الموضوع: حكايه مع الالفا رميو

الفارميو ياه الاسم ده بجد لما بسمعه او بشوفه مش عارف بيحصلي ايه عربيه خياليه بالنسبه ليا كنت في مره مسافر الفيوم انا واخويا وجه واحد صاحب اخويا علشان يوصلنا في طريقه ودي كانت اول مره اركب فيها الالفاروميو عربيه خرافه بمعني الكلمه
وطول الطريق صاحب اخويا ما بطلش كلام عن العربيه فيها 10 او 12 ايرباج فيها ABS ومش عارف فيها ايه والدركسيون بتاعها مش عارف فيه زراير ايه والعربيه من بره تحسها صغيره بس من جوا حاجه تانيه عربيه بجد ثابته علي الطريق بشكل وصاحب اخويا ماشي 180/ 190 كيلو
ده انا اول مره اركب حاجه تعدي 120 كيلو انا لما كنت بسوق كنت بجيب 100 كيلو ولو يعني الطريق فاضي 120 وده يعني كده انا طاير بس بجد متعه والغاظني ان صاحب اخويا باع العربيه الالفا رميو موديل 2003 بكلام فاضي 60 الف جنيه وكمان قسط علي سنه وهو اللي نصح اخويا وخلاه يجيب الاسبيرانزا A620 (انتقم الله منها ومن صانعها وبائعها ومروجها والقائل عليها) المهم خلاصه الكلام ان العربيه دي خرافه وان شاء الله هجيبها بس مش دلوقتي علشان الظروف صعبه والجو حر في البلد كلها مش ناقصه مصاريف
بعد الكلام ده لازم نبلع بكام صوره كده للالفارميو معشوقتي









انا ماقلتكوش انا كنت في الفيوم بعمل ايه ؟
انا كنت بشوف النجار بتاع العفش والحمد لله جبته واتجوزت كمان يوم 16/2/2009 وعقبال عندكم جميعا