بشرى لحاجزيين النيسان صنى

**Ashraf A.Kader** · 12-10-2007 02:32 PM

علي فكرة المشكلة دي حصلت علشان شهر 7و8 الماضيين كل الصني اللي في السوق اتسحب ومكانوش عاملين حسابهم علي الموضوع ده0ولما الحجز زاد عليها(وهي تستاهل بصراحة) قالوا ان الموضوع حياخد وقت علي مالخامات تيجي من اليابان وتتجمع
انا كنت من المحظوظين اللي استلموا في نفس اليوم رغم انا غيرت اللون اللي كنت عايزه بس اللون بتاعي جميل جدا
انشالله ربنا يسهل وتستلموا قريب
كل سنة وانتم طيبين

**hamo2007** · 12-10-2007 02:47 PM

يا رب بمناسبة الالوان انا حاجز صنى سوداء مانيوال فهل اللون ده فى الصنى كويس ولا ايه وما لون عربيتك........

هو بيتمرمط بسرعة بس لون جامد انا اصلا كنت رايح اجيب تويوتا سوداء قالولى خلاص يا بابا كنت فين من زمان خلصت والى لقيتها الاوتوماتيك فقط ب120000 طبع فيه فرق كبير فى السعر يصل الى 34000 جنيه فى النيوال ,29000 فى الاوتوماتيك
وطبعا ده بعد الزيادة الغير مبررة فى السعر حيث زادت حوالى 8000 جنيه بدون داعى مجرد ان فيه تنبوءات تقول ان الكورولا الجديدة هتبداء من 140000 جنيه وطالع فطبعا الصنى رخيصة وفيهل كل الاوبشن الكامل الى فى العربيات اليابانى فتنبوء منى ان العربية دى قريبا هتغلى وخاصة بعد الطلب الرهيب الى نازل عليها. وكل عام وانتم بخير...

**ayman** · 12-10-2007 03:12 PM

اى سياره لونها غامق مثل الاسود والكحلى تحتاج تنظيف بصفه مستمره لان التراب يظهر فيها بسهوله وكمان معظم السيارات التى لونها غامق فرشها الداخلى فاتح اللون ويتوسخ بسهوله وتظهر فيه اى وساخه

**hamo2007** · 12-10-2007 09:15 PM

ايوه بس الاسود من الخارج والبيج من الداخل عاطى على فخامة وشياكة ومغير منظر العربية خالص مخليها كده حاجة تانية

**Ashraf A.Kader** · 13-10-2007 05:42 PM

انا عربيتي زيتي ميتاليك والفرش بيج0بس لون تحفة في الشمس تشوفه ازرق وباليل يبقي اسود اما الفرش فانا جبت فرش للكراسي من اول يوم علشان الكراسي الاصلية متتوسخش وبعدها بشهرين عملت فرش جلد للارضية حاجة جميلة ومريحة جدا في النظافة0
الاسود جميل طبعا بس دي اذواق وكل الغامق بيحتاج عناية خاصة في النظافة0المهم انكم حتلركبوا عربية فعلا جميلة بس خدوا بالكم من موضوع التليين0
كل سنة وانتم طيبين

**ابوشريف** · 13-10-2007 08:06 PM

المشاركة الأصلية كتبت بواسطة hamo2007

طبعا طبعا انشاءالله يا مسهل الحال كله على الله هانت انا مستنى بقالى 3 اسابيع

انا متابع موضوعك باهتمام شديد لدرجة انى حاسس انى انا اللى هستلم العربيه

ومنتظر استلامها بفروغ الصبر مثلك علشان تحكيلنا انطباعاتك عنها جايز تقدر تقنعنى اشتريها

انت استطعت تاخد قرار بشراء الصنى لكن كنت محتار فقط بين المانيوال والاوتوماتيك

لكن انا لسه محتار بين كذا نوع فى نفس الفئه السعريه زى مانت قلت قبل كدا اتخاذ القرار صعب

ورأيك بعد ماتستلم السياره وتجربها اسبوع على الاقل مهم جدا بالنسبه لى

يارب تستلمها خلال الاسبوع ده

وكل عام وجميع اعضاء منتدانا الحبيب بخير وسعاده

**HISHAM80** · 14-10-2007 03:42 AM

يا باشا هات الاوتوماتيك وتوكل على الله انا معايا مانيوال وكل يوم بكره العربيه بسبب الزحام الرهيب ونفسى وان شاء الله اغيرها اوتوماتيك فى اقرب فرصة اتا كنت محتار زيك لغايت لما سوقت عربية واحد صحبى تيوتا اوتوماتيك حسيت بفرق شااااااااااااااسع وان الدنيا جميلة وحلوه حتى فى عز الزحمة ومن ارقام توزيع العربيات الجديدة كلها اوتوماتيك يعنى من كل عشر عربيات كورولا تلاقى واحده مانيوال وبصعوبة

**HISHAM80** · 14-10-2007 03:43 AM

يا باشا هات الاوتوماتيك وتوكل على الله انا معايا مانيوال وكل يوم بكره العربيه بسبب الزحام الرهيب ونفسى وان شاء الله اغيرها اوتوماتيك فى اقرب فرصة اتا كنت محتار زيك لغايت لما سوقت عربية واحد صحبى تيوتا اوتوماتيك حسيت بفرق شااااااااااااااسع وان الدنيا جميلة وحلوه حتى فى عز الزحمة ومن ارقام توزيع العربيات الجديدة كلها اوتوماتيك يعنى من كل عشر عربيات كورولا تلاقى واحده مانيوال وبصعوبة

**hamo2007** · 16-10-2007 06:18 AM

المفرود انى هاصحى الصبح اروح استلم العربية هى لونها اسود اتوماتبك خلاص صرفنا نظر عن المنيوال وربنا يسهل الحال واستلم انا فى انتظار من شهر تقريبا ومازلت فى انتظار ......... نصيحة الى كل الاعضاء لما تشتروا عربية لازم تشتريها من توكيل رسمى لانه بيستلم قبل الصلات غلطة العمر انى حجزت من صالة........

فيه مشكلة عمرى ما سقت اوتوماتيك ومش عارف لو سلمنى العربية هتعامل معاها ازاى . افيدونى ارجوكم عايز اعرف هبداء ازاى وهعمل ايه وانقل ازاى ده عالم جديد بدخل فيه لاول مرى ارجوكم افيدونى وشكرا ولنا متابعة اخرى هاكتب فيها عملت ايه...

اخوكم الى واجع دماغكم حمو

**youssef_sallam** · 16-10-2007 01:59 PM

كل سنة و انتم طيبين
اية الأخبار يا شباب استلمتوا العربيات ولا لسة زي حالاتى ... الموضوع كده بقى طويل قوي و العيد كان سواقيين التاكسيات مستهبلين قوى والمواصلات غلسة موووت