مــقــارنــه بــيــن نــيــو ســيــراتــو sx و لانــســر شــارك هــاف ســبــورت

**akram2010** · 25-05-2009 08:37 PM

فى المقارنه دة اركب القرش سيارة محترمه وتحفه لمن جربها مش تتفرج عليها فقط وتحكم فجودة وشكل وراحه تستمر معاك سنين والفرق هنا خبرة وجودة خامات كل جزء فيها والكلام دة تشعر به مع الوقت وليس الان لاتقارن سيارة زى الكيا امام اللانسر هناك فرق ياعزيزى

**محمد عز** · 26-05-2009 09:33 AM

بعد ما أجهزت النيو سيراتو على مازدا 3

ولم ترحم الانسر الجديدة

تبقى لها موقعتين غاية فى الاهمية والقوة

وهما المقارنة مع الكورولا والسيفيك

والمتوقع ان تهزمهم شر الهزيمة

**Busquets** · 26-05-2009 09:49 AM

يمكن أكون مش فهيم أوي فالعربيات
بس أنا عن نفسي لا تفرق معي مكان ميلاد العربيه
صيني بقى ياباني ألماني هندي
طالما العربيه هتديك على قد فلوسك وفي ناس مجرباها ومستريحه يبقى خلاص
يعني أنا لو معايا ١٦٠ ألف استحاله اشتري لانسر ليس لشيء بس عشان كل ماشفها ألاقي الي سايق بيحرق وجايب اخرها وتسمع الصوت تقول مش هتلحق تشوف نوع العربيه من السرعه ألاقي الشارك ومش لاحقه تجمع ! يعني صوت علي جداً مع سحب لا يقارن بصوت الموتور !
لا أعلم لاحظتها أكتر من مره يمكن أكون غلطان وأنا ماجربتهاش عشان أحكم
عن نفسي لو هجيب بكل تأكيد هجيب السيراتو
شكلاً ومضموناً في رأي أفضل !

نقطه أخرى :)
أنا ضد التقليل من أي ماركه فقط من أجل بلدها!
يعني أجد إن الناس تعيب فالصيني بشكل رهيب
طيب إنت جربته
في مثل بيقول تعرف فلان! عاشرته ! يبقى متعرفوش
نفس الفكره لو مجربتش العربيه صعب أحكم عليها
لذا الحكم من خلال بلد الماركه لا أراه رأي سليم

**Hosam_Optrawy** · 26-05-2009 12:07 PM

المشاركة الأصلية كتبت بواسطة busquets

يمكن أكون مش فهيم أوي فالعربيات
بس أنا عن نفسي لا تفرق معي مكان ميلاد العربيه
صيني بقى ياباني ألماني هندي
طالما العربيه هتديك على قد فلوسك وفي ناس مجرباها ومستريحه يبقى خلاص
يعني أنا لو معايا ١٦٠ ألف استحاله اشتري لانسر ليس لشيء بس عشان كل ماشفها ألاقي الي سايق بيحرق وجايب اخرها وتسمع الصوت تقول مش هتلحق تشوف نوع العربيه من السرعه ألاقي الشارك ومش لاحقه تجمع ! يعني صوت علي جداً مع سحب لا يقارن بصوت الموتور !
لا أعلم لاحظتها أكتر من مره يمكن أكون غلطان وأنا ماجربتهاش عشان أحكم
عن نفسي لو هجيب بكل تأكيد هجيب السيراتو
شكلاً ومضموناً في رأي أفضل !

نقطه أخرى :)
أنا ضد التقليل من أي ماركه فقط من أجل بلدها!
يعني أجد إن الناس تعيب فالصيني بشكل رهيب
طيب إنت جربته
في مثل بيقول تعرف فلان! عاشرته ! يبقى متعرفوش
نفس الفكره لو مجربتش العربيه صعب أحكم عليها
لذا الحكم من خلال بلد الماركه لا أراه رأي سليم

