الموضوع: الشيفروليه الكروز تنافس الجميلة سيراتو بشراسة فى اتوماك

احبتى فى الله ... الكروز سيارة لاقت اعجاب الجميع فى معرض اتوماك ولا شك فى ذلك وبصراحة انا كنت من اول المعجبين بها بمجرد رؤيتها ( حب من اول نظرة يعنى ) وطبعا عجبنى الشكل جدا من الخارج واكيد عجبنى اكثر الشكل من الداخل مع الفارق النسبى فى جودة الخامات المستخدمة فى التابلوه مقارنة بالسيراتو وعجبتنى السيارة جدا ولكن موضوع الزجاج الخلفى ده ازعجنى جدا فاخر مرة شفت فيها سيارة زجاج امامى فقط كانت الاكسنت موديل 95 ده الصينى نازل 4 زجاج كهرباء ، لكن لم اهتم كثيرا لكن هناك تعليقات برضه على الموتور اللى الوكيل بياكد انه مختلف عن الاوبترا وتقنيته اعلى لكن المواصفات الفنية تتفق مع موتور الاوبترا بالظبط كما ان الكاتجرى الاعلى من المانيوال المعروضة فى المعرض وفى التوكيل لا تزيد عن بعضعها كثير واختلاف السعر كبير والحقيقة الكروز وضعت نفسها فى مقارنة مع سيارتين حسب اوجه المقارنة
اولا : المقارنة حسب الكماليات : الكروز تتنافس مع السيراتو من حيث بلد المنشا والفئة والكماليات لكن السيراتو لابد ان تكتسح بفارق كبير موجود فى السيراتو الهاى لاين وغير موجود بالكروز ( فرش جلد - جنوط 17 - فتحة سقف - اضاءة فى المرايات - اى بى دى - شكمان نيكل - دواسات نيكل رياضية - مدخل للاى بود ويو اس بى - 9000 جنيه فارق فى السعر ) يعنى لو حسبت الكماليات دى وفرق السعر يعنى انت بتكلم فى فرق 25000 بحد ادنى تتفوق فيه السيراتو عن الكروز .
ثانيا المقارنة حسب السعر : الكروز الهاى لاين ب135000 يعنى سعر المازدا ام 3 موديل 2009 مثلا واعلى من الهوندا سيتى كمان ( ها نقارن ايه بقى بالله عليكم )
اخيرا هناك كثير من المستهلكين لا يدركوا كل ما نتكلم فيه ده ويكون تقديرهم من حيث الشكل والكماليات والسعر وبلد الصنع
ولو نظرنا بنظرهم ها نلاقنى ان بلد الصنع متفق مع السيراتو والكروز يبقى فاضلهم الكماليات والسعر والسيراتو تكسب والشكل ده مسئلة ذوق بس برضه السعر بيفرضه احيانا يبقى برضه السيراتو تكسب اما لو نظرنا للسعر وبلد الصنع بالنسبة للمازدا مثلا او الهوندا سيتى او الشارك اقل فئة والكورلا اقل فئة لازم اليابانى يكسب خصوصا ان السعر واحد حتى لو الكماليات اعلى فى الكروز مش مهم
يعنى الكروز لو لم تراجع اوضاعها بسرعة ها يكون موقفها صعب الايام القادمة وستتفوق الجميلة سيراتو بفارق كبير جدا فى السوق ......وهذا رايى المتواضع والله الموفق الى ما يحب ويرضى

المشاركة الأصلية كتبت بواسطة sa3dawy

واللة ولا دى ولا دى .. انا اروح اجيب مازدا 3 هاىلاين واريح دماغى

[sor2]http://blogs.cars.com/photos/uncategorized/mazda3.jpg[/sor2]

بس المازدا هتنزل الشكل الجديد كمان شهرين تقريبا و طبعا الله اعلم هتنزل بكام و معني ده انه في احتمال قائم انها تخرج من المنافسة دي لو الوكيل بتاعها -و هو دائما سياسته تتسم بالعقم-نزلها بسعر مبالغ فيه، و لو حد اقدم و اشتري الشكل الحالية الأيام دي هيتحسر حسرة مالكي السيراتو2009  الشكل القديم بالضبط، هتبقي راكب عربية 2010 الشكل القديم و احنا اصلا في 2009

المشاركة الأصلية كتبت بواسطة hosam_optrawy

المازدا الجديده نزلت خلاص

وفى فرق فلوس حوالى 40 الف

بجد!!!
نزلت امتي؟!، ولا شفتها
طيب ايه فئاتها و نزلت بكام في مصر؟
و مشكور مقدما