تقيمى للسياره passat 1.4 tsi

راىى فى العربيه الباسات كالتالى

اول الحاجه المواصفات و الكماليات فى الP3

زينون متحرك مع حساس اضاءه ، حساس مطر ، حساسات PARKING اماميه و خلفيه،كرسى السائق نصف كهرباء (بدون ميمورى)، فرش جلد طبيعى ريكارو (رياضى)، 8 سماعات دولبى ،10 ايرباج ،طاره دريكسيون جلد و تليسكوبيه، فتحه سقف ، جنوط سبورت ، مثبت سرعه

الموتور و الفتيس مختلفين تماما عن الFSI

الموتور عندى 1400 TSI , تيربو شارجر
121 حصان , , و العزم 200 نيوتن عند 1500 -3000 rpm وخلى بالك عندRPM منخفض جدا
وده لينك يوضح لك الفرق بين ال TSI & FSI هنا


لاحظ كمان ان نسبه الانضغاط 10 فى ال TSI مقابل 12 فى ال FSI وده معناه عمر اطول للموتور

الفتيس DSG 7 shift ماتحسش على الاطلاق ان فى نقل سرعات اللهم الا أذا كنت سايق على المود S وكابس بنزين اللى عرفته ان ده احدث نظام م VWبيحضر للنقل و تبريد جاف هوائى و زيت ، الفتيس بيشيل 1.5 كيلو زيت
مقابل 4.5 كيلو فى ال FSI ,وده لوحده بيعلى اداء العربيه 15-20 % عن ال FSI

الاداء:
انا شارى العربيه 1\2\2009 و كانت اول او تانى عربيه تخرج من موزع تبع الوكيل بالمواصفات دى
كل ما كنت اقول لحد 1400 يقولى حرام عليك هيعمال ايه مع عربيه بالحجم ده
اقوله اتفضل اركب معايا افرجك القيه متخشب فى الكرسى ،السحب والعزم افضل من اى عربيه 2000 س س و اعلى كمان
انا طبيعه سواقتى هاديه لكن انت عارف وانت ماشى ناس تحب تعصبك فبيكفى دوسه بنزين و من غير النقل على ال S و الموضوع بينتهى
اعلى سرعه مشيت عليها 200 ك/س و تحس كانك ماشى 130 او 140 العزل اكثر من رائع و الثبات حدث ولا حرج (بالكومبيوتر)
انا سحبت بيها مع BMW318 , و مرسيدس C180 و طبعا النتيجه معروفهWV تكسب
استهلاك البنزين على طرق السفر بدون اى اماكن داخليه
على سرعه 90 - 110 5.6 لتر لكل 100 ك
على سرعه 120-130 6 لتر لكل 100 كيلو
على سرعه 180 -200 8 لتر لكل 100 كيلو

داخل البلد و سرعات مختلفه و اشارات 9 لتر لكل 100كيلو
الارقام دى متوسطات العربيه بتديها ليه و بشوفها بعد كل مشوار وده فى الاول بس

العربيه عملت معايا حتى تاريخه 15000 الف كيلو عملت صيانه واحده هى صيانه ال 5000 وكان 550 جنيه زيت و فلتر و مصنعيات

ياريت اكون افدتكم بالموضوع ده

اولا شكرا على التقييم ده
ثانيا ياريت لو فى صور للعربيه و خصوصا م الداخل و خصوصا للفتيس و شرح عمله بالظبط
و نوع البنزين ايه هل 95 بس و لا جربت 92 و لو جربته بيفرق و لا لأ ؟

اقتباس:

---

المشاركة الأصلية كتبت بواسطة eng/muhamad

اولا شكرا على التقييم ده
ثانيا ياريت لو فى صور للعربيه و خصوصا م الداخل و خصوصا للفتيس و شرح عمله بالظبط
و نوع البنزين ايه هل 95 بس و لا جربت 92 و لو جربته بيفرق و لا لأ ؟

---

هاحاول اصور او اشوف صور جاهزه على النت لكن شكل الفتيس من الداخل حتى العربيه بره و جوه زى ال fsi

باستخدم بنزين 95 ، و انت عارف المصريين تحب توفر فجربت التالى و لمد اسبوعين
استخدام ال 92 مع اوكتين بوستر و العربيه بقت سيئه جدا لا سحب ولا عزم بقت عربيه عاديه و فى التوكيل لما سالتهم كان الاعتراض على الاوكتين بوستر اكتر من البنزين 92 لكن قالى لازم 95
وبرضه خلطت نصف التنك 92 و النصف 95 ولقيت الفرق كله حوالى 20 -25 جم وبرضه لقيت سحب العربيه اقل و الاستهلاك اعلى
ياريت اكون افدتك

