الموضوع: ألفا رميو 146 وتجربه شخصيه

السلام عليكم ورحمه الله وبركاته

انا برحب بجميع اعضاء نايل موتوز في موضوعي المتواضع حبداء احكي الموضوع في اطار قصـه ..بس ماحدش ينام مننا :D
في يوم من الايام كنت ماشي في شارع مصدق ف عجبتني الفا رميو واقفه قدام معرض أسمو كوني كار :D العربيه حالتها بسم الله مشاء الله اشبهه بالزيرو ف دخلت المعرض اشوف مطلوب فيها كام وموديل كام رد صاحب المعرض وقالي اتفرج عليها الاول من اول ما فتحت الباب وشدني جدا التابلوه الرياضي وقاعده عربيات السباق بصراحه :)
قالي دور العربيه استنيت لما العربيه سخنت شويه دوست بنزين وسمعت صوت ممتع للغايه بيفكرني باللامبورجيني :D وجربت الازاز الكهربه والتكييف والباور كلو تمام والباور تمام مافيش مشاكل .

جت بقا مرحله التجربه وطالع بالعربيه طبعا مش متعود عليها ف ماشي براحه وجت حته فاضيه دوست لنصف الدواسه حسيت اني مش حقدر ادوس اكتر من كدا من سرعه الاستجابه بسم الله اداء الماتور كويس

بعد ماخلصت تجربه روحنا عند المعرض واتكلمت معا صاحب المعرض قالي مطلوب 42 الف جنيه علي قد فلوسي بالضبط :D سبحان الله

طبعا نزلت بالعفيه 1000 جنيه :D ترخيص وخلافه

المهم بسئلو عن قطع الغيار قالي موجوده عن الكيلاني ويوسف وكذا واحد في التوفيقيه كنت بتعامل معاهم ايام زقزوقه :) الريتمو للتوضيح :D

طبعا روحت البيت بالصدفه وبتكلم معا ولدي عن الالفا رميو قالي ان الكيلاني دا معرفه قديمه وفعلا ولدي اتصل بيه وقالو علي العربيه قالو قطع غيارها موجوده ولكن الاجزاء الخارجيه الصاج بعض الاجزاء مش متوفره غير في الاستيراد .

وسئلنا عن سير الكتينه .. العربيه فيها اتنين سير كاتينه ب 200 جنيه الاتنين أيطالي
وجوز مساعدين اماميين غاليين شويه علشان كهربه هيدروليك ب 1200 جنيه ضمان سنتين ايطالي
وجوز مساعدين خلفي 700 جنيه ضمان سنتين ايطالي
طرومبه مايه بـ 500 جنيه أيطالي بيقول انها عندو ومافيش حد بيشتريها علشان مش بتبوظ :D
فلتر زيت 25 جنيه أيطالي
فلتر هواء 40 جنيه ايطالي
فلتر بنزين 400 جنيه ايطالي معمر جدا حسب كلامو .
تيل فيات تمبرا :)

طبعا بعد استخاره الله ربنا كرمنا بيها :)

وروحنا رفعنا العربيه في بنزينه وكان معايا واحد صحبي تاجر سيارات وقالي بسم الله كويسه بس قالي ان العربيه مالهاش سوق واعاده بيعها صعب شويه بس هيا عجبته جدا وبيلف دلوقتي بيتفرج علي الفا رميو :D

وحنبداء غدا بأذن الله

تغيير زيت وتنظيف دوره مايه فأنتظروني :D

ربنا يبارك فيكم يجماعه وعقبال الجميع بجد سيارات فئه محترمه وتستاهل التضحيه :D

دا موضوع في قسم صور سيارات الاعضاء فيه صور للعربيه عربيتي الالفا رميو 146

sharky ألف مبروك و ربنا يبارك لك فيها

الله يبارك فيك حضرتك :)

douha_wise ربنا يباركلك فيها يا احمد و يعطيك خيرها و يكفيك شرها و يحفظك و اياها من كل شر و سوء
بس متنساش يا صاحبى انا لية عندك لفة و عايزين مقابلة سريعة جدا ان شاء الله فحاول انت و بسام ترتبوا مقابلة سريعة فاااااااااهم !!! و مش كل مرة سيادتك تزوغ

الله يبارك فيك يااستاذ ممدوح
يعطيك خيرها و يكفيك شرها و يحفظك و اياها من كل شر و سوء امين يارب العالمين
بأذن الله نتقابل في اقرب فرصه والله مش بزوغ بس الايام جايه بأذن الله نتقابل قريب :)

Nader الف مبروك على الافا وربنا يبارك لك فيها

عاوزين صور لها بقى.

