العربية مش بترضى تدور وهى سخنة لازم تبقى بردة

**samirayad** · 06-06-2009 11:17 PM

ايوه الجلب ...........وقولتلبك لو عاوز تتأكد

تيقى تدور العربيه بعد المشوار اللى بتقول عليه كده بنظام الزق والرمى بدون المارش ......لو دارت يبقى العيب من المارش

**sab3aawy** · 08-06-2009 09:23 AM

طالما استثنينا البوبينا والمارش وطرمبة البنزين يبقى فى عندنا احتمال كبير جدا انها تكون مشكلة شرقان، الكاربراتير بيرمى شوية بنزين جوه الموتور بيتبخرو ويعملواvapour lock يخلى العربية متدورش، جرب لما تدور العربية وهى سخنة تتبع معاها اسلوب تدورير العربية الشرقانة(تكبس بنزين بالراحة جدا لحد الآخر وتخلى رجلك على البنزين متشيلهاش وبعدين تدور بشكل مستمر لحد ما تدور العربية) لو دارت بالأسلوب ده وطلعت دخنة سودا للحظات وبعدين استقرت يبقى الكارباتير بيشرق العربية لما تبطل، وهتبقى محتاج اما انك تظبط الكاربراتير ، او انك تركب لها بيك سلانسيه كهربائى لو ده ممكن لكاربراتير عربيتك علشان يقطع البنزين بمجرد ايقاف السيارة

**lakany** · 08-06-2009 09:30 AM

حل المشكله دى بسيطه جدا و انا كانت عندى و دوختنى و لقيت ان الحل بسيط بعد لما لفيت و صرفت كتير و هو انك تاخر الكهرباء بتاعت العربيه شويه من الاسبراتير. تففك المسمار بتاع الاسبراتير و العربيه سخنه و مش راضيه تدور و تاخرها سنه و تدور و اذا مادارتش تاخرها سنه تانى لغاية لما تدور و بعدين تربط المسمار و ابقى ادعيلى

**zizo_troy** · 14-06-2009 06:16 PM

فعلاً كلها حلول صحيحه وانا هجرب بردوا لأن المشكله دى دوختنى كتير اوى وان شاء الله هقولكم كان فى ايه

**caapoo** · 14-06-2009 11:02 PM

انا كان عندي المشكلة ديه في 128 وكانت لما بتسخن بتقعد تدوخني علي متدور
انت اول حاجة تعملها تشوف كهربة العربية لو كانت عالية حاول تنزلها شوية
لو المشكلة متحلتشي يبقي هي منحصرة في المارش
انت هتروح للميكانيكي وهيحل المارش وهينضفه وهيعملك ليه صيانة كاملة ويبص علي الجلب لو هي فيها حاجة وبس
وبازن الله المشكلة هتتحل لانها مش هتخرج عن الحلين دول

**ahmsuez** · 15-06-2009 08:16 AM

السلام عليكم
نفس المشكلة دي كانت عندي فعلا وعملتها معايا في طريق النصر في عز الزروه ادته الغيار الأول ودورة والمارش كان بطئ شويه ولكن كنت افضل مزود بنزين علشان اخرج من ازمة الزحمة وبعدين ركنتها في عباس العقاد لحد لما بردة دارة كويس وكملة المشوار ودتها لكهربائي فك المارش فعلا وغير جلب وغير برده احتياطيا الأتوماتيك بتاع المارش

**i_Am_Legend** · 30-06-2009 03:32 PM

المارش بيلف ببطاء كان البطارية فاضية ودة بيحصل لما بتكون العربية سخنة بس ......\

والموضوع دة بيحصل مرة ومرة مش دايما......و ممكن تبطلها ....وتدور تلاقى المارش صاروخخخخخ......تبطل وتدور تانى تقع

تعتل......وبتدوخنى على مابترضى تلقط.......بفضل قاعد فى العربية ربع ساعة وبعدين اجرب تانى تدور على طوووووووووول............

**M.FOUAD** · 30-06-2009 03:49 PM

بص يا باشا هي ساعة ما بترداش تدور بتعمل تكتكة خفيفة كدة تكاد تكون غير مسموعة لو بتعمل الصوت دة بالذات ساعة ما تكون العربية سخنة يبقى اكيد الاتوماتيك بتاع المارش جزء بسيط جدا هيفكة و شوف ان كان يعرف يتصلح و لا لا لو منفعش اشتري واحد جديد و خلاص ب30 جنية تقريبا

**AHMEDCAR** · 08-07-2009 01:42 PM

المشاركة الأصلية كتبت بواسطة i_am_legend

المارش بيلف ببطاء كان البطارية فاضية ودة بيحصل لما بتكون العربية سخنة بس ......\

والموضوع دة بيحصل مرة ومرة مش دايما......و ممكن تبطلها ....وتدور تلاقى المارش صاروخخخخخ......تبطل وتدور تانى تقع

تعتل......وبتدوخنى على مابترضى تلقط.......بفضل قاعد فى العربية ربع ساعة وبعدين اجرب تانى تدور على طوووووووووول............

جلب المارش بتولى

روح غيرها