الحاجة اللي لاحظتها و مالهاش علاقة بالعربيات . الصعيد فقير جدا رغم الثروات الطبيعية الضخمة جدا ، رخام. حجر جيري . طفلة. فوسفات . ألمونيوم و معادن تانية كتيرة جدا . ده غير المساحات الكبيرة من الأراضي السهل استصلاحها بتكاليف قليلة في الصحراء الغربية و متوسط بعدها عن النيل 25 كم و لا تحتاج كل اللي اتصرف على توشكى و يديك طولة العمر على مانشوف منها حاجة . حاجة كمان لما كنت بسأل على الطريق الناس كانت بتمسك فيا لازم ياخدني عنده البيت يغديني و أريح شوية و بعدين ينزل معايا لحد أول الطريق وده موقف اتكرر في اسنا و جرجا و قرية مش فاكر اسمها ايه في قنا . و كانوا بيسوبوني أمشي بالعافية . دي ناس أهل كرم رغم الظروف الإقتصادية الصعبة اللي عايشينها .