صيانة الشيفروليه لانوس

**khalid9411** · 08-06-2009 03:25 AM

لا من رايئى ده زيت تخزين للماتور لابد من تغيرة فورا ولازم تاخدوا رائ الاستاذين محمد وسمير

**BOSsS** · 08-06-2009 07:45 AM

المشاركة الأصلية كتبت بواسطة samirayad

مثلى تماما فعلا مفيش حاجه أسمها ألف فى كتيب الضمان على ماأتذكر من وقت شرائى للعربيه لفت نظرى يا أستاذ : حسام فى موضوعك بتاع كربون الشكمان ......أنك عام 1000 ك تقريبا ..........ياريت تروحلهم بقى .....علشان تغير زيت وفلتر وتعيد تربيط عفشه اللى بعد ال1000 لأن الزيت اللى بيبقى موجود وقت الشراء أنا فاكر طشاش كده أنه بينزل بعد ال1000 تقريبا (لأنهم بيقولوا عليه زيت تخزين وكده ) ...أيوه أفتكرت أنا غيرت الزيت ده عندهم على 1200 ......فلاتنسى النقطه دى وياريت تتحقق من الجزئيه دى منهم لأن أحتمال يكونوا غيروا النظام ولا حاجه فالمشوار ليهم حيأكدلك على الحته دى برضه ...........ومتستناش اللى أسمها 5000 دى (على فكره أنا خلاص قربت أطلع من الضمان على آخر السنه أن شاء الله )...............والحمد لله طبعا .....وحكون مع نفسى بعد كده الزيت غيرته بعد 1200 تقريبا .....وممكن تروح تغيره اليومين دول هو والفلتر .........الميه لسه نفسها عندى .....ولما المنسوب قل معايا بعد فتره .....أشتريت جركن ماء أخضر سعودى ........وزودت منه حوالى نصف لتر من فتره فقط وأنا لسه شارى العربيه ......وطالع من شارع المعرض اللى أشتريت منه وبلف علشان أدخل الشارع الرئيسى ....لمبة البنزين نورت .....مونت وأنا ماشى من بنزينه فى طريقى لبيتى .............أما زيت الفتيس والباور والميه ( تابع المقاس فقط ) ونظام زيت المكنه زى ماقولتلك قبل كده .............. رفعت الجلسه ياسيادة المحامى وأخى الفاضل الأستاذ : حسام .........

هقوللك ايه بس دايما زوق ودايما مفيد ودايما محترم
هرحلوهم ان شاء الله وايقى اديك خبر علي هيحصل.. بس ممكن اتقل عليك في حاجة ؟؟
اتابع المقياس ازاي لزيت الفتيس والباو والمية وايه هيا المقاسا المفروض تواجدها ...ارجو من سياتك التوضيح

**MMamdouh** · 08-06-2009 10:22 AM

المشاركة الأصلية كتبت بواسطة hon

انا عملت صيانة لعربيتى الدايو لانوس 1000 كيلو عند أبو غالى أتوميتوف بالعبور وهى تعتبر تكملة لأستلام العربية لو عندك أى ماحوظة ومغيرتش زيت قالولى يتغير على 5000 كيلو عشان دا زيت الفبريكا بتاع الماتور الكورى ومش حتعوضة وجزاكم الله خيرا

و هو زيت الفابريكة يفرق ايه عن اى زيت تانى؟؟؟

هى كوريا بقت اكبر دولة فى انتاج الزيوت و احنا منعرفش؟؟

طيب ايه رائيك بقى ان الزيت اللى بيبقى فى الموتور و هو جديد بيلم كل الرايش و الرواسب اللى جوة الموتور من اعمال الخراطة و التجليخ و الموتور بيتصنع و لازم يتغير بدرى

MMamdouh

**samirayad** · 08-06-2009 04:11 PM

هقوللك ايه بس دايما زوق ودايما مفيد ودايما محترم

الله يخليك يا أستاذ : حسام

هرحلوهم ان شاء الله وايقى اديك خبر علي هيحصل.. بس ممكن اتقل عليك في حاجة ؟؟

بالتوفيق أن شاء الله ....وياباشا تقل ولايهمك وكلنا حنفكر معاك أو مع أى زميل ( على الأقل بدل مايفكر لوحده ) وعلى قدر أستطاعتنا .....لأن العلم الكامل لله ....زى ما أنت عارف يا أستاذنا

اتابع المقياس ازاي لزيت الفتيس والباو والمية وايه هيا المقاسا المفروض تواجدها ..

أنت عارف يا أستاذ : حسام .....من يوم ماجبت عربيتى لحد دلوقتى وأنا لم أختبر زيت الفتيس ( طالما شغال والفتيس ناعم وحلو ...لا داعى أن الواحد يشغل نفسه ويحل الطبه كل شويه ) عموما للتعرف على منسوب زيت الفتيس بيكون فيه طبه جانبيه ( فى أتجاه الكبلن الطويل اليمين ) لما بتهويها وتلاقيها بتجيب رشح زيت خفيف .......يبقى المقاس تمام .....وبالنسبه للميه وزيت الباور خللى المقاس على العلامه max ( ودول بقه هما وزيت المكنه اللى عاوزين مراقبه دائمه )

**samirayad** · 08-06-2009 04:18 PM

المشاركة الأصلية كتبت بواسطة khalid9411

لا من رايئى ده زيت تخزين للماتور لابد من تغيرة فورا ولازم تاخدوا رائ الاستاذين محمد وسمير

لا هو مبيتغيرش فورا على طول كده يا خالد باشا .....بنستنى عليه حوالى 1000 كم ...........علشان الكلام ده

طيب ايه رائيك بقى ان الزيت اللى بيبقى فى الموتور و هو جديد بيلم كل الرايش و الرواسب اللى جوة الموتور من اعمال الخراطة و التجليخ و الموتور بيتصنع و لازم يتغير بدرى

طبعا دا كلام أخونا محمد ...........ولازم ننتظر شويه للم كل المتاح بعد دخول المحرك للخدمه من رايش وخلافه أثناء فترة التطبيع للسبايك والشمايز ......لأن لازم من التليين لأى حاجه جديده ................وبعد الألف بنبدأ قصه حياه جديده مع المكنه على نظافه