مبروك العربية

وشكرا التقييم

اوعدني يارب بالباسات بس الحمد لله علي الافيو
تقييم محترم شكرااااااااااااااا

تقييم جميل ربنا يباركلك فيها ، وطبعاً هى تشد مع 318 وتطلع منها بسهولة

الف مبروك وتقييم رائع.....وفى انتظار المزيد

اقتباس:

---

المشاركة الأصلية كتبت بواسطة SAiF3S

انا سحبت بيها مع BMW318 , و مرسيدس C180 و طبعا النتيجه معروفهWV تكسب

---

ma3lesh ezay 3arabeya 122hp tetla3 mn 3arabeyat 136hp w 156hp?? ma3 enaha at2al w akbar wa7da fihom???

el passat 1.4 TSI 122hp 0-100 in 10.5 seconds
http://www.volkswagen.de/vwcms/maste...etail.0.3.html

w waznaha 1485kg

el mercedes c180K 156hp 0-100 in 9.5 seconds w waznaha 1465-1485kg
http://www.mercedes-benz.de/......./...ical_data.html

w el bmw 318i 0-100 in 9.1 seconds w waznaha 1435.

Torque for Passat: 210Nm
Torque for C180k: 230Nm
Torque for 318: 190Nm

ma3lesh afham ba2a ezay tele3t menhom


-----------------------------------------
ممنوع كتابة اللغة العربية باللغة الإنجليزية ( فرانكو اراب )
مخالفة للقاعدة رقم ( 6ب )
تنبيه للعضو
يرجى مراجعة قواعد و قوانين المنتدى
مشرف القسم
-----------------------------------------

اشكرك بشدة على التقييم الرائع دة بجد انا كنت محتاجة لان بابا ناوى الايام دى على باسات
وانا مشجعة على ذلك
بس ممكن سوال
هو حضرتك معاك انهى فئة فى الباسات؟
الى هيا بكام اصلهم فئات كتير

اقتباس:

---

المشاركة الأصلية كتبت بواسطة mohelsherief

ma3lesh ezay 3arabeya 122hp tetla3 mn 3arabeyat 136hp w 156hp?? ma3 enaha at2al w akbar wa7da fihom???

el passat 1.4 TSI 122hp 0-100 in 10.5 seconds
http://www.volkswagen.de/vwcms/maste...etail.0.3.html

w waznaha 1485kg

el mercedes c180K 156hp 0-100 in 9.5 seconds w waznaha 1465-1485kg
http://www.mercedes-benz.de/......./...ical_data.html

w el bmw 318i 0-100 in 9.1 seconds w waznaha 1435.

Torque for Passat: 210Nm
Torque for C180k: 230Nm
Torque for 318: 190Nm

ma3lesh afham ba2a ezay tele3t menhom

---

بسيطه جدا
انا ماقلتش اننا قيسنا من السبات الى 100 كام يعنى ماكناش و اقفين و ابتدينا سباق :N_no[1]:
فكدا كا اللى كتبته عن التسارع ليس له محل من الاعراب فى كلامى مع ان الباسات من 0-80 كم\ساعه 6.9 ثانيه

لما تسحب مع عربيه على طريق مفتوح زى العين السخنه ال HP ولا ليه اى لازمه يبقى خلينا فى العزم يبقى نركن 318 على جنب
ووزى ما انت كاتب الباسات 210Nm لكن على RPM كام من 1500 -3000 ثابت يعنى من اول ال 1500 rpm العزم 210 و لغايه ال 3500 RPM العزم 210
و ال C180 العزم 230Nm رائع لكن على 3.000–4.500 يعنى مش هاتوصل ال 230 ال @4500RPM
يعنى الباسات بتكون وصلت ال 210 نيوتن و ال C180 لسه بتقول
و بعدين العزم الموجود على السايت بتاع مرسيدس اللى انت استشهدت بيه على عربيه مانيوال مش اتوماتيك
و ال C180 بتنزل ستيبترونيك يبقى العزم اللى مكتوب هيقل على الاقل 10 % يعنى 207 NM
و لما تعرف انC180 بتنزل تيبترونك 6 سرعات يعنى جيير عادي و الباسات DSG 7 SHift يبقى الفرق كبير

