هجوم على الهيونداويه

**Samir Elshahawy** · 02-06-2009 12:24 AM

ليه احنا بنزعل لما حد يقول علي عيب في العربية بتاعتنا رغم ان كلامه ممكن يكون صح ؟؟
و ليه مش عايزين نعرف أن مافيش عربية كاملة و خالية من العيوب ؟؟ ده الكمال لله وحده
و ليه احنا بنتعصب اوي للعربية اللي راكبينها حتي لو كانت 128 ؟؟ مع أننا ممكن بكرة نركب موديل تاني و نرجع نقلب علي العربية اللي كنا بندافع عنها بأستماتة ؟؟

ياجماعة الهدف من المقارنات هو مساعدة الناس اللي لسه ما عندهاش عربية علشان يقدروا يختاروا حسب امكانياتهم و متطلباتهم و كمان علشان نعرف امكانيات العربية اللي معانا و نعمل حساب ده في أثناء قيادتنا لها

خلينا موضوعيين و عمليين و لنتقبل النقد بروح طيبة

**Samir Elshahawy** · 02-06-2009 10:15 AM

أرسل أصلا بواسطة successcre8or

كلام حضرتك زي الفل
نفسي و الله اشوف عربية مصرية بجد ...
و بصراحة ... إحنا المفروض نشجع الصناعة الماليزية كمان ...

بالفعل مصر كان لديها مخطط في الستينات من القرن الماضي لأنتاج سيارة مصرية 100% و كانت بداية ذلك بأنشاء شركة النصر للسيارات و بالتعاون مع شركة فيات الايطالية, ألا أنه بسبب الظروف السياسية (الفترة مابين 1967 - 1973) و ماأعقبها من عصر الانفتاح الاقتصادي اتجهت الشركة الي سياسة جديدة و هي التجميع بدلا من التصنيع و في عهد الحكومة المباركة أتجهت سياسة الدولة الي الخصخصة و تحكم رجال الاعمال في سوق السيارات و كان من مصلحتهم وقف كافة خطوط أنتاج الشركة لأفساح المجال أمام منتجاتهم التي يتم تجميعها أيضا و تكاد تكون نسب المكونات المحلية منها ضئيلة جدا و منخفضة الجودة مما أثر سلبا علي جودة و مواصفات السيارات المجمعة بمصر

**abou_ruqi** · 02-06-2009 01:05 PM

في نقطة بقه خاصة بالموضوع ده

هوا ليه اسمه "هجوم على الهيونداوية" ؟؟؟

اذا كان في حد بينقد هيونداي العربية فهو بينقد العربية مش اللي راكبينها
وبعدين انت مش هيونداوي انت مصري مسلم ، او مصري مسيحي انتمائك لوطنك و لدينك مش لعربيتك ، ممكن على آخر السنة تبقى راكب مرسيدس او بي ام وساعتها حتقول تولع هيونداي على ايامها الفقر !

**Nile_Storm** · 02-06-2009 01:48 PM

المشاركة الأصلية كتبت بواسطة abou_ruqi

في نقطة بقه خاصة بالموضوع ده

هوا ليه اسمه "هجوم على الهيونداوية" ؟؟؟

اذا كان في حد بينقد هيونداي العربية فهو بينقد العربية مش اللي راكبينها
وبعدين انت مش هيونداوي انت مصري مسلم ، او مصري مسيحي انتمائك لوطنك و لدينك مش لعربيتك ، ممكن على آخر السنة تبقى راكب مرسيدس او بي ام وساعتها حتقول تولع هيونداي على ايامها الفقر !

معاك حق فيما يتعلق بالسياره
لكنها فعلا يا اخي امتدت الي من يشتري السياره و يركبوها في بعض المواضيع

**Samir Elshahawy** · 02-06-2009 02:05 PM

المشاركة الأصلية كتبت بواسطة nile_storm

معاك حق فيما يتعلق بالسياره
لكنها فعلا يا اخي امتدت الي من يشتري السياره و يركبوها في بعض المواضيع

ماهو هو ده التعصب اللي احنا بقي بنتكلم عليه , بنتعصب لحاجة زي العربية أو الموبايل أو النادي أو حتي و لامؤاخذة يعني الشوز اللي بنلبسه في رجلينا و عارفين ده ليه لأننا فقدنا انتمائنا لحاجة أكبر و أهم ألا وهي ديننا و عروبتنا و وطننا "مصر"

