مقارنة بين الفرنا واللوجان

**bahaaothman** · 07-06-2009 12:33 PM

يا ريت الجماعة أصحاب الخبرة يعملولنا مقارنة بين الفرنا واللوجان لإنهم الاتنين 1600 وتقريبا فى نفس الفئة السعرية

**m_zizo620** · 07-06-2009 06:58 PM

لوجان طبعا

**bahaaothman** · 08-06-2009 12:50 AM

ايوة لوجان ليه

**Bossy_Fadl** · 09-06-2009 05:15 AM

برغم اني ما بحب الفيرنا

بس اعتقد انها افضل بكتير من اللوجان

اللوجان تقفيل رديء و خامات فقيرة جدا

عموما اللي يعرف اكتر يوضحلنا

**mohamed1979** · 01-08-2009 12:28 PM

المشاركة الأصلية كتبت بواسطة bossy_fadl

برغم اني ما بحب الفيرنا

بس اعتقد انها افضل بكتير من اللوجان

اللوجان تقفيل رديء و خامات فقيرة جدا

عموما اللي يعرف اكتر يوضحلنا

مش عارف جبت الكلام ده منين العربيه الفرنا ماتور و الباقى اردم عليه

**Qamar** · 09-06-2009 05:42 AM

ناوى تقتنيها عمر.
ولا ناوي تبيع بعد كام سنة قليلين؟
أصل انا اتلسعت في البيع قبل كده. عموما الفيرنا سهل بيعها بسعر مرضى. لكن لو فكرت تبيع اللوجان مستقبلا لازم تاخد في اعتبارك ندرة الطلب عليها و بالتالي سعر مش تمام.
كذلك انتشار الفيرنا نشر قطع غيارها معاها و اللى بيتعاملوا فيها كتروا برضه (سهولة الصيانة و توافر قطع الغيار).
طبعا الresale مش كل حاجة لكن أنا باقول اللي أعرفه بس.

**K3A** · 02-08-2009 01:42 PM

المشاركة الأصلية كتبت بواسطة qamar

ناوى تقتنيها عمر.
ولا ناوي تبيع بعد كام سنة قليلين؟
أصل انا اتلسعت في البيع قبل كده. عموما الفيرنا سهل بيعها بسعر مرضى. لكن لو فكرت تبيع اللوجان مستقبلا لازم تاخد في اعتبارك ندرة الطلب عليها و بالتالي سعر مش تمام.
كذلك انتشار الفيرنا نشر قطع غيارها معاها و اللى بيتعاملوا فيها كتروا برضه (سهولة الصيانة و توافر قطع الغيار).
طبعا الresale مش كل حاجة لكن أنا باقول اللي أعرفه بس.

كلام غير صحيح نوعا ما ..اللوجان يا باشا عليها اعلى طلب النهارده في الجديد ... و الحجز اليومين دول يسلمك في شهر 12 الجاي... كمان في 2010 يقال ان رينو ستسود المبيعات الاولى في مصر هذا والله اعلم

**tofy_urban** · 09-06-2009 05:14 PM

ياجماعة اللوجان عربية كويسة جدا و واخدة 3 نجوم من 5 في اختبارات الامان الاوروبية euroncap و دي مش حاجة قليلية و الفيرنا مش موجودة اصلا في اختبارات اليورو لانها اكيد مش هاتعدي نجمة واحدة ,,, علي العموم عوامل الامان مش هي كل حاجة لكن بردو سعر إعادة البيع مش حاجة مهمة دلوقتي لسببين أولا: سوق المستعمل مضروب جداً ثانيا: وده الاهم ان في خلال العشر سنين الجاييين الجمارك بتنزل 4% سنويا يعني هاتنتهي الحمارك في العشر سنين الجايين يعني في اي وقت هاتبيع هتلاقي ان سعر الجديد بيقل و بالتالي انت لازم تقل عنه و بالتالي هاتخسر اكتر لذلك مانصحش ان اللي يشتري دلوقتي يفكر يبيع يعني من الاخر عربية العمر او انه يشتري عربية مستعملة و يبقي يشتري الجديد بعدين

**tofy_urban** · 09-06-2009 05:17 PM

http://www.euroncap.com/Player.aspx?...&media=windows
و ده الرابط بتاع الاختبار و هي بتنزل اوروبا باسم داتشيا ,, و اتفرجوا علي بقيت العربيات اللي زيها في الفئة السعرية مفيش ولا عربية موجودة غير الافيو تقريبا

**tofy_urban** · 09-06-2009 05:22 PM

و نقطة اخيرة من حيث الطلب عليها قليل العربية عليها تهافت غير طبيعي و لو حجزت دلوقتي في الوكيل مش هاتستلم غير في شهر 11 و ده رد بسيط علي الطلب عليها ده غير انها بدات تنتشر في الشوارع بصورة كبيرة و دة بردو هايؤدي لتوافر قطع غيارها اللي هي اصلا مش كتيرة اوي في السعر العادي و ده رابط لاسعار قطع غيارها
كل ماتريد معرفتة عن السيار من هنا