انا بحترم جدا المرسيدس لكن لما اقول هنا اننى سحبت مع C180 1.6 اللى هى اقل فئه تتركب فى مرسيدس بسيارتى المتوضعه TSI 1.4 with 7 shift DSG يبقى اكيد انا مش Bluffing و اكيد انا مش شاب صغير فرحان بعربيه جديده حد اشراها ليا ,يبقى طالما انا اشتريت العربيه دى فانا على اعتاب ال 40 . يبقى اكيد انا هبقى مسئول عن اى كلمه بقولها
و عموما دى كانت مره اول لما جبت العربيه و عدت لكن اوعدك لو كررتها تانى اكيد هاسجلها فيديو و ارفعها على ال youtube


ولك منى كل تحيه :satelite:

اقتباس:

---

المشاركة الأصلية كتبت بواسطة Fadi Ezzat

اشكرك بشدة على التقييم الرائع دة بجد انا كنت محتاجة لان بابا ناوى الايام دى على باسات
وانا مشجعة على ذلك
بس ممكن سوال
هو حضرتك معاك انهى فئة فى الباسات؟
الى هيا بكام اصلهم فئات كتير

---

عربيتى باسات P3 (package 3 سعرها 270 من موزع معتمد من الوكيل لان العربيه ماكنتش نزلت معرض الوكيل بالعبور
بالتقسيط مع شركه كونتكت على 3 سنوات لان كان فى عرض فائده مخفضه فى 3 سنوات حوالى 7 % وفى اماكن تانيه شهر فبراير الفايده كانت لا تقل عن 9.5 -10.5 %
ياريت اكون افدتك و عقبال ما نبارك لكم على العربيه

[QUOTE=mohelsherief;796041]I cant believe you're still saying it's fabric and leather!!!!!! I OWN THE CAR!!!! and it is LEATHER!! What more can i say?? the part in the middle that u are saying is fabric is ALSO leather but it is dotted leather (mekharram) bas it is leather. KEFAYA FATYYYYY KEFAYAA ya 3am! I can take pictures of my car tomorrow and upload the pics 3ashan nekhlas[/QUOTE]


انا سمحت لنفسى اشوف مشاركاتك بعد ما رديت عليك و عرفت انت ليه كنت زعلان جدا و اكيد انا لو مكانك هاعمل زيك
وانا كتبت الرد ده بعتذر فيه عن التعبير الخطأ " اللى هى اقل فئه تتركب فى مرسيدس"
وكده الموضوع يبقى بسيط البرهان العملى و طريق العين السخنه يكدب السواق اللى هو انا (طبعا ده هزار)
ي

اقتباس:

---

المشاركة الأصلية كتبت بواسطة saif3s

عربيتى باسات p3 (package 3 سعرها 270 من موزع معتمد من الوكيل لان العربيه ماكنتش نزلت معرض الوكيل بالعبور
بالتقسيط مع شركه كونتكت على 3 سنوات لان كان فى عرض فائده مخفضه فى 3 سنوات حوالى 7 % وفى اماكن تانيه شهر فبراير الفايده كانت لا تقل عن 9.5 -10.5 %
ياريت اكون افدتك و عقبال ما نبارك لكم على العربيه

---

يعنى مثلا حضرتك دفعت كام مقدم وكام القسط على تلت سنين

اقتباس:

---

المشاركة الأصلية كتبت بواسطة Fadi Ezzat

يعنى مثلا حضرتك دفعت كام مقدم وكام القسط على تلت سنين

---

انا خايف تكون فهمت ال 7 % غلط دى فايده فلات على المبلغ المتبقى و سنويه
و الافضل تروح للوكيل فى العبور او موزع معتمد و تسال اذا كان عرض كونتكت لسه سارى ولا لأ
وهناك هيبتدى يعرف تدفع مقدم كام و المده للقسط قد ايه لان ده بيحدد نسبه الفايده الى بتبدى من 1 % الى 8 % حسب عدد السنين
انا اشتريت من موزع بالمعادى اسمه B auto (بى اوتو)

if it is available with 160 hp

اقتباس:

---

المشاركة الأصلية كتبت بواسطة hisham80

if it is available with 160 hp

---

مع الاسف مش موجوده فى مصر و متهىء لى انها 1800

أولاً ألف مبروك على العربية وربنا يبعد عين الحسود عنك

ثانياً يا عزيزي الأوكتان بوستر ده لعبة ملوش أي فائدو وأنا سبق وشرحت بالتفصيل الموضوع ده وإن الأوكتان بوستر ليه فايدة بس على البنزين الرديء مثل بنزين 80.

