الموضوع: مــقــارنــه بــيــن نــيــو ســيــراتــو sx و لانــســر شــارك هــاف ســبــورت

المشاركة الأصلية كتبت بواسطة ezzatfox

ياة .. الموضوع دة كان تاية فين انا اول مرة اشوفة
عامة اتوجة بتحية احترام للاخ العزيز حسام و احمد سامى و باقى الاخوة على ارائهم المحترمة ، قالوا كل اللى انا عايز اقولة و زيادة .
و بعد كل دة تلاقى واحد قال اللانسر عشان يابانى .. مهما شاف من براهين و حجج و لمس بايدية تفوق سيارة كورية على اخرى يابانية ، فانة يغمض عينية تماما عن هذة الحقائق و يقوم بتسميع الكلام المحفوظ مسبقا و لا يتكلم عن اى ميزة فى السيارة سوى انها يابانية الصنع .. يعنى اليابان لو عملت توكتوك فى ناس هتجيبة عشان يابانى .
و واحد تانى تعب نفسيا و اتعقد و جاتلة قرفة .. دة يبقى اسمة اية دة
ربنا يصلح حالنا و حالكم و يكفينا شر التعصب الاعمى .

أعتقد أن الواحد اللي قصدك عليه هوه أنا ، وأنا فعلا زهقت وجاتلي قرفة ، بس مش من العربية ، ولكن من المبالغة اللي الناس فيها ، وعلى فكره أنا مش عجباني الشارك من أول ما نزلت ولحد دلوقتي ، بس بصراحة بردو مش شايف أن السيراتو تنافسها أو أحسن منها زي ما الناس بتتكلم ، وشايف أنها فعلا لا تستحق اطلاقا الكلام المبالغ فيه اللي بيتقال عليها ، دي لسه اصلا ممشيتش في الشارع 10000 كيلو على بعض ، يبقى كل التهليل ده وهي اصلا لسه مش متجربة ، وظهرت بردو فيها مشاكل تقفيل وسخونة وعفشة وهي لسه حتى مكملتش حاجة ، ومعروف من خلال عربيات كوري قبلها إن الكوري عمره قصير ، وحتى مواتيره عمرها الأفتراضي اقل بكتير من الياباني ، يعني لما نقول الياباني معمر اكتر بكتير من الكوري ، ده مش كلام تعصب اعمى وآراء مبنية فقط على الجنسية ، ولكن هناك تجارب كثيرة للياباني والكوري ، من خلالها اصبح واقع لا ينكره الا اللي عاوز يغمي عنية ، وهو ان الياباني معمر اكتر بكتير من الكوري ، وبردو ما زال هناك فروق في التقفيل ، وروح شوف السيراتو اللي البربريز بتاعها بيزيق في اكتر من حالة معانا في المنتدى ( عشان متقوليش حالة فردية ) ، وتخبيط مساعدين ، وسخونة ، وحجات غيرها ، يبقى مش عشان عاجبكم شكل السيراتو ( اللي بردو مش اكتر من انه يتقال عليه حلو ) ، نلاقي المبالغة دي وانها تنافس الكورولا والمازدا والسيفيك ، وهية اصلا ادنى من اننا نحط اسمها في نفس السطر مع العربيات دي ، والاقي اللي بيقولك احسن وبتنافس وتتقارن ، يبقى متهيالي ده جدال عقيم يخلي الواحد معاه حق لو قرف من الرد اصلا ، وعموما كلها كام شهر وهتبان عيوبها اكتر ، والناس هتعرف انها دفعت فيها اكتر مما تستحق بكتير ، وانها فعلا اخرها تنافس الالنترا ولن تصمد امامها كمان !

المشاركة الأصلية كتبت بواسطة justs

وعموما كلها كام شهر وهتبان عيوبها اكتر ، والناس هتعرف انها دفعت فيها اكتر مما تستحق بكتير ،!

هو مين اللي قال عيوب القزاز و السخونة و التقفيل ده ؟؟؟

انت مغمض عن كل الناس الي بتشكر في العربية

و جايب تعليق منقول من حد مانعرفوش و مبالغ فيه كمان (كان بيقول ان العربية تقيلة و مابتجريش و بتطلع شخونة على رجله و..ان ال 128 احسن منها)

بذمتك انت الكلام ده يخش ذمتك بنكله ...؟

دا تلاقي الراجل من كتر ما الناس بتوقفه تسأله بقى يقول كده

و عموما ......

