الموضوع: لية الالنترا احسن من النيو سيراتو؟

المشاركة الأصلية كتبت بواسطة ahmed anwer

بغض النظر عن حدة الحوار ،،

أنا اتفرجت علي السيراتو الجديدة اول ما نزلت ،،

و كان اول ماخذين عليها ،،


ضيق الصالون ،، نسبيا بالنسبة لحجم العربية من بره


مستوي خامات الصالون مقارنة بالالنترا و الآي 30 أو حتي السيراتو القديمة

و دي كانت صدمة بالنسبة ليا لأني عارف ان دي كانت نقطة ضعف في السيارات الكورية من الأجيال القديمة و اتطورت جامد في الأجيال الجديدة

قتوقعت ان اخر اجيالها هتتافادها تماما ،،

( و مع ذلك خامات السيراتو الجديدة مش سيئة هيا بس بلاستيك ناشف زي الكوردوبا و اللانسر شارك و التصميم تحفة طبعا )

فالصراحة كونت عنها رأيي أنها النترا بس بواجهة جديد ،، فمش فيها فايدة ،، و اللي نعرفه احسن من اللي مانعرفوش

خاصة ان شكل الالنترا مازال حديث برده و انا بستريح اكتر لللخطوط المنحنية

و بعدين شفت المواصفات الغير مسبوقه في فئتها السعرية

فغيرت رأيي بنسبة كبيرة ،،

و بعدين قريت موضوع د/ أحمد سامي ،، بتاع الثبات و التغييرات الجديدة اللي في عفشتها

فغيرت رأيي بنسبة أكبر ،،

و مش مستعجب من الأراء دي لو عرفنا ان كيا بتخاطب اذواق اوربية اكتر من الالنترا اللي بتخاطب اذواق امريكية و متصممه اساسا في امريكا

و كمان الأالنترا من 2006 و السيراتو 2009 فطبيعي انهم يكونوا طوروا فيها للأفضل

و هيونداي و كيا شركة واحدة دي مش محتاجة تأكيد

بس كيا بتحاول تاخد لنفسها طابع رياضي اكثر زي هوندا و تويوتا في الياباني كده

الخلاصة الاتنين حلوين و الاتنين طعمين

والله رأي فيه فكرة و يحترم، و ده يمكن اول شيئ اخد قلبي في السيارة و هو التصميم الرياضي الأوربي حاد الخطوط، هو ده زوقي 100% و موضوع ضعف الخامات هو فعلا باين في اكفئات الأولي لعدم وجود الأجزاء السيلفر إللي استبدلت بأجزاء بلاستك اقل جودة، و موضوع المساحه غريب انا طولي183 و حاسس انها ملعب :‏)‏

يا باشا ربنا يبركلك فيها ويحفظهالك وانا احب اققول لمالكى النيو سيراتو انا معايا الانترا 2009 ولما اشتريتها كان قدامى انى اشترى النيو سيراتو بس مردتش لكذا سبب والاسباب دية عيعرفوها الى اشتروها بعد ميركبوها كتير ويركبو الالنترا انا ركبت الاتنين قبل مشترى الالنترا وعلى العموم انا مش عايز الى معاهم النيو سيراتو يضيقو قوى كدة وكفايكو غيظ بقى ولو فية اى استفسار انا فلخدمة