شوف يا عزيزي أنا شغال في قطاع معين في العربيات هو كنترولات العربيات

نصيحة بقى اتحاسب عليها إوعى تستعمل بنزين 92 مع العربية دي والنصيحة دي طبعاً لكل إخواني الي معاهم باسات fsi برضو. لأني شوفت بعيني تأثير البنزين على العربية عامل إزاي وعربيات جابت كنترول موتور. ومعلومة للناس كنترول الباسات fsi استيراد ثمنه 1200 جنيه + مصاريف التكويد والمفاجأة بقى إنه نادر جداً.

بخصوص موضوع القدرة الانضغاطية للمحرك إنها 10 ومش 12 زي الباسات دا طبيعي لأن العربية فيها تربو وطبيعي إن معدل الانضغاط ينخفض مع عربية فيها تربو. النقطة بقى إن حكاية عمر أطول لأنه 10 مش 12 دي مش صحيحة بالمرة وعلى فكرة المواتير التربو عمرها أقصر وبالذات مع ظروف التشغيل السيئة وعدم الوفاء بجدول الصيانات السليم. أنا مش بقول لحضرتك كده علشان أخوفك، هدفي إنك تحافظ على العربية كويس جداً لأن لا قدر الله أي مشكلة حتركب مرجيحة وحشة جداً (أقصد حتشوف أيام سودا)

وربنا يكفيك شرها

اقتباس:

---

المشاركة الأصلية كتبت بواسطة umoussa

أولاً ألف مبروك على العربية وربنا يبعد عين الحسود عنك


وربنا يكفيك شرها

---

الله يبارك فيك و مبسوط طبعا بمرورك لانى قريت لك ردود فى موضيع كتيره

اقتباس:

---

المشاركة الأصلية كتبت بواسطة umoussa

ثانياً يا عزيزي الأوكتان بوستر ده لعبة ملوش أي فائدو وأنا سبق وشرحت بالتفصيل الموضوع ده وإن الأوكتان بوستر ليه فايدة بس على البنزين الرديء مثل بنزين 80.

---

فعلا انا شوفت لك ردود كتير بنفس المعنى وده اللى اكده التوكيل و على فكره انا عملت كده قبل ما اشترك فى المنتدى و اقرء الكلام ده

اقتباس:

---

المشاركة الأصلية كتبت بواسطة umoussa

نصيحة بقى اتحاسب عليها إوعى تستعمل بنزين 92 مع العربية دي والنصيحة دي طبعاً لكل إخواني الي معاهم باسات fsi برضو. لأني شوفت بعيني تأثير البنزين على العربية عامل إزاي وعربيات جابت كنترول موتور. ومعلومة للناس كنترول الباسات fsi استيراد ثمنه 1200 جنيه + مصاريف التكويد والمفاجأة بقى إنه نادر جداً.

---

بالفعل انا باحط فيها بنزين 95 لكن انا باكد لك ان العربيه ال 1.4 ممكن تشتغل بال 92 بدون مشاكل ماعد نقص فى عزم السياره و على فكره بتبقى برضه افضل من 1.6 مع ال 95 و الكلام ده مش من دماغى انما من على منتدى اجنبى و الناس بتقول انها فى المناطق المأهوله بتستخدم RON 91 لانه اوفر ,و على الطرق السفر السريعه بيضعوا 95 لانه اوفر و كان فى مداخله على ما اعتقد من مهندس فى فولكس ووافقهم على الكلام ده
لكن عن نفسى باستخدم ال 95 لان استخدامى بالعربيه مختلط يعنى سفر وو سط البلد و كمان لانى حاسس ان ممكن ال 92 فى مصر يصفى على 90 لكن مع ال FSI الامر مختلف ينصح بال 98 و يمكن استخدام ال 95 كحد ادنىى ويمكن ده سبب من اسباب تلف الكونترول مع العلم انى لا افهم اى شىء عنه

اقتباس:

---

A distinction is made between unleaded and leaded petrol. All vehicles with petrol engines are equipped with a catalytic converter and must therefore be only driven with unleaded petrol. Unleaded petrol complies with the standard DIN EN 228.
The individual grades of petrol are distinguished by their octane number (RON). Please adopt the following procedure if the grade of petrol which you normally use is not be available in exceptional circumstances.
Engines which need unleaded premium petrol 95 RON can also be run on unleaded regular petrol 91 RON. This does, however, result in a slight loss in performance.
If, in an emergency, the only fuel available is one which has a lower octane number than that required by the engine then only drive at medium engine speeds and lower engine loadings.
You can make unlimited use of fuel which has a higher octane number than that required by the engine. There will, however, be no advantages gained by this in terms of engine performance and fuel consumption!
The handling, performance and life of your engine are determined to a significant extent by the quality of the fuel. Do not use any petrol additives. Use a fuel complying with the standard.