شكرا على مشاركتك ورأيك المحترم

**enas75** · 26-05-2009 02:34 PM

المشاركة الأصلية كتبت بواسطة محمد عز

بعد ما أجهزت النيو سيراتو على مازدا 3

ولم ترحم الانسر الجديدة

تبقى لها موقعتين غاية فى الاهمية والقوة

وهما المقارنة مع الكورولا والسيفيك

والمتوقع ان تهزمهم شر الهزيمة

انا مشفتش المقارنه دي كانت فين....
المقارنه اللي انا شفتها كانت علي شكل السيراتو امام المازدا2010
اما الباقي كان خلاف اذا كانت شنطه المازدا كبيره ولا لا
وضربنا ليكم مثل حاولو تحطو عربيه اطفال فيها وفي السيراتو او حتي اي عربيه تانيه( لانسر او نيسان او شاهين)
وانت حتعرفو نقصد ايه
المازدا واطيه ولا لا......وكل اللي جرب العربيه وركبها وساقها في مصر عارف المعلومه دي وحصل جدل عقيم
عليها مع ان ده مش عيب ...ما الهوندا سيفيك كده بس منخالفش الحقائق علشان في ناس بتفرق معاها ارتفاع العربيه
والنقطه الجدليه الازليه دائما...
ان مع السيراتو الsx بكل كماليتها وعوامل الامان فيها= 116000 جنيه
اما المازدا اللي زيها تصل ل130000 فهناك عامل التوفير
فقامت القيامه ...ازاي تقارنو كوري بياباني
بنقول معاكو حق بس الكلام ده من 10 سنين بصو بره مصر الدنيا ماشيه ازاي دلوقتي ....لالالالالالالالالالالاو الف لالالالالالالالا
الياباني حيفضل طول عمره افضل
معانا 1+1=2
العربيه حتديني ايه بكام ...ده الفكر الجديد المرفوض من قبل الكل
حتي مع عربيه مبشره بالخير وشركه تاريخها كويس بدون سبب واضح الا انها كوريه الجنسيه

**Mostafa Hessen** · 27-05-2009 12:28 AM

أعتقد السيراتو صفقة ممتازة مع احترامى الشديد للشارك

**Hosam_Optrawy** · 27-05-2009 01:42 AM

المشاركة الأصلية كتبت بواسطة ahmed samy

مين قال انها هزمت المازدا ؟؟؟

المنافسة هاتوضح ...و المبيعات العالمية هاتقول

و المقارنة مع التويوتا و الهوندا مشروعة .....بغض النظر عن مين اللي يكسب

دلوقتى بقت مشروعه ؟

اللى يسمعك النهارده ميسمعكش امبارح وانت بتبيعنى

**Hosam_Optrawy** · 27-05-2009 03:53 AM

المشاركة الأصلية كتبت بواسطة justs

واضح أن اللي عامل المقارنة لا هيشتري دي ولا دي ولا محتار بينهم والله أعلم ،
وأنا مش شايف غرض من المقارنات دي غير أن الناس اللي بيدافعو عن السيراتو ، واحد منهم يعمل المقارنة والباقيين يدخلو يقولو السيراتو أحسن ، وكل ده عشان تكون السيراتو بتتقارن بالشارك والسيفيك والمازدا3 والكورولا ، لأ ومش بس بتتقارن بيهم ، دي أحسن كمان ، بصراحة أنا شايف أن المقارنات دي بقن بايخة قوي ، وعمرها ما هتعلي السيراتو ولا تقلل العربيات التانية ولا عمرهم هيتساوو ببعض ، وبصراحة انا مش فاهم محاولة تضخييم عربية زي السيراتو دي لمصلحة مين ولا ده مرض نفسي ولا عقده ولا ايه بالظبط ، وأنا عموما مش هقول انهي أحسن لأني من فترة وصلت أنه أحسن حاجة أن الواحد ميردش على المقارنات دي ويتجاهلها أحسن ، بس أنا حبيت أوضح الصورة اللي أنا شايفها مش أكتر ،

ومتنسوش على فكره ...........
، النيو سيراتو منافس شرس للباسات سي سي ، متهيألي دي المقارنة الجاية:u_thin1[1]:

انا فعلا لا هشترى دى ولا دى ولا محتار بينهم

انا مش طالب مقارنه انا اللى عارض المقارنه

يعنى موضح الاتنين ادام بعض للى عايز يقارنهم ببعض

وبعدين انا مجبتش حاجه من عندى

بيتهيألى انا كاتب كل المعلومات وبيانات العربيات مظبوطه

وكل واحد بقى يشوف انهى احسن من وجهة نظره

والسيراتو عربيه ناجحه ومحترمه ومش محتاجه انى اقعد اعملها مواضيع

وبقية الناس يخشوا يأكدوا ان السيراتو احسن وافضل

انا قلت لحضرتك الغرض من الموضوع ومن المقارنه

وقسم المقارنات مليان مواضيع مشابهه

اشمعنى بقى حضرتك مستبوخ الموضوع ده بالذات ؟

عشان المقارنه مش عاجباك ؟ معترض ان فى ناس شايفه السيراتو احسن من اليابانى المقدس ؟

والله ده رأيهم وهما احرار فيهم

زى ما حضرتك مقتنع انك تدفع 20 الف او 30 الف زياده عشان تركب حاجه صناعة اليابان

محدش هيغصبك ويقولك لأ متركبش

كل واحد حر

وعلى فكره المريض النفسى والمتعقد هو اللى بيبقى عنده تعصب اعمى لشئ مهما كان منافسه احسن منه

وزى ماحضرتك قلت التجاهل احسنلك طب رديت ليه

ماهو ردك ده دليل هلى انك عايز تقلل من السيراتو وخلاص

لان لو انت شايف زى ما بتقول ان السيراتو لا تقارن ولا تتساوى باليابانى

مكنتش هاترد اصلا

وبالنسبه للباسات سى سى مينفعش طبعا تقارنها بالسيراتو

دى حاجه ودى حاجه طبعا اش جاب لجاب

انما المازدا والكورولا والحاجات دى عادى

السيراتو تتقارن بيهم لانهم فئه واحده

وتتفوق عليهم كمان

كل الفكره ان اليابانى اغلى لمجرد اسم الماركه مش اكتر