مقارنة بين الفرنا واللوجان

09-06-2009 06:15 PM

المشاركة الأصلية كتبت بواسطة bahaaothman

يا ريت الجماعة أصحاب الخبرة يعملولنا مقارنة بين الفرنا واللوجان لإنهم الاتنين 1600 وتقريبا فى نفس الفئة السعرية

ياريت تشوف العربيتين مبدئيا عند وكيل كل منهما بنفسك
بعد كده شوف إرتياحك لمين , في نفس الوقت شوف مين فيهم بتحقق رغباتك
في النهاية نتكلم مع بعض في الفنيات و قطع الغيار و خلافه
و في النهاية القرار قرارك
:b4_033:

**zizophone** · 19-06-2009 04:01 PM

أنا مع اللوجان طبعا شكل وراحة بس مكنة مجربتهاش الصراحة

**M.ABDEEN** · 19-06-2009 09:16 PM

اللانوس احسن من الاثنين كاعتمادية وتقفيل

**modygemy86** · 19-06-2009 09:23 PM

اللوجان موتور ميجان 1
3 دفعات اتحجزوا كلهم من التوكيل في شهرين بس.
الموديل الجديد بتاع 2009 خرافي سواء من الداخل او امن الخارج والخامات والصاج تتفوق علي الفيرنا بمراحل.
ياريت كل اللي ناوي يجيب حاجه في الرينج دا يروح توكيل رينو ويتفرج علي العربيه هاتعجبه باذن الله وبجد كفايه زهقنا بقي من العربيه الفيرنا دي كفايه عليها بقي لحد كده.

**mohamedadelemam** · 26-06-2009 10:26 PM

أنا مع اللوجان...الأوروبى أوروبى....حتى لو الخامات رديئة قليلا بس مع الفترة الطويلة الراحة دائما بتكون فى الاوروبى بالرغم من إستهلاك البنزين وقطع الغيار....والمجرب الأوروبى هيقدر يشرح أكتتر منى

**sasam6** · 01-08-2009 05:26 PM

اللوجان كفاية انها اوروبية ومش هتكلم على الفرنا لما جربتها

**kliken** · 01-08-2009 05:32 PM

فيرنا افضل و الله اعلم

**Ahmed.Ali** · 01-08-2009 05:50 PM

انا لما شوفت اللوجان في التوكيل عجبتني جدا جدا جدا و بحد اريح و اوسع بكتير من الفرنا و بصراحه انا مش مقتنع بالفرنا اللوجان احسن و بعديها اللانوس و تيجي الفيرنا في الاخر

**AbO_FaRaH** · 01-08-2009 06:37 PM

المشاركة الأصلية كتبت بواسطة TheEgyption

انا لما شوفت اللوجان في التوكيل عجبتني جدا جدا جدا و بحد اريح و اوسع بكتير من الفرنا و بصراحه انا مش مقتنع بالفرنا اللوجان احسن و بعديها اللانوس و تيجي الفيرنا في الاخر

خليك فى اللوجان

**alfbaa** · 02-08-2009 01:05 AM

انا ماركبتش الفيرنا ولا اللوجان بس ممكن اقارن بينهم بسهوله طبعا هختار لوجان بلا ادنى تردد على الاطلاق كل اصحابي ومعارفي بيقولوا ان الفيرنا عربيه خفيفه جدا على الطريق وبيقولوا اعطالها كتير جدا اما اللوجان ففي ناس خايفه انها تكون مش بنفس مستوى باقي العربيات الرينو انا رايي انها لو بنص مستوى العربيات الرينو تبقى برضه احسن بمراحل من الفيرنا (اللى هي بربع مستوي عربيات هيونداي او اقل كمان )بس انا متاكد ان شركه عملاقه زي رينو مستحيل تجازف باسمها علشان مكسب مؤقت (مستحيل)
وخد بالك من حاجه مهمه انت لو اشتريت الفيرنا تبقى دفعت تمن العربيه + تمن الجمارك + زياده استهبال من الوكيل

اما لو اشتريت اللوجان تبقى دفعت تمن العربيه + زياده استهبال من الوكيل ( بدون جمارك )

بس المهم اسال الاول على تمن قطع غيار اللوجان لو لقيتها زي الفيرنا اتوكل على الله بلا تردد