---

اقتباس:

---

المشاركة الأصلية كتبت بواسطة umoussa

أ
بخصوص موضوع القدرة الانضغاطية للمحرك إنها 10 ومش 12 زي الباسات دا طبيعي لأن العربية فيها تربو وطبيعي إن معدل الانضغاط ينخفض مع عربية فيها تربو. النقطة بقى إن حكاية عمر أطول لأنه 10 مش 12 دي مش صحيحة بالمرة وعلى فكرة المواتير التربو عمرها أقصر وبالذات مع ظروف التشغيل السيئة وعدم الوفاء بجدول الصيانات السليم. أنا مش بقول لحضرتك كده علشان أخوفك، هدفي إنك تحافظ على العربية كويس جداً لأن لا قدر الله أي مشكلة حتركب مرجيحة وحشة جداً (أقصد حتشوف أيام سودا)
وربنا يكفيك شرها

---

موضع نسبه الانضغاط انا كنت قريت موضوع فى القسم التعليمى و كان بيقول ما معنا ه ان كل ما نسبه الانضغاط كبرت كما فى عربات السباق 15 بقلل عمر المحرك فانا قيست على كده و ممكن يكون قياس خطأ و ممكن يكون صح
المواتير ال TSI تيربو شارجر برضه من على سايت اجنبى اطول عمر و افضل اداء من ال fsi
'طبعا انا شارى عربيه زى دى يبقى لازم احافظ عليه جدا كمان وربنا ما يورى حد ايام سودا
وعلى فكره انا مش ضد ال fsi او متحيز لعربيتى انما ال fsi اصبح موتور عتيق و لا ينتج و الازم الناس تفهم ان القياس مش بالسعه اللتريه زى ما أحنا متعودين و الا الفيات 132 (2000CC ) بتكون افضل من الاتنين

تقبل تحيتى وصداقتى لك

اقتباس:

---

المشاركة الأصلية كتبت بواسطة SAiF3S

مع الاسف مش موجوده فى مصر و متهىء لى انها 1800

---

عايز أقولكم يا جماعة اني كان ليا شرف قيادة الـ Passat 1800cc 160HP موديل 2009 (عربية الشركة طبعا مش عربيتي:shyy:)
الكلام ده كان من اسبوعين ولسه لغاية دلوقتي مش قادر انسى احساسي بالعربية وروعتها
هي تقريبا نفس مواصفات عربية العضو الكريم Saif "ربنا يباركله فيها"
لكن الموتور مختلف
السحب - بيفكرني بالطيارة وهي بتجري على المدرج قبل ما تطير
الثبات - ما أعتقدش ان في عربية تانية ممكن تغلبها
الموسيقى - توزيع رائع للصوت في المقصورة كلها
العزل - كأنك قاعد لوحد لا صوت ولا حرارة
وأكتر من ده كتيييير
أنا فعلا منبهر بالعربية دي لدرجة مش طبيعية

حمدالله على السلامه ياعم كنت غطسان فين أنا سايبك براحتك بس هتروح منى فين هجيبك هجيبك يأما هدور على عمرو وأخليه ياخد حقه منك فاكر ولا نسيت

اقتباس:

---

المشاركة الأصلية كتبت بواسطة m.gamaledeen

عايز أقولكم يا جماعة اني كان ليا شرف قيادة الـ passat 1800cc 160hp موديل 2009 (عربية الشركة طبعا مش عربيتي:shyy:)
الكلام ده كان من اسبوعين ولسه لغاية دلوقتي مش قادر انسى احساسي بالعربية وروعتها
هي تقريبا نفس مواصفات عربية العضو الكريم saif "ربنا يباركله فيها"
لكن الموتور مختلف
السحب - بيفكرني بالطيارة وهي بتجري على المدرج قبل ما تطير
الثبات - ما أعتقدش ان في عربية تانية ممكن تغلبها
الموسيقى - توزيع رائع للصوت في المقصورة كلها
العزل - كأنك قاعد لوحد لا صوت ولا حرارة
وأكتر من ده كتيييير
أنا فعلا منبهر بالعربية دي لدرجة مش طبيعية

---

انا اكتر واحد حاسس باللى انت بتقوله و متهىء لى العربيه دى tsi
انا سوقت فى المانيا 2.0l tdi ودى ديزل و كانت على ما اعتقد 140 -150 hp , و كانت رائعه و على الموتور واى جابت 220 و كانت فارينت (ستيشن) وده كان قبل ما اشترى العربيه بشهرو نصف وده اللى حببنى فى الباسات