ليل سؤالين لصاحب الموضوع
1- انت ليه فتحت موضوع زي ده هنا مش في قسم هيونداي.....مع انك شاري الالنترا خلاص يعني مش لسه محتار وعايز تقرر وبتطلب مساعده الناس.......
2- ايه هي الاسباب الخفيه اللي حنكتشفها في العربيه بعد الاستعمال
ومعلش انا برضه مفهمتش ايه الفايده من موضوعك
ولا اقولك اجاوبك انا .....
انت لو كنت مهتم اصلا بنقاش لمقارنه العربيتين كنت فتحتها في قسم المقارنات مثلا ....لا انت بتحاول تثبت حاجه لنفسك قبل غيرك والله اعلم بس ده اللي وصلي
ان انت اختيارك للانترا سليم 100 100 ومفيش عربيه تانيه تستاهل....
وان السيراتو متستاهلش الدوشه دي مع انك في كل الكلام اللي قلته متلعطش منه بحاجه
باور العربيه مع احترامي للجميع ....مساله تعود ومهواش اساس العربيه
الموتور الشركتين تقريبا واحد في كل حاجه.....السيراتو فقط نزلت بموتور احدث والالنترا الجديده نازله بيه برده
الثبات ...دي مساله برده نسبيه فيه ناس بطبعتها مابتقلقش الاخ اللي كان بيقول صاحبه عنده تويوتا وكان مرعوب انه ماشي علي 180 وماسك بايد واحده.....هو قلبه جامد صاحبه لا ...مش معناه ان الالنترا ثابته اكتر من التويوتا
والسيراتو برده ثابته جدا علي ال180 ......(بس انا بمسك بايدي الاتنين)......
2- الاسباب اللي حنكتشفها الله اعلم بها مش حضرتك....العربيه انت بنفسك قلت اجيب اللي اتجربت مش اللي معرفهاش
يبقي اكتشفت ايه......دي العربيه مكملتش مع حد شهريين علشان نكتشفها
وبالنسبه للي بيروح ياخد السيراتو لفتيين ويقول وحشه ......يبقي المفروض ما يزعلش لما واحد يقول جرب الالنترا ومشي بيها مشوار ومريحتوش وكانت وحشه بالنسبه له......
بصو بقي ....احنا كلنا لانملك اسهم في اي شركه بنشتري منها عربيه ....من الاخر مش من بقيه اهلنا علشان نتحمق عليها
يعني مفيش داعي للجدل العقيم ....مفيش حاجه في الدنيا كلها اسمها العربيه دي احسن وخلاص....
كل واحد ليه احتياجات وحاله اقتصاديه بتجبره علي عربيه معينه وطلبات معينه في العربيه وبيدور علي الصفقه الرابحه
يبقي نلتزم من الان من ان كل واحد ممكن يحكي عن تجربته في اختيار العربيه بتاعته كانت ليه وكان محتار بين اي عربيات وكانت احتياجاته في العربيه ايه .....بالاضافه انه ايه اللي زعله وكان نفسه يبقي موجود في عربيته وايه اللي حبه فيها.....
كده ممكن نفيد الكل من تجاربنا ....بدل ما عمالين تكلمو بعض باسلوب ما يصحش.....وتزعلو بعض علشان حديده حترموها في الزباله يوم ما يبقي معاكو تجيبو احسن منها
وممكن كل واحد يعمل ده...في القسم بتاعه علشان كل واحد جديد يعرف يستفيد
وشكرا ...

معلش اضافه بسيطه .....لما يحصل تتطاول بلالفاظ علي اي حد طبيعي انه يتحمق ويتضايق
ده مش معناه انه متغاظ اللي بيتغاظ وبيتفرس هو اللي بيستعمل اسلوب غير لائق في الكلام لانه مش عارف يثبت موقفه
شغل خدوهم بالصوت ليغلبوكو......وملاك السيراتو مش مضايقين من عربيتهم ولامتغاظيين
بالعكس الحمدلله مقتنعين بيها ......اللي مضايق هو اللي تاعب نفسه بخلق مناقشات جانبيه بدون هدف واضح..وجاي عند الناس علشان يقولهم عربيتكو وحشه ومش عجباني وحتندمو....طب ليه ...ايه اسبابك....مش حقول حسبكو تندمو....
اللي عايز يفيد الناس ....وفعلا عنده معلومات صحيحه حيقولها ...مش يقعد يقول ...حتبقو تشوفو...ده علي اساس انه مستني واحد بس يشتكي ان العجله نامت في عربيته ....يقوم يقوله شفت ههههههه منا قلتلكو عربيه وحشه
لو عندك معلومات حول سوء العربيه واجب عليك تقول ......وان ماكنتش عارف حاجه يبقي تسيب العربيه في حالها يتثبت وجودها يا تنفيه.......وربنا يباركلك في عربيتك وهي اذا مناسبه احتياجاتك وبسطاك متوجعش قلبك بعربيات غيرك....

رغم اني اضفت لمساتي قبل كده و كنت خلاص سبت الحوار لكن لازم اسجل اعجابي الشديد برد مدام ايناس و احمد باشا سامي :)
هيا دي اخلاق مالكي السيراتو يا شباب :)
GR8 word buddies, up up up all the way in