رد مع اقتباس
كنت مسؤول عن احد مشاريع الشبكات التليفونيه في احد القري ببحري , و المهم في حاجه اسمها كابينه الهاتف و ده عباره عن صندوق يجمع جميع خطوط الهاتف في المنطقه و الصندوق ده بيتثبت علي قاعده خرسانيه , المشكله حصلت لما الشركه المنفذه اللي انا بشرف عليهم قامت تحفر عشان تنزل القاعده الخرسانيه زي الرسومات ما بتوضح
في مكان معين , الأهالي اعترضوا و مفيش حد يشتغل هنا ! ازاي يا جماعه ؟ طيب نحاول ننقل مكانها في المكان المقابل برضه الناس تعترض و تقول هو انتوا معرفتوش تحطوها هناك و هتحطوها هنا هو احنا حيطه مايله يعني ! محدش هيحط حاجه هنا ! طبعا اتضح فيما بعد ان المنطقه بالكامل يسكن بهه اقارب و الظاهر ان لايوجد بينهم عمار و خلافات رغم انهم موسريين . طبعا الشركه اشتكت لي و عايزيين اتدخل عشان احل المشكله لان الحل البديل لا زم اوافق عليه اللي هو ممكن نرحل مكانها مسافه قدام , طبعا بتاع الشركه مصلحته الحل ده لان هيزيدكميه العمل و بالتالي ربحه , و لكني رفضت و قلت دي منفعه عامه و اللي معترض علي مكانها ( بدون سبب حقيقي و غير مبرر و مجرد عند بين الأهالي ) يتفضل ينقلها علي حسابه , اخدت الشركه و قلتلهم احفروا هنا و انا معاكم , طبعا الأهالي اصحاب المنطقه اتلموا تاني من كل جنس ( رجال و شباب و نساء و اطفال ) و النساء اللي كانت بتتكلم معايا , و فيه ست كبيره في السن قعدت تزعق , اطلعوا من هنا محدش هيحط حاجه , ازاي يا حاجه هو الشارع بتاعك ده ملك الحكومه , آه الشارع ده ملكنا و مفيش حد هيحط مسمار , نعم هو في شارع ملك ؟!! و طبعا الموقف تأزم بالنسبه لي بعد ما جاء احدهم و كان جزار و معاه سكاكين و الموضوع تحول لبلطجه . طبعا خلاص استعديت للمواجهه وخلاص هروح اعمل محضر في الشرطه و يمكن هروح مديريه الأمن نفسها و اعمل محضر تعدي علي موظف عام , المهم ربنا بعتلي واحد قبل ما اعمل الخطوه دي الراجل ده كان بيشتغل في مجلس المدينه و من اهالي القريه دي , و قالي يا بشمهندس الشارع ده ملكهم فعلا , نعم يا حبيبي انت هتشغلني انت كمان ؟ قعد يحلفلي و فهمني ان الجماعه دول اشتروا الأرض قديما و كل واحد بني علي ملكه وترك 2 متر من كل جانب و بالتالي ده يعتبر ملكيه خاصه بدليل ان الشارع ده مسدود ولا ينفذ علي الناحيه التانيه , و عشان يقنعني اكتر قمنا و فرجني علي شوارع تانيه في نفس القريه ليها نفس الوضع , المهم اقتنعت بالكلام ده اللي اكده ناس تانيه , المهم حسيت بالذنب تجاه الناس دول و اني سببت لهم ازعاج بدون سبب و انهم علي حق فذهبت اليهم مبديا اسفي علي ما حدث و ان ما كنتش اعرف الموضوع ده و ان في المدينه عندنا مفيش حاجه اسمها شوارع ملك , و تقبلوا اعتذاري و قابلوني بترحاب , و انتهي الموضوع
الموضوع: اكتب موقف غريب او مضحك حصل فى شغلك
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 24755
تاريخ التسجيل : 10Nov2008
المشاركات : 603
النوع : ذكر
الاقامة : Mansoura ::: S.Sinai
السيارة: BMW 318i/E46 سابقاً
السيارة[2]: Toyota Crolla13
دراجة بخارية: لا
الحالة :
-
hasad">سؤال خارج الموضوع هوه ليه روشته الدواء بتتكتب بخط صغير جدا جدا !!!
