Euro NCAP

**dya2008** · 31-05-2009 01:22 PM

بسم الله الرحمن الرحيم
الأحد 7 جمادى الثانية 1430
اولا انا كنت عايز اكتب الموضوع دا في منتدي الامان بس للاسف ملقيتش و علشان البورتونيه حبيايبي :k8: اكتر ناس نشطاء في نايل و علشان انا بحب بروتون كتبتوا هنا و انتوا انقلوه للفائدة

كل شويه يقولك في الاعلان سيارة حاصله علي 5 نجوم لا 4 نجوم يا جماعة مين اللي بيوزع النجوم دي ؟

اقولك يا سيدي القصه كلها ان في جمعيه اوروبيه - غير هادفة للربح - و تعتمد علي الصدقات - قصدي التبرعات بتقوم بنوع من الاختبارات علي درجة امان كل سيارة و بتعطي توصيات- ليس اكثر -
بس هيا توصياتها محترمه و موثوقه - زي مثلا منظمة هيومان رايتس ووتش - غير ملزمه لكن ارائها ذات مصدقية.

المهم اللي زام نعرفه ان الاختبارات دي لها ضوابط مش كل 5 نجوم تبقي 100% نفهم اولا ايه المعايير :

مثال: هيوانداي i10 حاصله علي 5 نجوم في حين لانسر بومه حاصله علي 3 نجوم

1-اول معيار اختبار التصادم بيكون علي سرعه متوسطه يعني مش 180 و 200 زي ما نسمع

2- الجسم الصلب اللي تصطدم به السيارة بيكون من بنفس كتله السيارة
( عشان كده i10 غلبت البومه في عدد النجوم)

3- هما 3 انواع نجوم مش نوع واحد الاول و الاشهر هو نتائج التصادم علي السائق و الراكب الامامي و الثاني النتائج علي طفل جوا الكار سيت و التالت علي الماره في الشارع
طبعا اللي بيتنشر في الاعلانات هوا الاول و مش مهم التاني و التالت عند التوكيلات

4- درجة ال5 نجوم - للسائق و الراكب الامامي- بتنقسم بين اصطدام امامي و جانبي
و لازم ناخد بلنا مثلا ان ممكن تكون حاصله علي 3 نجوم للسائق و الراكب الامامي ال3 نجوم عدم وجود اي اصابات في الصدام الامامي و فقدت النجمتين عشان اصابات قاتله في الصدام الجنبي - ربنا يحفظنا- زي عربيه فرنساوي جديده مجننه الناس
5- اخر معيار و هوا ان النتائج دي مش بتكون لموديل معين لأ دا كمان بتكون التوصيه لموديل بتجهيزات معينه - غالبا الشركات بترسل العربيات بالاير باج و abs و ebd
الملخص :
[gdwl]كل ما العربيه تكون اثقل بيكون في صالحها - الاختبارات بتتم علي العربيات اللي فيها كل عوامل الامان المتوفره في الموديل - لازم الناس تراعي النتائج ال3 و ليس الاولي فقط- السرعات في النتائج متوسطه - في حدود 30 ميل في الساعة [/gdwl]
ان شاء الله يكون في فائدة
تحياتي

**DR_EMAD** · 31-05-2009 03:44 PM

شكرا على المعلومات القيمة

وانا فعلا مكنتش أعرف غير الاختبار الأول

جزاك الله كل خير

تقبل تحياتى
د/عماد

**dya2008** · 31-05-2009 04:45 PM

المشاركة الأصلية كتبت بواسطة do00ody

شكرا على المعلومات القيمة

وانا فعلا مكنتش أعرف غير الاختبار الأول

جزاك الله كل خير

تقبل تحياتى
د/عماد

جزاني واياك
ونا في الخدمة يا زعيم

**Hegazio** · 31-05-2009 04:57 PM

طب يعني قصدك إيه ؟ أنها اشتغاله ؟
طب بي إم الفئة التالتة واخدة 3 نجوم
و الانترا و اخدة نجمة واحدة
و الميجان واخدة 5 نجوم

ده كلام فاضي ولا إيه ؟

**tutankhamoun** · 31-05-2009 07:07 PM

نقطة كمان نسيت أعلق عليها
الموضوع مش بوزن العربية خالص .......
يعني الموضوع ملوش دعوة بأثقل أو أخف .
الموضوع مرتبط بتصميم النقطة الضعيفة اللي الموتور هاينهار من عندها و ينزل على الأرض بدل ما يدخل الكابينة .

