بشرى لحاجزيين النيسان صنى

**ابوشريف** · 18-10-2007 09:49 PM

المشاركة الأصلية كتبت بواسطة mohaismail

خلاصة الكلام اللى عاوز صنى يحجزها من دالوقتى بالسعر القديم قبل ما الاستهبال يشتغل

هل اللى يحجز على السعر الحالى مش ملزم باى زياده تحصل قبل الاستلام ؟؟؟؟؟

**mohaismail** · 18-10-2007 11:26 PM

لآ انت بتدفع السعر اللى انت حاجز بيه

**ابوشريف** · 18-10-2007 11:45 PM

المشاركة الأصلية كتبت بواسطة youssef_sallam

خلي بالكوا يا شباب انا سمعت ان النيسان صنى سعرها حيزيد من اول شهر نوفمبر حوالى 3 او 4 الاف جنية زي مثيلاتها من الانسر و الكورولا

اعتقد دى اشاعه للمحافظه على القوه الشرائيه الموجوده عليها حاليا

لانهم لو كانو ناويين على زيادتها فعلا كانو طبقو الزياده مع نزول موديل 2008 كما فعلت لانسر وتويوتا

**youssef_sallam** · 19-10-2007 12:41 AM

يا ابو شريف ياريت تكون إشاعة بس انا صديقى فى المصنع قالى انها حتزيد من اول نوفمبر 4650 جنية دة بالنسبة للمانيوال و كلمت مودرن موتورز اللى انا حاجز معاهم واحد قالى انها حتزيد 5000 جنية بس مش عارف من إمتى و اعتقد ان الكلام متطابق .
بالنسبة للحاجزين اعتقد دى لازم يكون فى ضمير علشان انا حاجز من شهر على السعر القديم و التأخير ده هما السبب فية مش انا .
بس إحنا فى مصر أعتقد إن الرأى ساعت الإستلام حيكون من المعرض ( يا بية و انا مالى ده المصنع اللى إتأخر عليا و هوا اللى رفع السعر و هو مسلمنى عربيتك بالسعر الجديد و لو سعادتك مش عايز خد عربونك و ورينا عرض أكتافك ) :twisted:

**ابوشريف** · 19-10-2007 12:47 AM

المشاركة الأصلية كتبت بواسطة youssef_sallam

يا ابو شريف ياريت تكون إشاعة بس انا صديقى فى المصنع قالى انها حتزيد من اول نوفمبر 4650 جنية دة بالنسبة للمانيوال و كلمت مودرن موتورز اللى انا حاجز معاهم واحد قالى انها حتزيد 5000 جنية بس مش عارف من إمتى و اعتقد ان الكلام متطابق .
بالنسبة للحاجزين اعتقد دى لازم يكون فى ضمير علشان انا حاجز من شهر على السعر القديم و التأخير ده هما السبب فية مش انا .
بس إحنا فى مصر أعتقد إن الرأى ساعت الإستلام حيكون من المعرض ( يا بية و انا مالى ده المصنع اللى إتأخر عليا و هوا اللى رفع السعر و هو مسلمنى عربيتك بالسعر الجديد و لو سعادتك مش عايز خد عربونك و ورينا عرض أكتافك ) :twisted:

لو انا مكانك وحصل معايا كده هاخد العربون بدون تردد واشترى شيفروليه اوبترا وامرى لله

**youssef_sallam** · 19-10-2007 01:02 AM

ده بعد ما تكون قعدت شهر مستنى و بعدين محبة على قلبهم اننى اعمل كده و انا ارفض الإستسلام ممكن ده يكون اخر المطاف بس مش بالسهولة دية يا ابو شريف

**mohaismail** · 19-10-2007 04:56 AM

لآ بصراحة لو حصل معايا كده وغلى السعر هاخد العربون وامشى وانصحك انك تعمل كده بس انا متأكد انك هتدفع التمن اللى انت حاجز بيه متقلقش ولو حصل حاجة نصيحة متتدفعش مليم زيادة

**ابوشريف** · 24-10-2007 01:55 AM

فينك ياحمو .......شكلك استلمت النيسان

طيب مش تقولنا علشان نبارك ....وفين تقييمك ليها

ياريت تطمنا عليك

**hamo2007** · 26-10-2007 03:55 AM

اخيرا وبعد صبر دام شهر و5 ايام استلمت النيسان صنى وفعلا كنت مشغول جدا لانى ما كنتش قاعد فى البيت طبعا من الفرحة النيسان دى حاجة جامدة جدا وهم مكنتش متصور ذلك لونها اسود وده عطيها شكل مميز ولكن منيوال مش اتوماتيك لانى كنت حاجز منيوال فى الاول وبعد كده غيرت وقلت اوتوماتيك ولكن الحجز تم على المنيوال فاستلمت لانى مكنتش قادر اصبر اكتر من كده والحمد لله استلمتها و ذهبت للتوكيل علشان اعمل فرش جلد ولكن قال 450 جنيه ولكن مثله تماما تكلف 300 بره بتركيبه وتمام وطقم الابنوس الى مثل السوبر صالون هركبه انشالله ب450 جنيه بالضريبة والتركيب. واخيرا تم الاستلام الحمد لله

**ابوشريف** · 26-10-2007 11:02 AM

مبارك عليك وربنا يديك خيرها ويكفيك شرها ويكفيك شر العين

وعايزك بقى يابطل تحكى كتير عنها مش الكلمتين البساط دول

انا عارف انك اكيد مشغول بيها علشان كده مكنتش بتكتب فى المنتدى

ياريت تحكيلنا عنها بالتفصيل الوافى الشافى

وشكلى انا بناءا على كلامك عنها قربت استقر عليها خلاص

لكن عايز اعرف هل الصالون ورا ضيق زى ما بيقولو ؟؟

وعايز اعرف هل هى ضخمه قوى بالفعل ؟؟( خايف ما تدخلش الجراج عندى )

ومقاس الكاوتش 14 ولا 15 ؟؟ (ياريت يكون 15 )

والارتفاع عن الارض هل مساو للانسر ولا اعلى ؟؟ ( ياريت تكون اعلى )

وأخيرا عايز اعرف ثمنها بالضبط ؟؟؟

بيقولو انها هتزيد فكنت عايز اسأل لو انا حجزت على السعر الحالى وزادت هل تطبق الزياده عليا عند الاستلام ؟؟

معلش انا عارف انى طولت عليك لكنى فعلا كنت منتظرك تستلم بفارغ الصبر علشان تحكى لنا عنها

ومره اخرى اقولك مبارك عليك

أخوك أشرف