انا مره حصلى موقف جميل جدا
واحد شغال فى سفاره مصر فى إحدى الدول العربيه ..
كان جاى يشترى شقه فى عماره كنت بنفذها المهم الشقه عجبته و بعدين شاف عمود بارز عن الحيطه شويه المهم قالى انه هيشيله عشان يخلى منظر الحيطه كويس . المهم قلتله مينفعش .والراجل مصر انه ممكن يتشال عادى طالما ان العمود فى شقته ومش شقه حد تانى.وأقنع فى الراجل ان الأعمده دى مستحيل تتشال وهوه أبدا لا يمكن ..وانت قلتلى انه مسموح لى انى اعمل أى تعديلات فى الشقه من الداخل طالما مش هأثر على الواجهه
والحمد لله رجعت فى البيعه بدل ما يطلع ؟؟؟؟ ويوقع العماره ولا حاجه.
-
رقم العضوية : 20212
تاريخ التسجيل : 26Sep2008
المشاركات : 293
النوع : ذكر
الاقامة : EGYPT
السيارة: NOT NOW
السيارة[2]: PEUGEOT 505
دراجة بخارية: NO
الحالة :
-
-
رقم العضوية : 15582
تاريخ التسجيل : 01Aug2008
المشاركات : 2,189
النوع : انثى
الاقامة : Cairo
السيارة: 00
السيارة[2]: 00
الحالة :
-
المشاركة الأصلية كتبت بواسطة lancer92
بلاش نجيب سيرة عمليات علشان يظهر الناس بتزعل ...
خللونى احكى لكم عن موقف و انا لسه نائب صغنن فى اول تعيينى
كنت فى العيادة فى المستشفى عندنا و كانت ساعتها غرفتين بينهم باب (مفتوح طبعا) و كنت قاعد فى اول اوضة
كنت باعمل نظارة لطالبة فى الجامعة (اعلى درجة من التعليم فى مصر ... التعليم الجامعى)
و بعد ما اخدت مقاس الكومبيوتر قعدت و لبستها الشنبر Trial Frame علشان نجرب العدسات لعمل مقاس النظارة
قبل ما احط اى عدسة راحت قايلة : كل حاجة مزغللة و مش واضحة
حطيت اول عدسة و لما سألتها اذا كانت ابتدت تشوف احسن كده
ردت و قالت : كل حاجة مزغللة و مش واضحة
غيرت بعدسة اقوى و سألتها نفس السؤال
قالت : كل حاجة مزغللة و مش واضحة
زودت المقاس اكتر و سألتها تانى
قالت : كل حاجة مزغللة و مش واضحة
قللت المقاس عن اول مرة و سألتها
قالت : كل حاجة مزغللة و مش واضحة
قعدت اطلع و انزل فى المقاسات و عدت الكومبيوتر مرتين (قلت يمكن مقاسه فيه غلط) و لكن نفس المقاسات طلعت هى هى
و بعد فترة من التجارب فوق النصف ساعة (رقم قياسى لأطول وقت عمل نظارة) اتنرفزت و كنت هاتجنن و قلت لها : ماهو مش معقول بعد ماجربنا العدسات دى كلها و مش شايفة حتى اكبر علامة فى لوحة العلامات فى المراية
بصت بقمة الأستغراب و قالت لى : لوحة علامات ايه ؟؟ و مراية ايه يا دكتور ؟؟ آه ... هو انت قصدك اللوحة اللى قدامى دى فى المراية ؟؟؟ هو المفروض انى ابص عليها ؟؟؟
سألتها و انا فى قمة الذهول من ردها : امال انت كنت بتبصى فين ؟؟؟
شاورت لى الهانم على دولاب ادوية فى آخر الأوضة الثانية (حاجة كده حوالى 8-9 متر بعيد عنا) و قالت بمنتهى البراءة : ده انا كنت باحاول اقرأ الكتابة اللى على علب الدواء فى الدولاب و ماكنتش شايفاها ...
