الموضوع: مشكلة في قواتيش علبة الدركسيون و بارات الدركسيون

طيب يا رجاله حد يعرف القواتيش " او افايز علبه الدركسيون " ديه بتتباع فين للانسر ؟؟... و لو فى نوع كويس و يعيش بدل الكاوتش الى بيبوظ بسرعه فى شوارع بلادنا ؟

و بعدين عاوزين حد متخصص عفشه و حافظ للانسر يكون متجرب و موثوق فيه .

* حد جرب مركز النصر للزوايا و العفشه الى فى المنيل ؟؟

* بوش علبه الدركسيون يتعمل عند العفشجى ولا لازم افك العلبه و اوديها عند عند الراجل الى فى شمبليون بتاع علب الدركسيون ؟

المشاركة الأصلية كتبت بواسطة ayabooy

لو تعرف تجيب علبة استيراد سليمة يكون افضل من الحشو
و عموما مرة اتصلت بواحد في شمبليون و قالي انه عنده فك و تركيب بس معظم الاعضاء و معظم الي اعرفهم من بره النت بينصحوا بالبعد عن بتوع شمبليون

المشكله انى مش عاوز افتح على نفسى فتحه و و تكون التكلفه كبيره .... اعتقد علبه الدركسيون الاستيراد حتكون غاليه .
موضوع تصليح علبه الدركسيون ... الموضوع انتا و بختك , لانى اعرف ناس صلحوها و اشتغلت كويس و ناس تانيه صلحوها و باظت بس برده بتفرق على حسب نوع العيب .

انا بس عاوز افهم ايه موضوع الحشو ده بيبقى عباره عن ايه ؟ ايه هى الحشوه ديه ؟

و القواتيش او الافايز بتتباع فين ؟

ياريت صاحب المشكله لو وصل لحل يفيدنا .

المشاركة الأصلية كتبت بواسطة mohabsaeed

طيب يا رجاله حد يعرف القواتيش " او افايز علبه الدركسيون " ديه بتتباع فين للانسر ؟؟... و لو فى نوع كويس و يعيش بدل الكاوتش الى بيبوظ بسرعه فى شوارع بلادنا ؟

و بعدين عاوزين حد متخصص عفشه و حافظ للانسر يكون متجرب و موثوق فيه .

* حد جرب مركز النصر للزوايا و العفشه الى فى المنيل ؟؟

* بوش علبه الدركسيون يتعمل عند العفشجى ولا لازم افك العلبه و اوديها عند عند الراجل الى فى شمبليون بتاع علب الدركسيون ؟

انا مجرب مركز النصر للزوايا و العفشه الى فى المنيل (اسماعيل)
ناس محترمين جدا و صنايعيته شاطرين
بس جهاز الزوايا بتاعهم قديم فماتاخدش علي كلامهم اوي في الزوايا لكن شغل العفشة بتاعهم اخر حلاوة