اللف شكر يا دكتور احمد على المعلومات الهايله دي كفيت ووفيت .. بس انا معرفش نوع الموجات و الترددات ...
رقم العضوية : 40575
تاريخ التسجيل : 18May2009
المشاركات : 3
الحالة :
أولا ... السلام عليكم.....
أنا عضو جديد في المنتدى.... وده أول مره أكتب موضوع
المهم أثناء تصفحي للمنتدى... لقيت عنوان عن كاشف الرادار في مصر...
طبعا بعد مقريت الموضوع ... الأعضاء نصحوا بال Valentine ONE
لكن محدش خالص فهم الناس .... إيه هوه أساسا كاشف الرادار (Radar Detector)
أنا هنا هشرح بطريقة مبسطه أيه هوه كاشف الرادر.... الرادارات بتشتغل إزاي... إيه أنواع الرادارات... وأخيرا أنهي نوع المفضل إنه يشتغل في مصر...
أولا :- أنواع الرادارات...؟؟؟
الرادارت كزا نوع منهاالثابت والمتحرك والإتنين بيطلعوا موجات بترددات معينه ... بتصطدم بالسياره المتحركه.. وترد تاني للرادار... وبناءأ لقانون إن السرعه بتساوي المسافه على الزمن... الرادار هيحدد سرعتك....
يعني نتطلع بمعلومه إن الرادار بيطلع موجه معينه والموجه ده ليها تردد محدد.... (المعلومه الأولى)
ثانيا:-
الموجات المستخدمه في الرادار.... همه أربع أنواع ملهومش خامس.... فأي حد يقولك غير كده .. إنتم عارفين تردوا عليه إزاي...
الأنواع ده :- K,Ku,X & Laser
أسهل واحد يقدر كاشف الرادار يكشفه هوه ال X
وأصعبهم ال Ku وال K
أما بالنسبه لل Laser فده مش رادار بمعنى الكلمة لكنه جهاز عامل زي المسدس ... يمسكه ضابط المرور... ويوجه شعاع ليزر للسياره المتحركه بيحدده بإستخدام تليسكوب صغير متثبت عليه .. يقوم الجهاز يحددله سرعه العربيه ده........ والجهاز ده مش مستخدم في مصر...
طيب إيه الفرق مابين الموجه والتردد.... (( وده مهمه أوي))؟؟
الموجات همه الأريعه إلي قلت عليهم... أما التردد.... عباره عن إن كل موجه ليها مدى من التردد معين...
بمعنى زي الراديو فيه موجة FM و AM,,,, لكن ال FM مدى التردد بتاعها تقريبا من 87MHz لحاد تقريبا 105Mhz وعمره مهيزيد أو يقل عن كده.....
أجهزة الرادار ... بتستخدم موجه معينه بتردد معين.... المشكله في التردد... لإن فيه تردد معين بيبأه صعب على كاشف الرادر يكشفه.... فمثلا ال KU band مداها من 24Mhz لحاد 35Mhz.... أصعبهم في الكشف هوه ال 35Mhz.....
يبقى تاني معلومه مهمه .. إننا لازم نعرف إيه نوع الموجه إلي بتستخدم في مصر... وأي تردد بيستخدم فيها...
في سؤال مهم ...أو معلومه لقيت حد من الأعضاء قالها... مع إحترامي ليه ... والمعلومه ده خطأ..
عن ال Speed Cams>>> ده مش رادار بمعنى الكلمة... ده زي الكاميرا... بيتثب على إشارة المرور الضوئيه إلي بتشتغل بنظام كمبيوتري ... يعني شغاله وحديها...
طب ووظيفتها إيه... وظيفتها إنه إنته لما تشوف إشاره ضوئيه.. المفروض تبقه داخل أو بتقرب منها بسرعه معينه متزدش عنها... وإزا زدت عنها تلقطك.... لإنه لما تقرب من إشارة مرور ضوئيه ... معناها إنك مقرب من تقاطع... والمفروض تدخل على التقاطع ده بسرعه محسوبه.. علشان تقدر تتلافا أي خطأ ...
طبعا النوع ده من الرادارات مش في مصر.... لإن كل التقاطعات ماشيه بالبركه.. وبالعساكر... ولا تعليق أكتر من كده...
أجمع المعلومات تاني.... الرادار بيطلع موجه بتردد معين... بتصطدم بالسياره المتحركه .. وترجع ليه.. فيحدد سرعتك... والمفروض تعرف أي موجه بأي تردد بيستخدم في مصر...؟؟؟ أنا بأه معرفش أنهي موجه بأنهي تردد... وده مهمة الأعضاء...
