عداوة اللانسر

**horas3000** · 23-05-2009 08:07 PM

طبعا اكيد واخدين بالكم ان في اكتر من موضوع كل ما سيرة اللانسر تيجي تلاقي ناس كتير اكهربت و ابتدت تنشد في عيوبها و تطلع القطط الفطسانة اللي فيها.
انا بصراحة عايز اعرف ايه سر العداوة اللي بتوصل الي حد الكراهية دي لاني كمستخدم سابق ليها مش شايف ان العربية تستاهل كل كدة. و كون انها منتشرة اوي و ان في ناس شايفة ان سعرها مبالغ فيه مش اسباب مقنعة للكراهية دي كلها.

يا ريت لو حد عنده سبب مقنع و موضوعي يدلني عليه

**the_first_knight** · 25-05-2009 12:40 AM

بص هقولك ... بس بصوووت واااطي عشان مفيش حد من اخوانا دول يسمعونا .

حلم معظم الشباب المصري إنه يركب عربية تكون مواصفات رياضية ( طبعا هيكون قدامه 3 عربيات عمالقة : سيفيك - لانسر - مازدا 3 )
- طبعا الغالبية بتخاف من السيفيك لأنها واخدة سمعة إن أسعار صيانتها عالية , وكمان واطية ( بقى ده كلام ؟؟؟ ) .

- المازدا 3 : ليها عشاقها بس بيخافوا برضه من موضوع التوكيل وقطع الغيار وسعر إعادة البيع .

نيجي للانسر : الغالبية بتلاقي إنها تتمتع بتصميم معقول - ارتفاع عن الأرض - سعر إعادة بيع معقول - توافر قطع الغيار ... فعشان كده الغالبية بتميل للعربية ( كل واحد بيدفع مليم في العربية وتعبان فيه ضروري يكون متأكد إن اختياره صح ... دول 160000 ألف يا جماعة مش مبلغ صغير .

ومش معنى كلامي ده إن اللانسر كاملة في كل شيئ ( أكيد في نقاط معينة ممكن ناس تعترض عليها .... )

بس من وجهة نظري إن الاعتراض يكون على فنيات العربية ( موتور السيارة - الفتيس - العفشة - الأجزاء الكهربائية - التكييف )

مع كامل احترامي :
هل في مشاكل من هذا النوع موجودة في السيفيك أو اللانسر أو المازدا 3 ؟؟؟

أعتقد الإجابة مش صعبة طبعا .................................................. .........

**NaviGator_13** · 25-05-2009 12:49 AM

بالعكس انا شايف انها عربية محترمة وناس كتير جدا بتحيها

**Mostafa_ENG911** · 25-05-2009 04:28 AM

المشاركة الأصلية كتبت بواسطة the_first_knight

بص هقولك ... بس بصوووت واااطي عشان مفيش حد من اخوانا دول يسمعونا .

حلم معظم الشباب المصري إنه يركب عربية تكون مواصفات رياضية ( طبعا هيكون قدامه 3 عربيات عمالقة : سيفيك - لانسر - مازدا 3 )
- طبعا الغالبية بتخاف من السيفيك لأنها واخدة سمعة إن أسعار صيانتها عالية , وكمان واطية ( بقى ده كلام ؟؟؟ ) .

- المازدا 3 : ليها عشاقها بس بيخافوا برضه من موضوع التوكيل وقطع الغيار وسعر إعادة البيع .

نيجي للانسر : الغالبية بتلاقي إنها تتمتع بتصميم معقول - ارتفاع عن الأرض - سعر إعادة بيع معقول - توافر قطع الغيار ... فعشان كده الغالبية بتميل للعربية ( كل واحد بيدفع مليم في العربية وتعبان فيه ضروري يكون متأكد إن اختياره صح ... دول 160000 ألف يا جماعة مش مبلغ صغير .

ومش معنى كلامي ده إن اللانسر كاملة في كل شيئ ( أكيد في نقاط معينة ممكن ناس تعترض عليها .... )

بس من وجهة نظري إن الاعتراض يكون على فنيات العربية ( موتور السيارة - الفتيس - العفشة - الأجزاء الكهربائية - التكييف )

مع كامل احترامي :
هل في مشاكل من هذا النوع موجودة في السيفيك أو اللانسر أو المازدا 3 ؟؟؟

أعتقد الإجابة مش صعبة طبعا .................................................. .........