معلش هو كلام يمكن يكون كبير شوية بس مش مجرد كلام دي حقيقة و أفتكروا كده أيام بطولة الامم الافريقية بالقاهرة هتلاقوا الحاجات دي كلها كانت أختفت و مافضلش غير علم مصر هو بس اللي كان بيرفرف فوق الهيونداي و الدايو و الشيفورليه :b4_611::b4_611::b4_611:

**abou_ruqi** · 02-06-2009 02:42 PM

المشاركة الأصلية كتبت بواسطة nile_storm

معاك حق فيما يتعلق بالسياره
لكنها فعلا يا اخي امتدت الي من يشتري السياره و يركبوها في بعض المواضيع

لا طبعا ده لو حصل يبقى عيب جدا والمفروض ترفعوا الامر للادارة !!
احنا جايين هنا نتكلم عن العربيات مش عن بعض

**Morieno** · 02-06-2009 02:43 PM

المشاركة الأصلية كتبت بواسطة MEMES

الفيرنا احسن من اللانوس بكتير
النيو اكسنت احسن من الياريس والنيسان صنى والبيرسونا بكتييير

أولا انا كنت راكب اكسنت عشان محدش يفكرنى بفترى على الموضوع
بس انا لفت انتباهى اللى مكتوب دا
1- غبور نفسه مايقدرش يقول ان نيو أكسنت احسن من يارس ويمكن النيسان الصنى وان كنت بتحفظ عليها ولو قال كدا هرفع عليه قضيه واكسبها في يومين مع انى مش محامى, لان مستر وانج شى وان بتاع هيونداى نفسه مايقدرش يقول كدا
2- الشعب المصرى كله ممكن يطلع يجرى ورا غبور عشان يعضه لو قال ان الفيرنا احسن من اللانوس مع انى بستصغر اللانوس بس الفيرنا اسواء منها
الموضوع مش دفاع ولا هجوم ياريت نكون بس موضوعيين
يعنى تقارن i10 بالبيكانتو نقول ممكن تقارن لكن ياريس بـ نيو اكسنت اقلك سورى انت بعدت قوى
[fot1]واتمنى لك التوفيق والسعاده مع عربيتك الجيتز[/fot1]

**Nile_Storm** · 02-06-2009 02:46 PM

المشاركة الأصلية كتبت بواسطة abou_ruqi

لا طبعا ده لو حصل يبقى عيب جدا والمفروض ترفعوا الامر للادارة !!
احنا جايين هنا نتكلم عن العربيات مش عن بعض

حصل و تم الارسال للاداره و اغلاق الموضوع
هو بس الاستاذ memes حب يناقش الظاهره ليس اكثر

**Nile_Storm** · 02-06-2009 02:47 PM

المشاركة الأصلية كتبت بواسطة morieno

أولا انا كنت راكب اكسنت عشان محدش يفكرنى بفترى على الموضوع
بس انا لفت انتباهى اللى مكتوب دا
1- غبور نفسه مايقدرش يقول ان نيو أكسنت احسن من يارس ويمكن النيسان الصنى وان كنت بتحفظ عليها ولو قال كدا هرفع عليه قضيه واكسبها في يومين مع انى مش محامى, لان مستر وانج شى وان بتاع هيونداى نفسه مايقدرش يقول كدا
2- الشعب المصرى كله ممكن يطلع يجرى ورا غبور عشان يعضه لو قال ان الفيرنا احسن من اللانوس مع بستصغر اللانوس بس الفيرنا اسواء منها
الموضوع مش دفاع ولا هجوم ياريت نكون بس موضوعيين
يعنى تقارن i10 بالبيكانتو نقول ممكن تقارن لكن ياريس بـ نيو اكسنت اقلك سورى انت بعدت قوى
[fot1]واتمنى لك التوفيق والسعاده مع عربيتك الجيتز[/fot1]

ليش ميقدرش يقول كده
ممكن تقول اسبابك

**Morieno** · 02-06-2009 04:45 PM

المشاركة الأصلية كتبت بواسطة nile_storm

ليش ميقدرش يقول كده
ممكن تقول اسبابك

حضرتك خبره اكيد اكتر منى ممكن تقولى ليه يقدر؟؟؟؟؟؟؟؟؟؟

الموضوع: هجوم على الهيونداويه

LinkBack

أدوات الموضوع

عرض

-

-

-

المواضيع المتشابهه

محتاج مساعده الهيونداويه

تغطيه الهيونداويه للمعرض -تجميعه لموضوعات معرض فورميلا الاهرام -

من غير شتيمة ولا هجوم !!!!!!!!!!

مقابله الهيونداويه

مقابله رابطه الهيونداويه

الكلمات الدلالية لهذا الموضوع

المفضلات

المفضلات

ضوابط المشاركة