أخيرا أنواع أجهزة كشف الرادار..؟؟؟؟
لازم نتفق على حاجه مهمه...
المهم بالنسبالك إن يكون عندك جهاز ليه ميزتين مهمين أوي...
أولهم إنه يقدر يكشف الموجه بالتردد بتاعها ... (( وأقصد كل الموجات بكل الترددات))
ثانيهم... إنه يقدر يكشفها من مسافه مناسبه تسمحلك بفرصه تهدي فيها... وأنا أقصد بفرصه يعني فتره زمنية مناسبه..
أول ميزه أظن مفهومه...
الثانيه ده .. وده الأهم في وجهي نظري... ليه؟؟
لإنه لو حضرتك ماشي مثلا على سرعه 160 كم في الساعه ... وعلى فرض إن الجهاز كشف الرادار على مسافه 2 كيلو متر.... وبرضه بنائاَ على قانون إن السرعه تساوي المسافه على الزمن... إحسب أجمع إطرح إضرب..
هيطلعلك وقت يساوي 45 ثانيه.. ده برضه على فرض إنك مهدتش من سرعه وإستمريت عليها.. وأظن إن 45 ثانيه كافيه أوي إنك تهدي فيها لتحت ال 100 كم .. لأ وكمان الوقت ده هيزيد لإنك عمال تقلل من سرعتك.. أتمنى إن إلي عاوز أقوله يكون وصل...
طيب... ثالث معلومه مهمه ... إن كاشف الرادار لازم يقدر يكشف كل الموجات بكل الترداد وعلى مسافه مناسبه تسمحلي إني أهدي فيها...
بالنسبه للميزتين دول........ بنقدر تحدد كفائة كاشف الرادار....
في نوع من أجهزة الرادار بتشتغل بنظام ال GPS ....
طب ده شغاله إزاي.... ببساطه إن الشركه صاحبة الجهاز ده.. نزلت بلد ما... وأعدت تتمشى في الشوارع وأعدت تحدد أماكن الرادارات الثابته .... وتقوم مخزناها في الجهاز... وإنته في العربيه ومشغل كاشف الرادار إلي من النوع ده.. هيتصل بالقمر الصناعي... ويحدد مكانك.. وأول متقرب من رادار ... هوه هينبهك...
طبعا الأجهزو ده متنفعش في مصر... لإنه برضه ببساطه مفيش شركه نزلت مصر.. وأعدت تتمشى في الشوارع وحددت أماكن الأجهزة....
أتمنى إن كل الأسئله إلي بتدور في أدمغت كل الناس أتجاوبت ...
مش ناقص غير حاجه واحده بس......... لازم تتعرف؟؟؟
إيه الموجات بالترددات إلي بتستخدم في مصر...؟؟؟
لو حد عارف يقول.. ولو حدمعاه كاشف رادار يقول .. وأنا هعرفه إزاي يعرف منه.. ؟؟
طب في حد ممكن يسألني إنته عندك كاشف رادار أساسا...؟؟؟
الرد ... لأ معنديش ... أمال عرفت كل الكلام ده منين... الرد ببساطه ... إني دورت وسألت .. ودخلت منتديات أجنبيه متخصصه في الموضوع ده... وبحثت كتير....
طب ومعندكش جهاز كاشف رادار ليه... الرد برضه ببساطه.. إني معرفش لا الموجه ولا التردد إلي بيستخدموا في مصر.... وده المهمه إلي المفرض تتعرف...
أخيرا ................وليس آخرا... أنا بعتذر إني طولت عليكم... وبعتذر إني كنت بشرح بأسلوب عامي... لكن كان لازم علشان الكل يفهم..(( مع إحترامي للعقول كلها))
أنا منتظر رد واحد فقط عن السؤال ده.... إيه هوه نوع الموجه والتردد إلي بتستخدم في مصر؟؟؟
وبنائا على المعلومه ده ... هنقدر نحدد أفضل جهاز...
إستنوا مني موضوع تاني عن الماركات بتاعت أجهزة كاشف الرادار... ومقارنات ما بينهم وصور ليهم....... المهم متنسوش .............. إيه هوه نوع الموجه والتردد إلي بتستخدم في مصر؟؟؟
وشكرا .......... أحمد أنور
رقم العضوية : 35632
تاريخ التسجيل : 15Mar2009
المشاركات : 311
النوع : ذكر
الاقامة : Cairo
السيارة: ISA rabena ykrm
السيارة[2]: Skoda fantasia
دراجة بخارية: i dont have
الحالة :
اللف شكر يا دكتور احمد على المعلومات الهايله دي كفيت ووفيت .. بس انا معرفش نوع الموجات و الترددات ...
