الحقونيي ....... مش عارف اجري

**dya2008** · 24-05-2009 02:02 PM

السلام عليكم ورحمة الله وبركاته
الي جميع الخبرات الجبارة بالمنتدي
عندي عربيه اكسبلوجن و الحمد لله العربيه - بالنسبه لسعرها - مريحاني و موتورها كويس لكن المشكله انها مرتفعه عن الارض - نفس شكل تريوس 1 - و طبعا مع فارق العفشة الياباني عن الصيني انا مش عارف اخد ملف بالعربيه و لما بكون علي سرعة 30 بكون قلقان جدا
المشكله اني بحب الجري و الموتور ناعم و يساعد الي حدما لكن فجاء تلاقي حضرتك ملف في الطريق او بلاعة و لازم تاخد الملف او تكسر و عندها الاقي العربيه بتمييل
مفيش حل للموضوع دا يظبط الاتزان شويه لاني تعبت منها عايزة سرعه بطيئة
قالوا جنوط سبور بس مش عارف هيا هتفرق اد ايه و هل في حل تاني و لا لا
تحياتي

**dya2008** · 25-05-2009 01:23 AM

خير يا جماعة 16 مشاهدة و محدش عارف يدلو بدلوه ؟

**محمد فريد** · 25-05-2009 02:03 AM

ال 4 × 4 مش بتاعه جرى دى عربية طرق وعرة

**Fadi Ezzat** · 25-05-2009 03:29 AM

انت مكن تجيب عفشة سبورت
وجنوط عهريضة اوى وكبيرة اوى

**dya2008** · 25-05-2009 11:43 AM

ال 4 × 4 مش بتاعه جرى دى عربية طرق وعرة

انا مش بقول اجري بيها زي ما انت متصور بس مش ممكن لما الف علي ال30 اكون قلقان و العربيه تميل كدا انا شايف انها اصعب من ال4*4 الاخري

**dya2008** · 25-05-2009 11:47 AM

المشاركة الأصلية كتبت بواسطة Fadi Ezzat

انت مكن تجيب عفشة سبورت
وجنوط عهريضة اوى وكبيرة اوى

للاسف منزلش للعربيه دي عفشة رياضية و معرفش لو هجيبها من برة ايه مواصفتها

**dya2008** · 25-05-2009 11:56 AM

المشاركة الأصلية كتبت بواسطة ozy2026

هو احسن حل انها توطى شويه لأنها عاليه جدا هى والتيريوس وكمان قاعده العجلات بتعتها رفيعه
يعنى من الأخر العربيه رفيعه وطويله وده اللى بيخليها سهله انها تتقلب فى الملفات لا قدر الله
فلازم العربيه توطى شويه
اوا لو انت مش عاوز تلعب فى السوست ممكن تركب كساحات فى الأكصدام من قدام وعتب
ومحتاجه مساعدين نضيفه
واعتقد هى مقاس الجنط اللى فيها 15 لو هو 15 يبقى كويس بس ممكن تغير الكاوتش اللى راكب عليه وتجيب كاوتش اعرض
بس برضه لازم تاخد بالك فى الملفات انا مره كنت سايق عريه تيريوس بتاعت صاحبى فطبعا مش متعود عليها وكنت بأخد ملف انا بأخده بعربيتى على طول بسرعه:k4:
جيت اخده بالعربيه لاقيتها مشيت على كاوتشين بس الحمد لله ربنا سترها

فعلا هي المشكله انها عاليه اوووي بالنسبة لعرضها الحق انا معرفش ايه العلاقة بس سالت مهندس قال لي نفس الكلام
طيب اوطيها اعتقد دا حل كويس و احسن من الكساحة و العتب لانه بيجيب من الاخر:k32:
السؤال ازاي اوطيها و هل دا له اي ضرر علي التحميل علي الموتور او ياثر بشكل اخر علي اجزاء التعليق
انا فهمت منك يا ozy2026 اني اغير السوست اجيب مواصفتها ايه و هل تتغير امامي و لا خلفي - اعتقد مفيش امامي - و سؤال تاني ايه علاقة المساعدين بالاتزان انا اللي اعرفه انهم بيمتصوا الصدمات في المطبات لكن ايه علاقتهم لما العربيه تلف
معلش بتقل عليكو بس انا فعلا تعبان من الموضوع دا

تحياتي

**محمد فريد** · 25-05-2009 07:40 PM

أحسن حل حضرتك تبيعها والله وتريح أعصابك
ده الواحد سلامته بالدنيا
وتشوف عربية فى نفس الرينج بتاع الاكسبلوجن

وربنا معاك

**dya2008** · 25-05-2009 10:03 PM

#ff0000
المشكله يا استاذ محمد انها ملهاش سوق كبير في المستعمل و اكيد الخسارة بتكون كبيرة

الحق العربيه كويسه الحمد لله بالنسبة للي نسمعه عن عيوب الصيني و اذا لقيت حل للاتزان يبقي مفيهاش عيب فعلي غير التوكيل

بس نفسي الاقي حل جذري لمشكله الاتزااااااان

الموضوع: الحقونيي ....... مش عارف اجري

LinkBack

أدوات الموضوع

عرض

-

-

-

المواضيع المتشابهه

تساؤل: اعمل علشان لو فرضا حبيت اجري (من / ورا) عربية عربيتي تساعدني

عندى ملف فيديو, لا عارف أمسحه و لا عارف أنقله, أعمل فيه ايه ؟؟؟؟

يعني لما اخبط حد اطلع اجري احسن ؟ ؟

اجري اجري اجري وديني قوام وصلني

عاوز اعرف اجري باللينيا التربو. ارجو الافادة

الكلمات الدلالية لهذا الموضوع

المفضلات

المفضلات

ضوابط المشاركة