البرليانس الصيني اللي دخل أختبارات كان تقيل جدا و عربيات كبيرة في الحجم و ثقيلة في الوزن و مع ذلك ........ فشلت خصوصا المحاولات الأولى .
مع تسجيل بعض النجاح لموديل منهم كان فاشل و بعدين أتحسن و ده معناه أن الوزن ليس له أي أرتباط بالنتيجة الخارجة .

**bishoy02010** · 31-05-2009 07:30 PM

شكرا على المعلوماااااااااااااااااا ات

**Ayman_52** · 01-06-2009 01:17 AM

معلومات اول مره اعرفها ....

الف شكر لاستاذ/ضيا ... واستاذنا/توت ...عالمعلومات المهمه

تحيــــــــاتــى

**dya2008** · 01-06-2009 05:28 PM

طب يعني قصدك إيه ؟ أنها اشتغاله ؟
طب بي إم الفئة التالتة واخدة 3 نجوم
و الانترا و اخدة نجمة واحدة
و الميجان واخدة 5 نجوم

ده كلام فاضي ولا إيه ؟

لا يا عم حجازي مش كلام فاضي و لا اشتغاله استني هوضح اكتر

شاكرين جدا المعلومات يا أستاذ ضياء
و فعلا الموضوع هام أن الناس تعرف ان العربيات اللي بتدخل الأختبار بتكون
مجهزة تماما بكل شئ فيها
يعني فرامل ABS EBD و لو أن مفيش أحتياج للفرامل هنا علشان مش بيستخدموها .

و بتكون مليانة وسائد هوائية ....... 2 أمامي و 2 جانبي و 2 من فوق . ( بس مش كل العربيات )

حاجة كمان ........ السرعة اللي بيعملوه التصادم عليها هي 64 كم - س يعني 40 ميل - س .
شكرا يا أستاذ ضياء على المعلومة و على الموضوع .

فيه حاجة كمان ...... حضرتك مأخدتش بالك منها
العربية اللي بتأخد 5 نجوم بتأخدها على أساس أن الكابينة ميجرلهاش حاجة بتاتا ,
فبصراحة أنا مش فاهم تفسيرك أن البومة واخدة أقل من الأي 10 ؟؟
ياريت توضح أكتر لعلنا نفهم قصد حضرتك ؟؟
نقطة كمان نسيت أعلق عليها
الموضوع مش بوزن العربية خالص .......
يعني الموضوع ملوش دعوة بأثقل أو أخف .
الموضوع مرتبط بتصميم النقطة الضعيفة اللي الموتور هاينهار من عندها و ينزل على الأرض بدل ما يدخل الكابينة .

البرليانس الصيني اللي دخل أختبارات كان تقيل جدا و عربيات كبيرة في الحجم و ثقيلة في الوزن و مع ذلك ........ فشلت خصوصا المحاولات الأولى .
مع تسجيل بعض النجاح لموديل منهم كان فاشل و بعدين أتحسن و ده معناه أن الوزن ليس له أي أرتباط بالنتيجة الخارجة .

فعلا يا استاذ توت هيا 64 كم مش ميل انا اتلخبطت

بس من جهه اخري انا بقول الاصطدام بيكونش عشوائي لا طبقا لكتله - ليس وزن - السيارة
و طبعا الكتله اهم عامل
هل مثلا لما قطار يخبط عربيه و هوا علي سرعة 1كم في الساعة زي عجله بسرعة 200كم اكيد طبعا القطار هيضر السيارة اكتر لان كتلته اكبر
نفس الامر الموضوع مش انهم يصدموا عربيه في حائط صلب و لا كان كل السيارات تدمرت
لا الكتله الصلب دي بتكون بنفس كتله السيارة

**dya2008** · 03-06-2009 05:22 PM

يعني ببساطة لو ال i10 وزنها 850 كجم يبقي هيا صدمت في جسم صلب 850 كجم و الناس اللي جوا كحصلهمش حاجه
اما اللانسر بومه مثلا 1250 كجم لما صدمت في جسم نفس الكتله حصل اصابات متوسطة
يعني لو ال i10 صدمت في الجسم اللي صدمت فيه البومه بيوصل للشنطه عندها
هوا دا قصدي و دا من المعايير الهامه في الاختبارات دي

-

الموضوع: Euro NCAP

LinkBack

أدوات الموضوع

عرض

-

-

-

-

-

-

المواضيع المتشابهه

Gely Emgrand EC7 Euro NCAP test

فشل M11 في اجتياز اختبارت التصادم Euro NCAP

Euro NCAP - Brilliance car crash test

بروتون جين 2 لم تختبر في Euro ncap ؟؟ !

BMW 3 Series Euro ncap test 2006

الكلمات الدلالية لهذا الموضوع

المفضلات

المفضلات

ضوابط المشاركة