رقم العضوية : 10522
تاريخ التسجيل : 12May2008
المشاركات : 516
النوع : ذكر
الاقامة : حلوان
السيارة: أوبل فيكترا 1600 سىسى 98
السيارة[2]: بيجو 405 1600cc موديل 95
دراجة بخارية: لا يوجد
الحالة :
موضوع جميل والشرح وافى ومفهوم
جزاكم الله خيرا على المعلومة
( اللهم ارفع مقتك وغضبك عنا) آمين
رقم العضوية : 5321
تاريخ التسجيل : 07Feb2008
المشاركات : 340
النوع : ذكر
الاقامة : saudi arabia
السيارة: لا توجد
السيارة[2]: yaris 2013 sedan
دراجة بخارية: لا يوجد
الحالة :
شكرا على الشرح الوافى و المبسط جدا
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
مع انى مش بحب الاجهزة دى
بس طريقة شرحك جميلة
A.Saad
رقم العضوية : 5834
تاريخ التسجيل : 16Feb2008
المشاركات : 2,723
النوع : ذكر
الاقامة : Port Said
السيارة: NA
السيارة[2]: Subaru Legacy 2.0i 2010
الحالة :
شكرا جزيلا على الشرح الوافي
انا معايا الجهاز V1& Cobra
ومن خلال خبرتي في السفر على طرق كثيره و خلال محافظات مختلفة شفت 3 أنواع من الرادارات في مصر بس الحقيقة معرفش أنواعهم إيه بالظبط
1- نوع قديم زي المستخدم على طريق القاهرة -إسماعيلية و ده كان بيكتشفه الكوبرا و بيشتغل على X band و بيتكشف من على بعد يمكن 300-400 متر
2-- نوع حديث في الغردقة وده انا متأكد إنه Speed Camera لأني شفت الجهاز وقارنته بواحد زيه على النت و ده الكوبرا و لا حس بيه و لاكأنه شايفه على عكس ال V1 اللي كشفة بس على بعد قريب جدا يمكن 30-50 متر
3- نوع حديث ايضا ممكن يكون برضه Speed Camera و الله أعلم و برضه الكوبرا ما بيكشفوش و اللي بيكشفه هو ال V1 ومن خلال التجربة بيكون المدى بتاعة قريب جدا و الجهاز ده موجود على طريق الزعفرانه-رأس غرب -الغردقه و على طريق بورسعيد -دمياط
قال تعالى " وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ " 281 البقرة
رقم العضوية : 828
تاريخ التسجيل : 31May2007
المشاركات : 1,010
النوع : ذكر
الاقامة : Agouza
السيارة: None
السيارة[2]: Lancer 1.6 AT FO 2008
دراجة بخارية: None
الحالة :
يا جماعة مع كامل احترامى لكم و للموضوع هاتفرق وقت اد ايه لما امشى 120 او 130 بدل 100 مع حساب المخاطرة و سوء الطرق و عدم التزام السواقين على الطرق بقواعد المرور اصلا و بالتالى نسبة المخاطرة بتزيد لأن زمن رد الفعل و مسافة التوقف بيطولوا جدا
فهل دقائق فرق تسوى كده ؟؟؟
ده رأيى الشخصى مع احترامى الكامل لكم جميعا
و تحياتى
Dr. Sherif Mansy
أى سؤال أو استشارة فى طب العيون
الصحة تاج على رؤوس الأصحاء
لا يراه إلا المرضى
رقم العضوية : 40575
تاريخ التسجيل : 18May2009
المشاركات : 3
الحالة :
رقم العضوية : 6508
تاريخ التسجيل : 27Feb2008
المشاركات : 3,034
النوع : ذكر
الاقامة : Ismailia
السيارة: Lanos II
السيارة[2]: Corsa sedan 2003
دراجة بخارية: لا يوجد
الحالة :
رقم العضوية : 5834
تاريخ التسجيل : 16Feb2008
المشاركات : 2,723
النوع : ذكر
الاقامة : Port Said
السيارة: NA
السيارة[2]: Subaru Legacy 2.0i 2010
الحالة :
بالنسبة للرادار القديم اللي بينور ال X Band
بالنسبة ل Speed Cam اللي بينور ال Ku Band
الجهاز انا مثبته حسب توصيات الصانع في وسط الزجاج الأمامي بحيث ان الأثنين Antenna القدام و اللي وارا يقدروا يشتغلوا من غير وجود عوائق و التثبيت باستخدام الحامل الخاص بالزجاج
قال تعالى " وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ " 281 البقرة
المفضلات