فكنت عايز اعرف انت جبتها بكام ؟؟

وشكرا

لله يبارك فيك يا باشا
انا جبتها ب 46500 فابريقة جوه و بره