الموضوع: عايز عربية تتحمل 5000 كم سفر فى الشهر

السلام عليكم

نصيحتى ليك بجد سيارة لانسر محترمة جدا سواء شارك او البومة مش هتفرق الاتنين حلووين جدا

ثبان وعفشة وسيارة يابانية محترمة ومتنسااش ان اليابانى ملك السفر سواء تويوتا او لا نسر او اى حاجه محترمة من دول

وابعد عن النيسان خالص المجمعه فى مصر لان دخل فيها 40 فى المية مكونات محلية وانت عارف الصناعه المصرية

من الاخر هاتلك عربية مستورده التويوتا بقت تتجمع فى جنوب افريقيا فقدت ميزتها انها يابانية المنشأ

عشان كده بقولك عندك الانسر ( مش عشان عربيتى والله لا بس بجد محترمة جدا انا كنت ماشى على 170 بيها ومنتهى الثبات علما انها 1600 سى سى مانيوال)

ونصيحتى ليك ابعد عن الا توماتيك لان سحبه بيبقى قليل ومتقلقش من السفر اا كنت بروح واجى كل يوم من بورسعيد واسماعيليه للقاهرة

كل يوم

طول ما انت بتعمل صيانة صح خلاص وعايز اقولك ان عربيتك هتبقى محترمة جدا ومش هتتهلك ولا حاجه لان انت هتقضيها سفر

وانت عارف ان السفر بينعم المواتير وبيحافظ على قلة استهلا ك العربية فى البنزين

انا اعرف واحد تاجر عربيات كان بيعمل 3000 كيلو فى الا سبوع سفر بالعربية بتاعته وزى الفل

ركبتها انبهرت بيهاا وبأدائها وبمتورها ده عشان مغير سيورها عالطوول ومحافظ عليها زى الفل

قصدى هتهتم بيها يبقى اتمتع بيها زى ما انت عايز ولو مش يبقى هتشنش منك فى اقرب وقت

وشكرا واتمنالك حسن الا ختيار والتوفيق

المشاركة الأصلية كتبت بواسطة hamada2010

وابعد عن النيسان خالص المجمعه فى مصر لان دخل فيها 40 فى المية مكونات محلية وانت عارف الصناعه المصرية

ياريت نعرف من حضرتك ايه هى نسبة ال 40% المكونات المحلية فى الصنى المجمعة محليا، وياريت نعرف من حضرتك ايه مشاكل الاداء اللى ظهرت فى او بسبب ال 40% دول، وياريت نعرف من حضرتك ايه هو اللى (احنا عارفينه عن الصناعة المصرية)

محتاج توضيح من فضلك لعلى اكتشف ما خفى عنى من مشاكل انا مش شايفها