:k48::k48::k48::k48::k48::k48::k48::k48:
هي بس تقريبا خلطت ما بين كشف النضارة و كشف التليسكوبil n’est pire aveugle que celui qui ne veut pas voir
-
رقم العضوية : 6461
تاريخ التسجيل : 26Feb2008
المشاركات : 4,573
النوع : ذكر
الاقامة : Nasr City
السيارة: الحمد لله
السيارة[2]: Verna
دراجة بخارية: لا يوجد
الحالة :
-
حكايه تانيه مع نفس المدير الغتت
فى مره شاف معايا الشنطه اللى بنبيع فيها الكتب
المهم قالى الشنطه دى ازاى انت مخليها معاك كده (شافنى حاطط فيها جركن زيت العربيه )
بصراحه الشنطه شكلها حلو جدا
المهم قولتله كان فى عميل وصلتله الكتب بليل بحكم انه ساكن جنبى و الراجل مرضيش ياخد الشنطه فنسيتها فى العربيه و بعد كده قولت احط فيها الزيت (بغتت عليه )
قالى انت تعرف الشنطه دى بكام يا استاذ ثم انه كمان ممنوع ان اى حد ياخد الشنط دى غير العملاء فقط
قولتله ماهو العميل انا و ديتله فيها الحاجه و مرضيش ياخدها اعمل ايع يعنى ثم هيه الشنطه دى بكام يعنى
قالى 1.25 تخيلوا جنيه و ربع
قولتله خلاص خد 1.5 و اطلع من دماغىسبحان الله و بحمده سبحان الله العظيم
-
رقم العضوية : 4966
تاريخ التسجيل : 27Jan2008
المشاركات : 877
النوع : ذكر
الاقامة : Faisal-Tawabiq
السيارة: مش عارف
السيارة[2]: Fiat Brava 2001
دراجة بخارية: مفيش زفت
الحالة :
-
كان عندنا دكتور بعد ما خلص المحاضرة نزل روح ونام في البيت
المهم مراته صحيته من النوم وقالتله عايزة مفاتيح العربية علشان تروح الجامعة, اداها المفاتيح وكمل نوم عادي جدا
بعد 10 دقايق طلعت تقوله العربية مش موجودة تحت البيت، طبعا الراجل هاج وماج راح طالع علي القسم علشان يعمل محضر بسرقة العربية
المهم ما أطولش عليكم قولوا طول
بعد اسبوع كده الخبر انتشر والطلبه كلها عرفت، المهم قمت رايح للدكتور وعلي استحياء سالتة هي عربية حضرتك اتسرقت
قالي اه ناس مهندهاش دم ولات تييييييت مفكرين دكتور الجامعة دا بيجيب الفولوس من الهو...........
اسمحلي يا دكتور عربية حضرتك مركونة في الجراش بتاع الجامعة قدام باب الكلية،
الغريب فعلا انه خلال الاسبوع كل يوم بيعدي عليها !!!!!!!
طبعا انا جبت امتياز في المادة بالمناسبة العربية 128 موديل 82
-
رقم العضوية : 10251
تاريخ التسجيل : 07May2008
المشاركات : 804
الاقامة : cairo
الحالة :
-
المشاركة الأصلية كتبت بواسطة madyyuri
كان عندنا دكتور بعد ما خلص المحاضرة نزل روح ونام في البيت
المهم مراته صحيته من النوم وقالتله عايزة مفاتيح العربية علشان تروح الجامعة, اداها المفاتيح وكمل نوم عادي جدا
بعد 10 دقايق طلعت تقوله العربية مش موجودة تحت البيت، طبعا الراجل هاج وماج راح طالع علي القسم علشان يعمل محضر بسرقة العربية
المهم ما أطولش عليكم قولوا طول
بعد اسبوع كده الخبر انتشر والطلبه كلها عرفت، المهم قمت رايح للدكتور وعلي استحياء سالتة هي عربية حضرتك اتسرقت
قالي اه ناس مهندهاش دم ولات تييييييت مفكرين دكتور الجامعة دا بيجيب الفولوس من الهو...........