الله يبارك فيك يااستاذ نادر وعقبالك :)

الصور مرفقه في موضوع عربيتي الالفا رميو 146

Ahmed Hassan على فكره... العربيه لو موديل 97 او اعلى يبقى فيها الموتور الـ twin spark.... مش البوكسر و ده احدث و اقوى كتير من الموتور البوكسر اللي كان موجود في موديلات الـ 146 قبل سنه

استاذ احمد من الواضح ان حضرتك ليك خبره في الالفا رميو وانا مبسوط ان في حد بيفهم في الالفا علشان انا خبرتي بسيطه جدا ومحتاج ازودها
الماتور عندي بوكسر 1600 مكتوب في الكتالوج انه 103 حصان :)

HISHAM80 Mabroooooooooooooooooook

الله يبارك فيك يااستاذ هشام :)

hazem_khidr الف الف مبروك يا ابو حميد
بقي كده يا راجل من غير ما تقولي.
الالفا روميو عربيات محترمه جدا علي فكره.
و لو عندك اتنين سير كاتينه يبقي موتورك البوكسر 100 حصان 1600
الموديل دا سنه 97 او 98 كان بيلعب في التمانينات زيرو
عربيه ممتازه و برستيج بس حافظ عليها بلاش تهينها.
و ربنا يديك خيرها و يحميك من شرها يا رب
مستني الصور

حزومه الله يبارك فيك ياحبيب قلبي :)
والله هيا جت صدفه وانا لسه جايب العربيه بقالي يومين وتصدق ان بسام لسه معرفش :D
انتا اللي محترم ياحزومه باشا :D
فعلا العربيه 103 حصان 1600 سي سي .. خبير فيتاوي قديم :D
فعلا كانت عربيات نازله غاليه علشان مش اي حد كان بيركبها .
متخفش ياحزومه ربنا كرمني بعربيه كويسه وبأذن الله ححافظ عليها وصيانتها .
ربنا يديك خيرها و يحميك من شرها يا رب .. امين يارب العالمين
الصور مرفقه في موضوع دا عربيتي الالفا رميو 146

theking2690 الف مبروك على العربيه يا باشا و ربنا يجعلها وش السعد عليك

الله يبارك فيك ياكينج وعقبالك :)
ربنا يجعلها وش السعد عليك .. اللهم امين

Ahmed Hassan العربيه فعلا ممتازه.... بس لازم تكون صاحب مزاج جدا.. و مش ناوي تبيع,,, العربيه موديل كام؟.. و هل فيها الموتور الـ twin spark؟ و لا الموتور الـ boxer؟

التكييف اللي فيها KLIMASYSTEM و لا عادي؟ هتلاقيه مكتوب عليه. و الفرامل ورا ديسكات و لا DRUM؟ لو كانت ديسكات يبقى فيها ABS (لو كانت بالموتور ال twin spark)

العربيه فعلا قطع غيارها موجوده عند الكيلاني... وفيها حاجات كتير مشتركه مع التيمبرا و التيبو (بس مش في الموتور). طرمبه الميه احنا مغيرنها من عند الكيلاني ...بس السعر مش فاكره... ممكن اجيبهولك لو تحب.

العربيه بتجري جدا... بس صوت موتورها عالي في الصلانسيه و السرعات البطيئه (ممكن سعات يبان انه ديزل من صوته!!)

استهلاكها في ا لبنزين عالي حاجه بسيطه جوه البلد... لكن في السفر عادي.

لازم تخلي بالك جدا من مواعيد تغيير الزيت.. و يستحسن تغيره بدري شويه... و تكشف عليه باستمرار لأن العربيه دي حساسه لنقص الزيت... او انخفاض لزوجته.

الحمد لله انا صاحب مزاج العربيه بتقعد معايا بحافظ عليها علي قد ماقدر وربنا بيسترها :)
هيا فيها ماتور بوكسر 1600 سي سي 103 حصان

حتاكد من اسم التكييف وحتأكد من موضوع الفرامل دا كمان بس متهيئلي مافيهاش abs علشان مش بيظهر قدامي في العداد .

ومتشكر اوي يابوحميد علي النصائح وربنا يكرمك :)