اقتباس:

---

المشاركة الأصلية كتبت بواسطة saif3s

الله يبارك فيك و مبسوط طبعا بمرورك لانى قريت لك ردود فى موضيع كتيره


فعلا انا شوفت لك ردود كتير بنفس المعنى وده اللى اكده التوكيل و على فكره انا عملت كده قبل ما اشترك فى المنتدى و اقرء الكلام ده


بالفعل انا باحط فيها بنزين 95 لكن انا باكد لك ان العربيه ال 1.4 ممكن تشتغل بال 92 بدون مشاكل ماعد نقص فى عزم السياره و على فكره بتبقى برضه افضل من 1.6 مع ال 95 و الكلام ده مش من دماغى انما من على منتدى اجنبى و الناس بتقول انها فى المناطق المأهوله بتستخدم ron 91 لانه اوفر ,و على الطرق السفر السريعه بيضعوا 95 لانه اوفر و كان فى مداخله على ما اعتقد من مهندس فى فولكس ووافقهم على الكلام ده
لكن عن نفسى باستخدم ال 95 لان استخدامى بالعربيه مختلط يعنى سفر وو سط البلد و كمان لانى حاسس ان ممكن ال 92 فى مصر يصفى على 90 لكن مع ال fsi الامر مختلف ينصح بال 98 و يمكن استخدام ال 95 كحد ادنىى ويمكن ده سبب من اسباب تلف الكونترول مع العلم انى لا افهم اى شىء عنه




موضع نسبه الانضغاط انا كنت قريت موضوع فى القسم التعليمى و كان بيقول ما معنا ه ان كل ما نسبه الانضغاط كبرت كما فى عربات السباق 15 بقلل عمر المحرك فانا قيست على كده و ممكن يكون قياس خطأ و ممكن يكون صح
المواتير ال tsi تيربو شارجر برضه من على سايت اجنبى اطول عمر و افضل اداء من ال fsi
'طبعا انا شارى عربيه زى دى يبقى لازم احافظ عليه جدا كمان وربنا ما يورى حد ايام سودا
وعلى فكره انا مش ضد ال fsi او متحيز لعربيتى انما ال fsi اصبح موتور عتيق و لا ينتج و الازم الناس تفهم ان القياس مش بالسعه اللتريه زى ما أحنا متعودين و الا الفيات 132 (2000cc ) بتكون افضل من الاتنين

تقبل تحيتى وصداقتى لك

---

يا فندم أنا ليا الشرف اتعرف على شخصية رائعة ومحترومو زي حضرتك. أرجو بس إن حضرتك متفهمش كلامي بمعنى خاطئ لأني في الأول والآخر أنا قلبي عليك وعلشان كده بقولك على مشاكل التشغيل والي بيحصل وخاصة إننا كمصريين بنكسل ونحب نكتشف

ماشاء الله تبارك الله .. اللهم اسال ان يعطيك خيرها ويمنعك شرها باذن الله ...

اقتباس:

---

المشاركة الأصلية كتبت بواسطة ahmedrefatzm

ماشاء الله تبارك الله .. اللهم اسال ان يعطيك خيرها ويمنعك شرها باذن الله ...

---

الف شكر لك, اللهم أمييين

السلام عليكم ورحمة الله وبركاته

ممكن اعرف اذا كان عندك معلومات عن الجيتا التربو 1400 وهل هية زى الباسات من حيث الفتيس .. وكمان عربيتك خليجى ولا أوروبى .. لأنى عايز اشترى جيتا tsi بس معرض جابر عبد الشهيد قالى ان الموجود فى مصر دلوقتى من الجيتا التربو أروبى يعنى بتسخن ...
ممكن الأفادة وشكرا

اقتباس:

---

المشاركة الأصلية كتبت بواسطة heartman

السلام عليكم ورحمة الله وبركاته

ممكن اعرف اذا كان عندك معلومات عن الجيتا التربو 1400 وهل هية زى الباسات من حيث الفتيس .. وكمان عربيتك خليجى ولا أوروبى .. لأنى عايز اشترى جيتا tsi بس معرض جابر عبد الشهيد قالى ان الموجود فى مصر دلوقتى من الجيتا التربو أروبى يعنى بتسخن ...
ممكن الأفادة وشكرا

