فيات برافو ..... قمة الأداء



تعلن أوماترا عن نزول فيات برافو دوالوجيك (إيزيترونيك يعنى) بموتور 1.4 تربو بقدرة 120 حصان ...
و أخيرا يا رجاله برافو هتنزل دوالوجيك ... بعد عناء .. بس يا رب الوكيل ماينمش بعد حبة الدعايا دي ..




المهم إمكانيات السيارة:-

1- سعة الموتور :- 1400 سى سى
2- نوع ناقل الحركة:- دوالوجيك (إيزيترونيك)
3- القدرة الحصانية :- 120 حصان عند 5000 لفة فى الدقيقة
4- العزم:- 206 نيوتن متر عند 1750 لفة
5- من صفر إلى 100 :- فى 9.6 ثانية
6- إستهلاك الوقود :- 5.5 لتر فى ال100 كيلو . (مش كلامى ده كلام الوكيل )
7 - الحمولة القصوى 510 كيلوجرام

الأمان:-

السيارة إجتازت غختبارات السلامة الأوروبية بخمس نجوم ...
1- فرامل ABS+EBD
2- نظام الثبات الإلكترونى ESP
3- نظام Hill Holder
4- نظام ASR لمنع إنزلاق العجلات أثناء التسارع ,
5:- نظام فرملة المحرك أثناء الفرملة الشديدة HBA
6- و سائد هوائية للراكب الامامى و المجاور و الركاب بالخلف بالإضافة إلى الوسائد الجانبية و وسائد السقف ... فى وسادة لحماية ركبة السائق بس دى إختيارية ... المجموع 10 Air bag !
7- أحزمة الأمان مجهزة بنظام شد الركاب بالإضافة إلى تحديد الحمل لمنع إصابة عظام الضلوع نتيجة الشد الزائد .
8- الشاسية مصمم لإمتصاص الصدمات و عدم إختراق الكابينة (حيث يسقط الموتور و الفتيس لأسفل السيارة فى حال التصادم العنيف .
9- قاعدة الدواسة مصممة لعدم إصابة عظام الفخد حيث تنكسر القاعدة
10- نظام قطع الوقود عند الحريق .و تنك مصمم ضد تسريب الوقود سعة 58 لتر
11- حساس ُECS لتحديد شدة التصادم و تحديد فتح الإير باج على مرحلة ام إثنين



التجهيزات و الرفاهية :-
1- 4 زجاج كهربائى
2- مرايات تطوى كهربائيا
3- سنتر لوك
4- تكييف ديجتال (مش مؤكد)
5- كاسيت سى دى بستة إسطوانات
6- خاصية بلو أن مى
7- نظام voice command
8- مثبت سرعة Cruise Control
9- كمبيوتر رحلات
10- عرض نسبة الأداء للتربو (شاشة ديحتال)
11- تابلو مصنع بالكامل من ألياف الكاربون .
12- فرش داخلى أنيق جدا ..
13- نظام sms .... reader
14- وصلة usb & IPOD
15 - حاملات أكواب و الباقى بقى تعتيم المرايات و جراب مش عارف إيه ... لسه الخير كتير ..



و ده الCrash Test
http://www.youtube.com/watch?v=aDW94DA_jJU


مستنيين بقى نعرف سعر العربية كام .... يا ترى كام ..
أنا شايف إنه ممكن يكون 150 ألف جنيه ... و السعر ده و شوية دعايا العربية تنتشر خاصة بدأت أشوفها كتير ..
أدينا هنشوف ... يا خبر بفلوس ... بكرة يبقى ببلاش .