أولا موضوع الميل أثناء أخد الملفات ده أساسي ف العربيات العاليه عن الأرض
لإن كل ما العربيه توطى كل ما إتزانها يعلي و العكس صحيح
ثانيا الجنوط دي مسأله دقيقه جدا لأسباب كتير أولها وزن الجنط و مدى تأثيرة على سحب العربيه و ثانيا الجنط الألومنيوم لو خدت بيه مطب و إتعوج منك حترميه لكن الجنوط الحديد ممكن إستعدالها ببساطه
ثالثا توطيه العربيه ليها حسابات دقيقه عشان ممكن توطي العربيه و تلاقي إن لو فيه تلاته قاعدين ورا الكاوتش بيحك
رابعا الإسبويلر و العتب و الكلام ده (البادي كيت) ليها حسابات رياضيه دقيقه م الآخر الراجل بتاع الفيبر مستحيل يكون عارفها لإن المليمتر بيفرق ف مقاومة الهوا و درجة الميل و حاجات فزيائيه جامده فالأحسن إنك لو بتفكر ف بادي كيت تشوف الأصلي بتاع العربيه لو ليها بادي كيت أصلي و غالبا حيبقى الأصلي غالي نار
الحل ف حالتك هو التمويير ف الملفات
و الله أعلم
المفضلات