اسمحلي يا دكتور عربية حضرتك مركونة في الجراش بتاع الجامعة قدام باب الكلية،
الغريب فعلا انه خلال الاسبوع كل يوم بيعدي عليها !!!!!!!
طبعا انا جبت امتياز في المادة بالمناسبة العربية 128 موديل 82
الله يكون فى عونه جننتم الراجل
ههههههههههوجعلناكم شعوبا وقبائل لتعارفوا
-
رقم العضوية : 828
تاريخ التسجيل : 31May2007
المشاركات : 1,010
النوع : ذكر
الاقامة : Agouza
السيارة: None
السيارة[2]: Lancer 1.6 AT FO 2008
دراجة بخارية: None
الحالة :
-
بالنسبة لسؤل الروشتة ... مين قال خطها صغير ؟؟؟؟
ده فيه ناس بتكتب روشتات ولا رسومات الفراعنة على الحيطان ....
نرجع بقى للمواقف فى الشغل
عندنا فى المستشفى لعنة سنوية اسمها "الكشف الطبى لدخول الكليات" و ده بيبقى اسبوعين مرهقين و متعبين و مملين و ... و ... و ... كل حاجة ، و الحمد لله ان عندنا المرحلتين الأولى و الثانية بس ... ده لو كان كل المراحل كان زمان الواحد اتجنن
طبعا فيه ناس بتسأل و تقول ليه يعنى ؟؟؟
تخيل لو انت مطالب انت و عدد 8 من زملائك تكشفوا على 2000 - 2500 طالب يوميا (قياس نظر بالعلامات و ملاحظة اى مشاكل ظاهرة) ... فى 6 ساعات فقط ... 3 ساعات بنات و 3 ساعات ولاد ...
و تعمل ايه لو الأجابات بالطريقة دى :
مرة بأسأل طالب فى العلامات علشان قياس النظر
*أنا : العلامة دى مفتوحة منين ؟
*الطالب : يمّة دوار العمدة .. (بكسر الدال)
* أنا : نعم ؟؟؟ مفتوحة منين ؟؟
* الطالب : يمّة دوار العمدة (يضغط على مخارج الحروف علشان يسمعنى و كأنى جاهل مش عارف الأتجاهات الحديثة بتاعته)
* انا (مندهشا) : طب و العلامة دى مفتوحة منين ؟
* الطالب : يمّة الزريبِة . (بكسر الباء)
احنا متعودين نسمع "قبلى" و "بحرى" أو "مقبلة" و "مبحرة" على اليمين و الشمال ، و لكن اول مرة اسمع الكلام بتاعه ده ...
و كنت مذهول لما الولد طلع مش بيهرج و بيتكلم بجد ، و لما قعدت اسايسه و احايله علشان افهم منه ، طلع ان "دوار العمدة" يمين بيتهم و ان "الزريبة" شمال بيتهم فى البلد ....!!!!! (طبعا المفروض ان الناس تكون عارفة المعالم الشهيرة دى)...Dr. Sherif Mansy
أى سؤال أو استشارة فى طب العيون
الصحة تاج على رؤوس الأصحاء
لا يراه إلا المرضى
-
رقم العضوية : 9734
تاريخ التسجيل : 28Apr2008
المشاركات : 628
النوع : ذكر
الاقامة : Egypt - Qina
السيارة: لا يوجد
السيارة[2]: Polonez 89
الحالة :
-
ههههههههههههههههههههههههه هههههه المشاركة الأصلية كتبت بواسطة lancer92
دى عالم فى الضياع خالص
اعتقد يا دكتور ان لو شاورت له على علامة لتحت كان قالك قبر أبويا :ma(30):محمد الفوالأحب الصالحين ولست منهم لعلي أن أنال بهـم شفاعـةوأكره من تجارته المعاصي ولو كنا سواء في البضاعة
-
رقم العضوية : 11215
تاريخ التسجيل : 21May2008
المشاركات : 1,853
الاقامة : nasr city
الحالة :
-
ههههههههههههههههههههههه
بجد حاجة مش معقولة
