حشتري جراند تيريوس من الأمارات

**alexaoy** · 01-06-2009 09:58 PM

الأعضاء الكرام ملاك الجراند تيريوس :
انا عايش خارج مصر في الامارات من فترة وعايز اشتري جراند تيريوس من الامارات وانزلها مصر وعندي شوية أسئلة ارجو من ملاك الجراند تيريوس يتفضلوا بالأجابه عليا :
1- هل العربيه قويه وعمليه حيث ان حجمها كبير وموتورها 1500 سي سي فقط فهل ده مش عيب ؟
2- هل الكنبه الخلفيه الأخيره تناسب جلوس أشخاص كبار فيها ولا فقط اطفال ؟
3- هل الشنطه الخلفيه تكفي وضع أغراض وشنط عند وجود أشخاص جالسين في الكنبه الأخيره ؟
4- سمعت ان العربيه مقصاتها ضعيفه هل ده صحيح ؟
5 - السؤال الأخير سعر العربيه هنا من الأمارات مع شحنها وجماركها حيعادل حوالي 150000 جنيه مصري فهل سعرها كده كويس بالنسبه لسعرها في مصر ولو كان قريب من سعرها في مصر أجيبها برضه من الأمارات عشان مواصفات خليجي ولا أجيبها من مصر واستفيد من ضمان الوكيل ؟
واااااااسف للأطاله .......

**hhhyyy** · 04-06-2009 03:56 PM

هل من جواب؟؟

**جندى مجند** · 04-06-2009 04:27 PM

المشاركة الأصلية كتبت بواسطة alexaoy

5 - السؤال الأخير سعر العربيه هنا من الأمارات مع شحنها وجماركها حيعادل حوالي 150000 جنيه مصري فهل سعرها كده كويس بالنسبه لسعرها في مصر ولو كان قريب من سعرها في مصر أجيبها برضه من الأمارات عشان مواصفات خليجي ولا أجيبها من مصر واستفيد من ضمان الوكيل ؟
واااااااسف للأطاله .......

أنا معنديش جراند تريوس لكن اللى أعرفه ان سعرالخليجى منها هنا أقل من 150000 (يمكن فى حدود 145 تقريباً) و التوكيل سعرها حسب موقع كونتاكت 150 ألف للـ 5 راكب و 156 ألف للـ 7 راكب.

**معاذ الشرباصى** · 04-06-2009 10:45 PM

حضرتك أنا رأى لو العربية هتشتريها و تنزلها على طول يبقى تجيبها احسن من الوكيل هنا فى مصر مباشرة علشان تستفيد من الضمان

لكن لو هتشترى العربية و هتفضل معاك فى الامارات 2-3 سنوات, يبقى خلاص, ساعتها اشتريها من عندك و استفاد من الضمان هناك, و ابقى نزلها بعدين, و ساعتها برضه جماركها هتبقى اقل لأنها بتقل عن كل سنة بعد سنة الصنع.

انا مش مقتنع انى اجيب عربية خليجى, من غير ضمان علشان فرق بسيط فى الفلوس

ده غير ان العربية من الوكيل المصرى فيها كماليات اكتر.

**alexaoy** · 05-06-2009 02:13 AM

شكرا لكل من رد عليا - بس انا لسه مش عارف اخد قرار بالنسبة لشرائها أصلا - علشان كده عايز حد يكون عنده جراند تيريوس 7 ركاب ويجاوبني على أسئلتي اللي في الأول بخصوص إمكانيات ومواصفات العربيه الداخليه والخارجيه علشان أقدر أحكم على العربيه واخد قرار بشرائها او عدمه. وشكرا