دايو مخنوقة جدا جدا وغيرت كل شي

**ahmedhilmy** · 15-06-2009 02:07 AM

المشاركة الأصلية كتبت بواسطة pedro732000

انا راي ان اسهل حاجة ممكن تبتدى بفلتر الهوا تتاكد منه انه كويس او تنضفة "تنفضـــــــه" وبعد كده لو انك مغيرتش فلتر البنزين من زمان "اكتر من 20000 كم مثلا" غير فلتر البنزين
نيجى بعد كدة لعلبة البيئه + علبة الشكمان لو انت اخدت خبطة فى علبة البيئة "الكتاليتك" يبقى الفحم اتكسر جوها وبيعمل back pressure على الموتور ودة يؤدى الى صوت عالى + ان عداد rpm لو موجود ميزيدش عن قيمة معينة لما تكون على وضع المور وتضغط بنزين يكون حاولى2500rpm ,وبعد متشيك على علبة البيئة ابقى شيك على الشكمان بردة
وانشاء الله هايكون المشكلة فى فلتر الهوا اللى ممكن يعلى صوت العربية لوفيه مشكلة او تكون المشكلة ان الفحم اللي فى علبة البيئة اتكسر ممكن تنضفها وخالاص
وبقى طمنا عملت ايه

معلش الجزء بتاع الار بي ام مش فهمه ممكن توضح

**pedro732000** · 16-06-2009 04:47 AM

ياباشا تحت امرك
تخيل معايا ان فى فحم جه سد معظم "مش كلها" فتحة المخرج بتعاة ماسورة الكمان " على طول بعد الكتاليتك" طيب غازات العادم لما تيجى تخرج من فرن الموتور هاتصرف على ايه غير الماسورة الشبه مسدودة " هاتبقى بظبط عاملة زى كمين على طريق صلاح سالم والعربيات عمالة تتكوم فوق بعض كل فين وفين لما تخرج عربيةمن الكمين مع الفرق طبعا فى التشبيه ده وبالتالى العربيات اللى لسه فى الكمين مع الزيادة العدديه هتسد مدخل صلاح سالم اللى هو فى الاصل exhaust valve يعنى من الاخر مش كل غازات العادم هاتعرف تخرج من غرفة الاحتراق بعد الحريق
( يبقى كدة الشوط الجديد هيقلل فى دخول الهوا والوقد اللى هايخشو ,واللى هايطلع حريق ضعيف يخلى لفة crank تقل )
كل ده لما اجي اعمل كام امبليه هاليقى عداد rpm مابيزدش مثلا عن 2500
اتمنى يكون الشرح كاف