.:: منين أجيب ماكينة البوليش Polishing اللى بتنظف الدهان .:. فى حد فى مصر عنده ؟!::.

**ahmad7610** · 06-06-2009 09:24 PM

مفيش أكتر من منتجات تنظيف السيارات وبقت موضة فى المولات والهايبر دلوقتى
-
لكن عن تجربة كل الحاجات دى مفيش منها نتيجة أكتر من 10-20 % عن ما قبل ما تستخدمها .... خاصة إن فوط التنظيف فى مصر والتراب بيسيب أثر دائرى على بوية العربية
----------
المهم بعد البحث فى النت ومواقع كتير لقيت أن فى حاجة واحدة هى فعلا اللى بتشيل أثار الدواير و ترسيبات التراب من الدهان وهى .. ماكينة البوليش دى ::::::::::
-

-

وهى بتتوصل بالكهرباء وتلف بسرعة كبيرة بحيث تخلى سطع العربية ملمس كخروجها من المصنع وبعدين تشمع وتبقى كالزيرو ...

-
,وبييجى معاها فوطة ميكرو فايبر و زجاجة رش بوليش تلميع .. و ممكن حاجة عاملة زى العجينة كده بتشيل التراب اللى مترسب على الدهان

-------------
وبجد النتيجة بعد استخدامها ( على دهان عربية بحالة الفابريكة ) بتكون النتيجة مدهشة .. والفرق واضح و الدهان بيرجع يبرق بدون الخدوش الدائرية ...
-----------
طبعا بعد لفة سريعة فى محلات اكسسوار كتير حسيت انى بسأل على حاجة شاذة ومحدش سمع عنها قبل كده وفى اللى قاللى حتلاقيها عند بتوع السمكرة فى الحرفيين ...
------------------------------------------------------------
هل فى حد يعرف دى ممكن تتجاب منين من مصر (( غير طلبها من على النت لأن ده أخر أمل ))؟!؟!؟ وممكن تعمل كااااااام؟!!؟؟!؟!؟!؟

---------------------------------------

شويه صور من تجارب ناس قبل وبعد :::::::::::::::::::::::::::::::::

**amir** · 06-06-2009 09:37 PM

بحكم اني دكتور اسنان و ما ادراك كم الاجهزه اللي بنتعامل معاها فممكن اقترح عليك اقتراح
تجيب شنيور عادي بسيط و تركب عليه فرشه اسفنجيه زي اللي في الصوره
الهدف هو انها تلف و تمسح
اظن الحاجات دي متوفره في المحلات

**ASKAFRAWY** · 06-06-2009 09:40 PM

المشاركة الأصلية كتبت بواسطة amir

بحكم اني دكتور اسنان و ما ادراك كم الاجهزه اللي بنتعامل معاها فممكن اقترح عليك اقتراح
تجيب شنيور عادي بسيط و تركب عليه فرشه اسفنجيه زي اللي في الصوره
الهدف هو انها تلف و تمسح
اظن الحاجات دي متوفره في المحلات

شنيور ولا صاروخ!
بس هى موجودة جاهزة فى كارفور ماركت
بس انا اعرف ان عدد لفات ماكينة البوليش اقل من عدد لفات الصاروخ العادى عشان المحافظة على بوية العربية من الخربشة

**ASKAFRAWY** · 06-06-2009 09:47 PM

المشاركة الأصلية كتبت بواسطة ahmad7610

أنا روحت كارفور المعادى وكارفور اسكندرية وما شوفتهاش ... وكذه هايبر كده من سبينس سيتى ستارز و كذه هايبر فى اسكندرية ..
-
حضرتك شوفتها فى كارفور ايه !؟؟

كارفور اسكندرية و سعرها 240 جنيه
وموجودة لحد دلوأت فى الركن الخاص بالعدة ومكتوب عليها ماكينة تلميع سيارات بس بيتباع من غير wax

**amir** · 06-06-2009 09:54 PM

هو بلغه الصنايعيه و السوق الشنيور ايه و الصاروخ ايه؟

**ASKAFRAWY** · 06-06-2009 10:05 PM

المشاركة الأصلية كتبت بواسطة amir

هو بلغه الصنايعيه و السوق الشنيور ايه و الصاروخ ايه؟

هو حضرتك دة الشينيور

ودة شكل الصاروخ

**amir** · 06-06-2009 10:09 PM

طيب هل في فرق في اختيار السرعات لأي منهم ؟
و ايه الفروق في الاستخدام
هل واحد تورك عالي و سرعه قليله و التاني العكس؟

-

الموضوع: .:: منين أجيب ماكينة البوليش Polishing اللى بتنظف الدهان .:. فى حد فى مصر عنده ؟!::.

LinkBack

أدوات الموضوع

عرض

.:: منين أجيب ماكينة البوليش Polishing اللى بتنظف الدهان .:. فى حد فى مصر عنده ؟!::. - انشر الموضوع فى :

-

-

-

المواضيع المتشابهه

خامة الدهان دى اجيبها منين ؟؟ M e t a l-F l a k e

اللي عنده خبرة في الدهان يخش

منين فى القاهرة اشترى ماكينة حلاقة الشعر الكهربائية اللى اسمها moser ???

حد جرب البوليش اللى بلون السيارة ...simoniz

أجيب منين المشترك اللى بيركب فى الولاعة

الكلمات الدلالية لهذا الموضوع

المفضلات

المفضلات

ضوابط المشاركة