سيدي الفارس...آسف إني اقولك إني سمعت كل كلمة قلتها...وآسف إني أقولك إن محدش ركب عربية لانسر مهما كان موديلها إلا و شكر فيها...مش يس كده...عربيه يعتمد عليها في اي وقت...بس عايزه معامله نظيفة...مينفعش تودي العربية للأسطي حمو عشان بس يعملك خدمة في العربيه..تقوم تلاقي مشاكل في العربية و تقول ده عيب...الكلام ده برده في اي عربيه محترمه...كل اللي اقدر اقوله عن العربية قد أراه عيبا هو إن كماليات العربية محتاجة تزيد مثل: parking sensors, electrical auto close side mirrors, auto smart air conditioner...etc

**EslaM_NagY** · 25-05-2009 06:42 AM

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.

الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟

زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها.

انما النهاردة لو عملوا عرض اشترى قلم رصاص وخد بومة 1600 هدية مش حخدها.

دا اليابانين بطلوا يركبوهااااااااااااااااا

**horas3000** · 25-05-2009 07:02 AM

المشاركة الأصلية كتبت بواسطة mostafa_eng911

كل اللي اقدر اقوله عن العربية قد أراه عيبا هو إن كماليات العربية محتاجة تزيد مثل: Parking sensors, electrical auto close side mirrors, auto smart air conditioner...etc

من حيث النقطة انا متفق معاك جزئيا لان الفئة اللي بتجلنا من اللانسر تعبر اول فئة مع كل المكاليات اللي فيها و انا بحكم اني في الخليج شفت و ركبت ال gt و احب اقول انها حاجة تانية و فيها كماليات اكتر من اللي بتجلنا في مصر ده حتي ال 1500 الخليجي كماليتها اكتر من المصري و انا بصراحة بلوم التوكيل في النقطة دي

المشاركة الأصلية كتبت بواسطة the_first_knight

بص هقولك ... بس بصوووت واااطي عشان مفيش حد من اخوانا دول يسمعونا .

حلم معظم الشباب المصري إنه يركب عربية تكون مواصفات رياضية ( طبعا هيكون قدامه 3 عربيات عمالقة : سيفيك - لانسر - مازدا 3 )
- طبعا الغالبية بتخاف من السيفيك لأنها واخدة سمعة إن أسعار صيانتها عالية , وكمان واطية ( بقى ده كلام ؟؟؟ ) .
- المازدا 3 : ليها عشاقها بس بيخافوا برضه من موضوع التوكيل وقطع الغيار وسعر إعادة البيع .

نيجي للانسر : الغالبية بتلاقي إنها تتمتع بتصميم معقول - ارتفاع عن الأرض - سعر إعادة بيع معقول - توافر قطع الغيار ... فعشان كده الغالبية بتميل للعربية ( كل واحد بيدفع مليم في العربية وتعبان فيه ضروري يكون متأكد إن اختياره صح ... دول 160000 ألف يا جماعة مش مبلغ صغير .
ومش معنى كلامي ده إن اللانسر كاملة في كل شيئ ( أكيد في نقاط معينة ممكن ناس تعترض عليها .... )
بس من وجهة نظري إن الاعتراض يكون على فنيات العربية ( موتور السيارة - الفتيس - العفشة - الأجزاء الكهربائية - التكييف )
مع كامل احترامي :
هل في مشاكل من هذا النوع موجودة في السيفيك أو اللانسر أو المازدا 3 ؟؟؟
أعتقد الإجابة مش صعبة طبعا .................................................. .........

انا يا باشا قرات المداخلة بتاعتك فوق ال 5 مرات عشان اعرف انت مع و لا ضد اللانسر بس في الاخر استنتجت انك معاها. بص الكمال لله وحدة و مفيش عربية ما فيهاش عيوب و حتي لو ربنا وفق و العربية الكاملة اتعملت اكيييد مش هتبقي في الفئة بتاعت اللانسر و السيفك و ال 3 . انا مش ضد ان الواحد يبين عيوب اي عربية بس لازم يكون بموضوعية و عن تجربة. لكن انا بكلم عن الناس اللي بتنقد و خلاص و كل معلوماتة من السمع و الاشاعات و المشكلة انو بيستميت عشان يثبت وجهة النظر ده.