كلها كام شهر و العربية تبان اكتر و اكتر

و الناس تعرف ان فلوسها راحت في المكان الصح ....ان شاء الله

وانها فعلا اخرها تنافس الالنترا ولن تصمد امامها كمان

ده بقى تعليق كوميدي جدا يا صديقي

انت اكيد بتهزر

صح ؟

المشاركة الأصلية كتبت بواسطة mohammedsamirabdeen

لا تعليق!!!!!!!!!!احلام سعيدة مش هتتحقق وسلملي على الياباني

يا عم احلام سعيدة ايه ، هوه انا يعني بتمنى انها تفشل ، متولع السيراتو على الكوري على الياباني ، والله اهي التعليقات دي هي اللي بتخلي الواحد يقرف فعلا ، مش عارف والله المنتدى بقى فيه اساليب غريبة عليه افقدته الكثير

المشاركة الأصلية كتبت بواسطة ahmed samy

هو مين اللي قال عيوب القزاز و السخونة و التقفيل ده ؟؟؟

انت مغمض عن كل الناس الي بتشكر في العربية

و جايب تعليق منقول من حد مانعرفوش و مبالغ فيه كمان (كان بيقول ان العربية تقيلة و مابتجريش و بتطلع شخونة على رجله و..ان ال 128 احسن منها)

بذمتك انت الكلام ده يخش ذمتك بنكله ...؟

دا تلاقي الراجل من كتر ما الناس بتوقفه تسأله بقى يقول كده

و عموما ......

كلها كام شهر و العربية تبان اكتر و اكتر

و الناس تعرف ان فلوسها راحت في المكان الصح ....ان شاء الله





ده بقى تعليق كوميدي جدا يا صديقي

انت اكيد بتهزر

صح ؟

يا احمد انا مش قصدي على المشاركة اللي انت بتتكللم عليها ، وأنا على فكره معلقتش عليها ، لأنه كلام مبالغ فيه فعلا ، وان كان حقيقه تبقى حالة شاذه ، لكن أنا بتكلم عن موضوع تاني واحد كاتبه عن مشكلة الزجاج دي ومعاناته في التوكيل وكذا حد رد علية ان عنده نفس المشكلة ، وهي عن السيراتو القديمة على فكره ، والجديدة مش فارقه عنها غير الشكل وشوية كماليات ، وأنا كنت خلاص قررت اني متكلمش في مواضيع السيراتو دي تاني ، بص غصب عني بحس اني لازم ارد ، والله أنا نفسي ربنا يهيدك انت بالذات يا احمد وتشوفلك حاجة تانية معروفة وتستاهل الفلوس اللي انت هتدفعا دي ، لأني حاسس انك طيب ومتستاهلش فلوسك تروح في السيراتو دي

المشاركة الأصلية كتبت بواسطة mohammedsamirabdeen

يا عم مش علشان انت السيراتو مش عاجبه حضرتك تقوم تكره الناس فيها.........سيب الراجل في حاله ولما السيراتو دي اصبحت ماركة مش معروفة ايه المازدا 3 هي اوي اللي معروفة ...حضرتك قولت وجهة نظرك وده رايك بس بلاش الهجوم ده على الكيا وكمان الكورولا اللي انت مستخسر ان السيراتو تنافسها دي جنوب افريقي وكلها مشاكل وسعرها عالي علشان هي تويوتا واهم يا عم هينزلوا كرولا تايلندي والهوندا سيتي الجديدة برده تايلندي وبكره نشوف المازدا والسيفيك هيتجمعوا فين ؟؟؟؟؟؟؟؟؟؟؟خليك منطقي كل ده هجوم علشان عربية كوري مليئة بالكماليات وعوامل الامان وسعرها كده طبعا ازاي ؟؟؟كل في المنافسة يا باشا وزي مافي عقدة الخواجة برده لس عندكوا عقدة الياباني !!!!!!!!!!!!!!!!

اعتقد ان الكلام مش موجه ليك .... واعتقد كمان انه واضح اني قرفان من ردودك اللي ملهاش اي منطق وتهليل وتهييص بكلام ميقولوش اي واحد عنده حتى فكره عن العربيات ... فيا ريت بقه يا تتكلم كلام معقول وبطريقة ناس عاقلة كده وكبيره ... يا اما لو كل الكلام من نوعية " تحيا موسوعة كيا العالمية المهلبية " " وعقدة الياباني " والتعليقات السخيفة الكتيرة السابقة ... في الحالة دي يفضل ميكونش فية اي تبادل للردود وأنا اوعدك اني مش هرد على مشاركاتك لا بحلو ولا بوحش