الموضوع: كيفيه نقل ملكيه سيارتك ( بالتفصيل الممل )

المشاركة الأصلية كتبت بواسطة timtim

على فكرة طالما هاتنقل من أسوان للقاهرة لازم شهادة بيانات للمرور في القاهرة حتى لو الرخصة سارية..
وهاتسلم النمر في القاهرة فعلا..
يعني هاتحتاج من أسوان شهادة بيانات موجهة للمرور في القاهرة وشهادة بيانات موجهة للشهر العقاري
و كمان شهادة المخالفات من مرور أسوان

يستحسن تستفيد طبعا من السنة ونصف اللي في الترخيص لان لما تيجي تنقل الملكية في الشهر العقاري كل ما الموديل يمر عليه سنة الرسوم بتنزل شوية..
لو بتنقل عربية مو 2005 غير مو 2006 غير 2007 وهكذا حتى لو نفس العربية..

ومع ذلك تقدر تنقل الملكية والترخيص باسمك وفيهم السنة ونصف دول مش هايروحوا عليك يعني..

حلو قوى الموضوع دا لو كدا يبقى نعمل العقد على اول السنه الجايه انشاء الله يكون الموديل عدا عليه خمس سنين

اما بالنسبه لمطابقة البصمه دى بتتعمل هناك "أسوان" ولا هنا "القاهرة"

المشاركة الأصلية كتبت بواسطة morieno

يعنى مش محتاج يكشفوا عليها هناك "أسوان" أو مطابقة بصمه أو اى حاجه
والنمر القديمة هتتسلم هنا "القاهرة" مش هناك

اسف لإذعاجك معايا بس الموضوع لازم يندرس صح عشان انت عارف المشوار بعيد وحر قوى:)
وهى لسه فيها رخصه سنه ونص انت ايه رايك استفاد بيهم واخليهم وابقى انقل لما يخلصوا ولا انقل دلوقتى؟؟؟؟

لا الكشف او المطابقه دى حاجه تانيه ودى بتبقى انت ونصيبك لو مثلا اللون فى الرخصه مش زى العربيه او العربيه قديمه ورقم الشاسيه مش واضح او فى اى حاجه تدعو للشبهه فى العربيه يبقى تحتاج ساعتها مطابقه ودى للأسف مينفعش تعملها مسبقا دى لازم تدخل الفحص فى القاهره وساعتها المهندس هو اللى يقول محتاج مطابقه لايه وبيبعت معاك جواب مختوم بطلب المطابقه علشان المرور فى اسوان يرضى يعملهالك من غير الجواب المختوم يبقى مش هتعرف تعمل حاجه فى اسوان

السنه ونص اللى فى الرخصه حتى لو نقلت دلوقتى هتستفاد منهم برده اعمل نقل الملكيه بتجديد سنه ترخيص واعمل التأمين من تاريخ انتهاء الرخصه الحاليه وقول للموظف على الشباك بتاع نقل الملكيه عايز اضيف السنه دى على الرخصه بس هكمل المده اللى فيها فى الرخصه الجديده هيرحلك المده الحاليه على الرخصه الجديده ويبقى معاك سنتين ونص

المشاركة الأصلية كتبت بواسطة timtim

على فكرة طالما هاتنقل من أسوان للقاهرة لازم شهادة بيانات للمرور في القاهرة حتى لو الرخصة سارية..
وهاتسلم النمر في القاهرة فعلا..
يعني هاتحتاج من أسوان شهادة بيانات موجهة للمرور في القاهرة وشهادة بيانات موجهة للشهر العقاري
و كمان شهادة المخالفات من مرور أسوان

يستحسن تستفيد طبعا من السنة ونصف اللي في الترخيص لان لما تيجي تنقل الملكية في الشهر العقاري كل ما الموديل يمر عليه سنة الرسوم بتنزل شوية..
لو بتنقل عربية مو 2005 غير مو 2006 غير 2007 وهكذا حتى لو نفس العربية..

ومع ذلك تقدر تنقل الملكية والترخيص باسمك وفيهم السنة ونصف دول مش هايروحوا عليك يعني..

يا باشا شهاده البيانات دى مستند يثبت صحه بيانات العربيه فى حاله فقد رخصه التسيير او انتهاء الترخيص لكن طالما الرخصه موجوده وساريه مفيش اى داعى لشهاده البيانات سواء للشهر العقارى او المرور

مجرد المرور بياخد الرخصه القديمه وصورتها والشهر العقارى بياخد صوره بس

المشاركة الأصلية كتبت بواسطة timtim

الكلام دا مكتوب في مرور مدينة نصر
انه في حالة نقل الملكية في نفس وحدة المرور بتكفي الرخصة
اما في حالة نقل الملكية والنقل من وحدة مرور لوحدة مرور تانية بيتطلب شهادة بيانات,,
الكلام دا مكتوب ومتعلق في مرور مدينة نصر
ويفضل انه يعمل كدا لانه هايروح أسوان فمفيش داعي للمخاطرة وهي كلها 10 جنيه تمن شهادة البيانات..

تمام كدا يبقى نروح مشوار لأسوان نجيب شهادة بيانات عشان المرو
الشهر العقارى مش هيحتاج شهاده لو الرخصه ساريه "انا عملت عقد قبل كدا"
طيب هوا مافيش اى مكان يعتبر وحده مركزية للمرور نطلع منه الكلام دا ... زى مثلا من العباسيه تقدر تعمل كل ما يتعلق يالسجل المنى فى اى مكان فى مصر وهكذا؟؟؟؟؟؟؟؟؟؟
وهى شهادة البيانات صلاحيتها قد ايه ؟؟؟

بصراحه تسلم ايدك رغم اننا تعبنالك من اللف والدوران على الشبابيك والطوابير لكن الف الف الف شكر على المعلومات المفيده

المشاركة الأصلية كتبت بواسطة أحمد كمال

( فى عربيات معينه لازم تعمل عنها استعلام فى المباحث وده حسب اوامر الوزاره ومنهم اللانسر )



ايه استعلام المباحث ده و اشمعنى اللانسر؟؟؟

وانا بنقل ملكيه اللانوس بتاعتى قالى اطلع اعمل استعلام مباحث، وهو عباره عن ورقه بيطبعهالك من عالنت من موقع خاص بيهم فيها ان العربيه سليمه من اي مشاكل جنائيه او ما شابه ذلك.

والغريب ان امين الشرطه كالم محترم جدا، لقانى مستعجل قام قعد يشرب فى شاي ويكلم صديقه عالموبايل وبيظبت شغل وبعد 20 دقيقه كده داس على طباعه وطبع الورقه. انا زعلان انه ما عزمش عليا بالشاي مع انى مش بشربه
بس طبعا ده يعلمنا ان الصبر جميل

شرح متميز
شكرا