الموضوع: حوار من القلب للقلب - الجزء الثاني

اولا احب اشكرك على اجاباتك الجميله يا بسكوته و طالما الموضوع عجبك يبقا عايزين نعرف بقا كمان شويه اجابات على اسئله في شخصيتك


بسكوته تاني سؤال قريب

دموعها قريبه و عمليه و اجتماعيه ووحيدة و بتحبي الهيصه لكن مفيش احسن من الهدوء و رومانسيه لكن عمليه جدا و بتحبي الفرفشه بس بتعيطي كتير و رومانسيه و عايشه مع احلامك كتير بس واقعيه جدا و بتفكري في كل خطوة

ايه يا بسكوته مش محتاره مع نفسك شويه؟؟؟ و لا شايفه ان التناقضات في الصفات دي مميزات ... على فكرة دة سؤال بجد
لأني بحس انها ميزة


بسكوته و بصراحه شديدة
في مرة من المرات غنيتي لنفسك اغنيه حب امتلاك لجنات قبل ما تنزل ؟


بسكوته بتثقي في الناس بسرعه؟؟

و الى اي حد؟؟

اتخدعتي في ناس كتير في حياتك ؟؟


و اللى اتخدعتي فيهم دول كان ايه رد فعلك معاهم لما عرفتيهم على حقيقتهم ؟؟

طب دة من وجهه نظرك انك اتخدعتي فيهم مش جايز هما كمان فاكرين انهم اتخدعوا فيكي؟؟ يعني بمعنى اصح مديتهومش فرصه يبينوا موقفهم؟مش جايز كان في سوء تفاهم؟؟

بسكوته ممكن تسامح اللى بيجرحها لأي مدى؟؟

بسكوته الرومانسيه سهل يتضحك عليها بالكلام المعسول و لا بتستخدم عقلها زي ما قالت حتى في المواقف دي؟؟

ايه اكتر حاجة عايزة تغيريها في نفسك ؟؟

و ايه اكتر صفه بتحبيها فيكي ؟؟

كفايه عليكي كدة دلوقتي و على حسب الردود نشوف ان كان عندك استعداد نعرف حاجات اكتر من كدة و لا لأ

تحياتي و اتمنى مكنش ضايقتك