والله تنفع اكسبريشن ( لازمة ) في الحوار
وأنا بالعربية أدي إشارة يمة دوار العمدة
وإشارة يمة الزريبة ... ههههههههههههههههههههه
والفلاشر ..يبقا جوة الدوار
ههههههههههههههههههههههههه ه .... ناس محصلتش
الله يكون في عونك يا دكتور
كم أحبك يا الله
-
رقم العضوية : 828
تاريخ التسجيل : 31May2007
المشاركات : 1,010
النوع : ذكر
الاقامة : Agouza
السيارة: None
السيارة[2]: Lancer 1.6 AT FO 2008
دراجة بخارية: None
الحالة :
-
hasad">بمناسبة الكشف الطبى برضه
مره بأسأل طالب فى العلامات
* أنا : العلامة دى مفتوحة منين ؟؟
* الطالب : الأتجاه الحقيقة ولا حسب المراية ؟؟
* أنا : ازاى يابنى ؟؟ هو فيه فرق ؟؟.gif "Majd(4)")
* الطالب : (بذكاء و استعلاء زى اللى جاب الديب من ديله) طبعا يا دكتور .. ما هى المراية بتعكس كل حاجة ... هو انت مش واخد بالك ولا ايه يا دكتور ؟؟؟
* أنا : (بابتسامة عريضة من الغيظ) طب العلامة دى فى المراية مفتوحة منين ؟؟
* الطالب : (بثقة مع هزة رأس) على حسب المراية تبقى يمين ...
* أنا : طب لف راسك و بص على لوحة العلامات و قول لى نفس العلامة مفتوحة منين ؟؟
* الطالب (متلعثما و وجهه عرقان و احمر من الكسوف) هه ... طلعت يمين برضه ...
* أنا : (بنفاذ صبر) ايه رأيك بقى ؟؟؟
* الطالب : معلش يا دكتور ... أصل انا لما جيت جاى المستشفى ... نزلت فى ميدان الجيزة ... ما بقيتش عارف لا يمينى من شمالىو لا راسى من رجليا ....
ما بقاش عارف يمينه من شماله و لا راسه من رجليه لما نزل ميدان الجيزة ... تقولشى اسقطوه بالمظلة مثلا فالاتجاهات باظت عنده ؟؟؟
و لا ده عنده مشكلة فقدان الاتجاهات فى الميادين (مرض جديد لسه ماحدش سمع عنه او اصيب به الا اخينا ده) ؟؟؟ و هايعمل ايه يا ترى لو نزل ميدان التحرير او روكسى او العتبة مثلا ...
الرحمة يا رب
و يقولوا الدكاترة بيجيلهم ضغط بدرى ليه ...Dr. Sherif Mansy
أى سؤال أو استشارة فى طب العيون
الصحة تاج على رؤوس الأصحاء
لا يراه إلا المرضى
المواضيع المتشابهه
-
ما هو اكثر موقف مضحك وهو سايق او له علاقه بالسيارات
بواسطة osos_lion في المنتدى المنتــــــدى العـــــــــــام للسيــاراتمشاركات: 346آخر مشاركة: 13-09-2012, 04:50 PM -
اكتر موقف مضحك حصل معاك من ولادك
بواسطة د.أحمد السعيد في المنتدى المنتــــــدى الاجتمــاعىمشاركات: 50آخر مشاركة: 12-04-2011, 05:09 PM -
موقف مضحك بجد منقول
بواسطة DR/WAFEK في المنتدى المنتــــــدى الاجتمــاعىمشاركات: 7آخر مشاركة: 11-05-2010, 12:16 PM -
موقف مضحك مع واحد جزائرى
بواسطة lonedoctor في المنتدى المنتــــــدى الاجتمــاعىمشاركات: 15آخر مشاركة: 25-11-2009, 05:23 PM -
موقف مضحك مبكي !! (العهده على الراوي)
بواسطة PoweRPassioN في المنتدى ساحة المرور وموضوعات التأمين في مصرمشاركات: 50آخر مشاركة: 04-06-2009, 12:41 AM
المفضلات