---

انا ما عنديش معلومات عن الجيتا لكن ان هقول لك اللى اعرفه و من واقع اللى قرأته و اعرفه عن سيارتى
كل المواتير ال tsi من اول ال 1.2 مرور بال 1.4 و حتى ال 1.8 او 2l ستجهز بفتيس dsg 7 shift و على فكره ال 7 نقلات دى تسارع امامى بخلاف الخلفى يعنى اجمالى 8 نقلات
سيبك من جابر عبد الشهيد البياعين اللى عنده مش بيفهموا اى حاجه و بيروجوا معلومات غلط علشان يبيعوا
سيارتى من الوكيل و بضمان الوكيل يعنى مش خليجى يبقى المصطلح هو وكيل و لا خليجى و مش خليجى ولا اوربى
و الخليجى و الوكيل صناعه اوروبى و مواصفات واحده و لا يوجد اى اختلاف الا فى الكماليات الزياده فى الخليجى وده بيجى على حساب الضمان
ودلوقتى ارد عليك انا عربيتى كده وكيل (اوربى) ولا تسخن الا كما يسخن الخليجى (اوربى)

شكرا على التقييم

يترى حد عنده تجربة مع الباسات الخليجى وصيانته مع غير الوكيل ..يا ترى حد ممكن يكون مؤيد لشراء الباسات الخليجى ..اصل انا الى الان بعتقد ان الباسات بالذات الخليجى تستاهل المغامرة على اساس ان الباسات مضمونة لكونها المانى

بسم الله ما شاء الله ... ربنا يحفظهالك ويباركلك فيها ...

واضح ان المواصفات دى بالذات تعتبر هائلة بالنظر لقوانينا العجيبة التى تجعل الجمارك ورسم الوارد وضريبة المبيعات حوالى 180% على الأكتر من 1600 سى سى ( فئة المحرك المناسبة من وجهة نظرى لجسم الباسات) بالاضافة إلى رسم الترخيص السنوى 2% لو كانت السيارة أكتر من 2030 سى سى .....

أنما فكرة المحرك الـ tsi عملت انفراجة كبيرة من حيث الـ سى سى القليل والقوة العالية ..... بس ناقص نعرف سعرها كام عشان تكتمل الفائدة ....

تقيم رائع وربنا يبريكلك فيها يحفظها من كل شر

ما شاء الله ربنا يباركلك فيها

ما شاء الله
ربنا يباركلك فيها :)

اقتباس:

---

المشاركة الأصلية كتبت بواسطة heartman

السلام عليكم ورحمة الله وبركاته

ممكن اعرف اذا كان عندك معلومات عن الجيتا التربو 1400 وهل هية زى الباسات من حيث الفتيس .. وكمان عربيتك خليجى ولا أوروبى .. لأنى عايز اشترى جيتا tsi بس معرض جابر عبد الشهيد قالى ان الموجود فى مصر دلوقتى من الجيتا التربو أروبى يعنى بتسخن ...
ممكن الأفادة وشكرا

---

الجيتا ال 1400 تربو نفس الفتيس زي الباسات dsg 7 و بالنسبة لموضوع اوروبي و خليجي و بتسخن و الفتي ده فاؤكد لك ان الجيتا بتتصنع في المكسيك بفس الردياتير و الموتور لكل الدنيا الفرق بس في الكماليات لكن التصميم الهندسي و الميكانيكي واحد , التاجر ده واحد جاهل كل همه انه يبيع بضاعته و خلاص.

اقتباس:

---

المشاركة الأصلية كتبت بواسطة SAiF3S

راىى فى العربيه الباسات كالتالى

اول الحاجه المواصفات و الكماليات فى الP3

زينون متحرك مع حساس اضاءه ، حساس مطر ، حساسات PARKING اماميه و خلفيه،كرسى السائق نصف كهرباء (بدون ميمورى)، فرش جلد طبيعى ريكارو (رياضى)، 8 سماعات دولبى ،10 ايرباج ،طاره دريكسيون جلد و تليسكوبيه، فتحه سقف ، جنوط سبورت ، مثبت سرعه

الموتور و الفتيس مختلفين تماما عن الFSI

الموتور عندى 1400 TSI , تيربو شارجر
121 حصان , , و العزم 200 نيوتن عند 1500 -3000 rpm وخلى بالك عندRPM منخفض جدا
وده لينك يوضح لك الفرق بين ال TSI & FSI هنا


لاحظ كمان ان نسبه الانضغاط 10 فى ال TSI مقابل 12 فى ال FSI وده معناه عمر اطول للموتور