في الاخر اللي قبلنا قالو لولا اختلاف الاذواق لبارت السلع و اللي مش عاجباة عربية ميجبهاش و اللي جابها و معجبتوش دي مشكلتك كان لازم تتحري من الاول و عموما ملحوقة ربنا يسهلك في بيعها لكن الدخول في جدلات ملوش لازمة و في الاول و الاخر دول شوية حديد لا راحم و لا جم و لا اية

**akram2010** · 25-05-2009 07:22 AM

المشاركة الأصلية كتبت بواسطة horas3000

طبعا اكيد واخدين بالكم ان في اكتر من موضوع كل ما سيرة اللانسر تيجي تلاقي ناس كتير اكهربت و ابتدت تنشد في عيوبها و تطلع القطط الفطسانة اللي فيها.
انا بصراحة عايز اعرف ايه سر العداوة اللي بتوصل الي حد الكراهية دي لاني كمستخدم سابق ليها مش شايف ان العربية تستاهل كل كدة. و كون انها منتشرة اوي و ان في ناس شايفة ان سعرها مبالغ فيه مش اسباب مقنعة للكراهية دي كلها.

يا ريت لو حد عنده سبب مقنع و موضوعي يدلني عليه

اللانسر

من اجود سيارات السوق ولاتزال يا عزيزى .. فالمصرى ماله عزيز عليه ويحب لما يشترى حاجه يشتريها مرة وينساها ومش فاضى لسكك توكيلات وقطع توكيلات يعنى عندة فاتورة اولويات اهم من العربيه ولذلك اللانسر واحدة من السيارات التى نجحت فى تحقيق هذا الهدف .. الكلام دة حقيقى

**horas3000** · 25-05-2009 07:23 AM

المشاركة الأصلية كتبت بواسطة eslam_nagy

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.
احب اعرف رايك ده مبني علي اي اساس و اللي جابوها دول مغفلين يعني؟؟ كلامك مش منطقي و مش موضوعي

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.
انت حر في اختيارك محدش هيغصب عليك حاجة
الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟
محدش قال ان العربية ما فيهاش عيوب. (هاتلي عربة ما فيهاش عيب) و زي ما انت حر الناس دي برضة حرة في اختيارها و ده اقتناعهم و محدش ضربهم علي اديهم.

زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها. انما النهاردة لو عملوا عرض اشترى قلم رصاص وخد بومة 1600 هدية مش حخدها.
مين قال كدة هي السيفك و الكرولا و المازدا (323 سابقا) دول معمولين امبارح مهو طول عمرهم موجودين و الناس كانت بتشتريهم. و يا سيدي لتاني مرة انت حر محدش هيغصبك علي حاجة و لو حد اداهلك هدية قولي و انا هاخدها منك و هديلك قلم رصاص تاني بدالها
دا اليابانين بطلوا يركبوهااااااااااااااااا
و هيركبوها ليه منعدهم اللي احسن منها مليون مرة و برضة هما احرررررار

بعد ما جاوبت علي استفساراتك اسمحلي اسالك حضرتك عندك لانسر عشان تكون عنها الراي ده.
و هفترض انك تعرف حد عنده اللانسر و قالك الكلام ده يا تري مسالتوش جابها ليه و هل بعد ما اشتكي منها بعها و لا و هل ده دافع مقنع انك تبني رايك عليه؟؟؟؟

يا ريت يا جماعة اللي ينقد في اي حاجة يكون كلامة علي اساس سليم و بلاش التعصب الاعمي و الحجر علي الاراء اللي احنا فيه ده.

الموضوع: عداوة اللانسر

LinkBack

أدوات الموضوع

عرض

عداوة اللانسر - انشر الموضوع فى :

-

-

-

-

-

المواضيع المتشابهه

أبواب اللانسر

تفاصيل رقم شاسيه عربيتك اللانسر 1600 او اللانسر 1500

ممكن مقارنة بين اللانسر الخليجي و اللانسر المصري

يا اهل اللانسر..............

غزو اللانسر

الكلمات الدلالية لهذا الموضوع

المفضلات

المفضلات

ضوابط المشاركة