الموضوع: هام ومحتاج وقفة - أيه حكاية الاسكترا فى البروتون ؟؟؟

[gdwl] [/gdwl]

[gdwl]


تحياتى لجميع زميلى فى المنتدى


لحظت ان فى البروتون الجين 2 والبرسونا

لما تيجى تمشى فى شارع فى نقر وحفر صغيرة

تلاقى صوت غريب تحت فى العفشة زى ميكون حديد فى حديد

بصراحة انا استغربت جدا

على الهادى مفيش اى صوت

اما لو واخد اى حقرة او شارع مدقدق

او وانتا بتعمل نيو ترن

بتلاقى اسفلت النيو ترن مش مستوى = مليان تعريج

فى ثوانى تسمع الصوت العجيب ده

قلت لا

لازم اجرب اكثر من عربية

بروتون

ولقيت نفس الملاحظة

فقلت لا لا

ده موضوع هام

هام هام ومحتاج وقفة - أيه حكاية الاسكترا فى البروتون ؟؟؟

بمعنى هو الصوت ده من علبة الدركسيون

بمعنى ان اجزا ئها قريبة من بعض فبتخبط فى بعض

هذا الموضوع مفتوح للمشاركة العامة

وسأقوم برفع هذه الملاحظة الى المهند أمر اذا تم اثبات

ذلك الملاحظة من عدد كبير من اعضاء المنتدى

شكرا وتحياتى :b4_048:

وان شاء الله يكون فى رد من خبراء المنتدى واساتذة التوكيل

[/gdwl]

المشاركة الأصلية كتبت بواسطة mohamed_sabry

صوت الخبط ده من علبة الدركسيون ( عيب صناعة ) , و الصوت ده موجود عندي من يوم ما استلمت العربية ، و الماليزيين لما كانوا موجودين بالتوكيل في شهر 11-2008 تم عرض السيارة عليهم و أفادوا أن الصوت ده معروف عندهم باسم ضوضاء كارفور ( carrefournoise ) بمعنى أن فيه طريق غير ممهد بكارفور بماليزيا السيارة تحدث به هذه الأصوات ( يبدو انه لا يوجد أي طريق غير ممهد بماليزيا غير اللي بجوار كارفور ده فعملوه الاستاندرد بتاعهم ) و بناءا عليه أفادوا أن العيب من المواسير الموصلة لزيت الباور لعلبة الدركسيون بمعنى إنها مصنوعة بزاوية قائمة مما يؤخر وصول الزيت بالسرعة المناسبة لعلبة الدركسيون , و حاولت أن أقنعهم أن نفس المواسير دى موجودة في العربيات السليمة ماقتنعوش , و الصراحة الناس في التوكيل برضه ما اخدوش بالكلام ده و كتبولي على علبة دركسيون , و في الزيارة التالية للماليزيين استطاع المهندس هاني الغندور - مهندس الصيانة بالتوكيل - انه يثبت لهم ان العيب في علبة الدركسيون نفسها مش في مواسير الزيت بأنه قام بتجربة معهم بسيارة معيبة و أثناء سيرها أطفأ المحرك و ظلت الأصوات موجودة رغم إطفاء المحرك , و بناءا عليه اثبت أن الصوت ده بينتج عن عيب بعلبة الدركسيون ( يعنى العلبة فيها بوش ) , لا يحدث أثرا على كفاءة العلبة أو على سير السيارة و لكنه ينتج عنه أصوات .

و انا فضلت ارجاء تغيير العلبة لحين الحاجة الحقيقية لذلك ( لأني كده كده ضامن أنى معايا مستند من التوكيل بتغيير العلبة ) , لكن اللي عنده العيب ده يروح التوكيل و يطالب بحقه .

شكرا محمد باشا
وياريت لو ينفع اقابل سيدتك واخد نسخة من المستند ده لو امكن
علشان اتوجه بالمشكلة للتوكيل مع زميلى الى عندهم نفس المشكلة ويكون معانا ورق سيدتك كا تعزيز للموضوع و شكرا لردك مرة ثانية