الفتيس DSG 7 shift ماتحسش على الاطلاق ان فى نقل سرعات اللهم الا أذا كنت سايق على المود S وكابس بنزين اللى عرفته ان ده احدث نظام م VWبيحضر للنقل و تبريد جاف هوائى و زيت ، الفتيس بيشيل 1.5 كيلو زيت
مقابل 4.5 كيلو فى ال FSI ,وده لوحده بيعلى اداء العربيه 15-20 % عن ال FSI

الاداء:
انا شارى العربيه 1\2\2009 و كانت اول او تانى عربيه تخرج من موزع تبع الوكيل بالمواصفات دى
كل ما كنت اقول لحد 1400 يقولى حرام عليك هيعمال ايه مع عربيه بالحجم ده
اقوله اتفضل اركب معايا افرجك القيه متخشب فى الكرسى ،السحب والعزم افضل من اى عربيه 2000 س س و اعلى كمان
انا طبيعه سواقتى هاديه لكن انت عارف وانت ماشى ناس تحب تعصبك فبيكفى دوسه بنزين و من غير النقل على ال S و الموضوع بينتهى
اعلى سرعه مشيت عليها 200 ك/س و تحس كانك ماشى 130 او 140 العزل اكثر من رائع و الثبات حدث ولا حرج (بالكومبيوتر)
انا سحبت بيها مع BMW318 , و مرسيدس C180 و طبعا النتيجه معروفهWV تكسب
استهلاك البنزين على طرق السفر بدون اى اماكن داخليه
على سرعه 90 - 110 5.6 لتر لكل 100 ك
على سرعه 120-130 6 لتر لكل 100 كيلو
على سرعه 180 -200 8 لتر لكل 100 كيلو

داخل البلد و سرعات مختلفه و اشارات 9 لتر لكل 100كيلو
الارقام دى متوسطات العربيه بتديها ليه و بشوفها بعد كل مشوار وده فى الاول بس

العربيه عملت معايا حتى تاريخه 15000 الف كيلو عملت صيانه واحده هى صيانه ال 5000 وكان 550 جنيه زيت و فلتر و مصنعيات

ياريت اكون افدتكم بالموضوع ده

---

استاذ سيف انا سعيد بكلامك لانه واقع وقلت كل ما يمكن ان يفيد اي واحد بيفهم وعايز يشري عربيه محترمه
حاجه واحده احب اقولها ان الباسات اعلي نسبيا من المرسيدس وb m w والصالون اوع في الامام والخلف
وفقك الله في كل خطواتك وان تبقي علي هذا المستوي
amr fathelbab

اقتباس:

---

المشاركة الأصلية كتبت بواسطة fathelbab

استاذ سيف انا سعيد بكلامك لانه واقع وقلت كل ما يمكن ان يفيد اي واحد بيفهم وعايز يشري عربيه محترمه
حاجه واحده احب اقولها ان الباسات اعلي نسبيا من المرسيدس وb m w والصالون اوع في الامام والخلف
وفقك الله في كل خطواتك وان تبقي علي هذا المستوي
amr fathelbab

---

مش للدرجه دى تبقى اعلى من الBM و المرسيدس ,لكن انا لدى قناعه ان فعلا الباسات اعلى من المرسيدس C class و ال BM الفئه التالته من ناحيه الوسع الداخلى و الفخامه و الكماليات و التابلوه وايضا فى الموتور مقارنه ب C180 ,BM318
ربنا يوفقنا جميعا لما يحبه و يرضيه

اقتباس:

---

المشاركة الأصلية كتبت بواسطة saif3s

مش للدرجه دى تبقى اعلى من الbm و المرسيدس ,لكن انا لدى قناعه ان فعلا الباسات اعلى من المرسيدس c class و ال bm الفئه التالته من ناحيه الوسع الداخلى و الفخامه و الكماليات و التابلوه وايضا فى الموتور مقارنه ب c180 ,bm318
ربنا يوفقنا جميعا لما يحبه و يرضيه

---

انا برضه مقتنع بكلام واركب الاخرين تلاحض الاتساع فورابالمناسبه انا طولى تقربا ٢متر - وروح منطقه فيها مطبات صناعيه وعموما مبروك

تسلم ايدك على التقرير أنا شفتها هنا في الرياض بس كانت type R مش عارف هي ألي في مصر وكانت 98000SR

اقتباس:

---

المشاركة الأصلية كتبت بواسطة HISHAM80

تسلم ايدك على التقرير أنا شفتها هنا في الرياض بس كانت type R مش عارف هي ألي في مصر وكانت 98000SR

---

Guys sorry wrong post i was talking a bout the GOLF