الموضوع: مــقــارنــه بــيــن نــيــو ســيــراتــو sx و لانــســر شــارك هــاف ســبــورت

يا جماعه فاصل ونواصل...براحه شويه
..نكلم بالمنطق شويه مش بالحماس الزائد عن الحد..
1- يابانى او كورى..
..اليابانى يحتل مرتبه عاليه...بس الكورى قرب منه كتير
وعايز اسال سؤال هو لما اليابانى بقى يجمع بره كده يبق يابانى..يابانى ولا...يابانى على زلبانى...
2- فرق السعر فى مصر مش معناه ان السياره الأغلى هى الاحسن
.لكن السعر للمشترى لازم يكون مرضى بالنسبه للكماليات والرفاهيه والامان..
فالحاله ديه الكيا تتفوق ليه..
السعر مناسب لامكانيتها والكماليات برغم انى شايف انهه عالى شويه
اللانسر الشارك عالى شويتتين..ثلاثه..
3-الاداء..
الكيا نيو سيراتو لسه منحمكش عليها دلوقتى ..حرام..
الشارك..اداء غير مقنع لعائله لانسر المحترمه فر مصر..يعنى زى متقول ولد عياره فالت شويه. ربنا يهديه

فى النهايه نيو سيراتو * شارك = تعادل ..وكله حبايب

بس ان لو معايه ثمن الشارك ..أشترى سيفيك او تويوتا
ولو معايه ثمن نيو سيراتو اشترى الهاى منها مقارنه باسعار المنافسين فى الفئه السعريه بتاعتها

اولا انا من ملاك الشارك لاكن معجب جدا بالنيو سيراتو ورحت جربتها واتفرجت عليها من برا ومن جوا العربية مش وحشه وعربية كويسه لاكن مع احترامي لكل اللي قال ان السيراتو افضل انت من فتحة الباب هتحس فعلا ان اللانسر عربية متكلفةو فعلا اعلى من ناحية الفخامة ومن ناحية حتى وزن الباب هقولها كدة بالبلدي تحس باحترام اكبر لما تقعد جوا اللانسر وبعدين من ناحية القعاد جوا العربية اللانسر مريحة اكتر خامات التابلوه احسن يكتير عموما التقفيل بتاع اللانسر من جوا اعلى من الكيا وبخصوص الشكل من برا كل واحد و ذوقه وبالنسبه لموتور الكيا انا معرفش عنه حاجة لكن اللي اقدر احكم عليه موتور اللانسروانا من راي انه موتور ممتاز جدا جدا واحسن ما فيه بجد التسارع بتاعه ممتاز وكمان موتور مش ضعيف زي ما الناس بتقول لان مشكلة الناس في مصر بتتكلم من غير تجربه لكن انا عن نفسي راضي عن موتورها جدا وباحمد ربنا اني اخترت الشارك ولو كان رجع بيا بردو الزمن مكنتش هشتري غيرها عموما انا عربيتي سبورت كويتي موديل 2008

مساء الخير للجميع انا فعلان حابب كل المقارنات ومسموح طبعا اننا نقارن اي عربيه بأي عربيه تانيه انشله 128 بل بي ام دابليو ممكن ؤل قطع غيار اقدر عليها مثلا كل شئ جميل
بس في نقطه انا عاوز اتكلم عنها وهي ان بتوع المعارض بيؤلو ليه ان الشارك وحشه في زياده في انتاج البوما و خطه تصنيعها تقريبا خلصت وفي موديل جديد هينزل طيب هيعملو ايه في الي صنعوه قبل كده في الشكل القديم لازم يرخصو من سعره ويوحشو من الجديده علشان خاطر القديمه يخلصو منها علشان الجماعه المستوردين استوردو منها بكتير فا يعملو ايه احسبها انت اي تاجر اغزيه لازم يمشي القديم علشان الجديد دي نقطه من الاخر مايلبسش القديم
النقطه التانيه العربيتين جمال فعلا والواحد ماينكرش خالص مافيش عربيه وحشه من الاخر بس عايز اؤل ياريت نعرف عيب الشارك ايه وعيب الكيا نيو سيراتو ايه يعني الشارك شنطه ديقه بس زياده انما عيب السيراتو ايه مش عارف انا سوقت القديمه اكتر من شهر هيا عربيه تمام بس خفيفه شويه يعني عن البومه مش الشارك انا شايف من وجهت نظري في الشارك انها سبات وفرامل وشكل وامكانيات بجد بجد ملهاش حل وزياده عن كده الماتور المايفك الي فيها ده فعلان نصيبه من نصايب الزمن بس انا لما بحب اقارن عربيه لازم اجربها مابسمعش كلام حد خالص وانا مش عارف في في النيو سيراتو مانويل ولا لا زي الفورد الفوكس مفهاش مانويل المونديو فيها مانويل مش عارف ليه لزمه الحكايه دي
ثانيا انا عاوز اؤل حاجه بعد ازن الجميع هيا عن حاجه بسيطه لو جيبنا تاكييف عاربيه بومه ونقارنه بلسبيكترا كيا طبعا في فرق وانا جربت الحكايا دي والاتنين موديل واحد 2002 دي حاجه صغيره مش عارف بعد كده فرق برضو لازم يبقي في فرق بين اليباني والكوري زي ما في فرق شاااااااااااااااااااسع بين الياباني والالماني خلاص مافيش كلام وبعد كده نرلو للانجليزي زي البنتلي مانقدرش نتكلم بس لازم نقارن ونعرف بكل ود ونعرف انا عمتا معايا لانوس وفي نظري زي السكر مع انها ولا سبات ولا اي نيله بس انا ابدي رأي للشارك ثم الشار ثم الشارك بس لو ربنا فرجها نجيب اؤدي
اخر حاجه للاستاز الي بيؤل ان اسعار قطع غيار الكيه نص الماتسوبيشي غلطااااااااااااااان جدا جدا وعاوزك تسأل لحجات قديمه بلاش الجديد علشان ماتتخضش واسف علي الاطاله

ياجماعة الكيا نيو سيراتو جميلة جدا جدا بس متكسبش الشارك طبعا الا لو حد عايز يوفر . بس مش هياخد نفس الاداء طبعا
وسيبكو بقى من موضوع الهورس باور العالي اللي في الكيا والفشر ده
بيقيسو الهورس باورقبل الجهد الضايع
هات شارك مانوال وسيراتو مانوال وجربو الاتنين مع بعض ودي 109 ودي 124
والشارك هتطلع
ده غير الشكل والثبات و الكفاءة اللي برضو موجودين في السيراتو بس مش بنفس الدرجة
بس ده ميمنعش ان السيراتو هيلة وتتقارن يالشارك بس متكسبهاش
ولو كسبتها يبقى عشان السعر واداء قريب من الشارك
مش عشان احسن من اداء الشارك والكلام الفاضي ده

سيراتو طبعاااااااااااااااااااااا ااااااااااااااااااااااااا ااااا