الموضوع: التوكيلات

المشاركة الأصلية كتبت بواسطة m_s_h_a

بصوا يا جماعه الرابط ده فيه اخوانا بتوع شيفروليه شوفوا عندهم كم مشاكل قد ايه فى العربيه والناس بتعانى من التوكيل قد ايه وعيوب الافيو قد ايه وبالرغم من كده تسمع ان العربيه بتبيع والفورد تقيله واللى يقولك اجيب افيو ويقولك اى افيو تو دى مش حاجه تجنhttp://www.nilemotors.net/Nile/showthread.php?t=79153

انا معايا فورد اسكورت

المشكلة الرئسية انك ممكن تدور على قطع الغيار متلقيش جو التوكيل او برة التوكيل والورش اللى برة التوكيل لما بيفتح كبوت الفورد عشان يشوف العيب فين بتحس انة بيتوة شوية عما بيفهم الدنيا ماشية ازاى
بس الشيفرولية لو زهق من التوكيل هيلاقى برة الصنيعية وقطع الغيار اللى بيدور عليها

يا باشا انت لو دورت ورا اي عربية بياعة حسب منطق السوق المصرى لازم تلاقيها عربية زبالة و مينفعش تتركب
انا كان معايا الملكة بتاعت البيع الـ128 بجد كان كل شهر بصرف على العربية ديه اكتر من 500 جنيه و طبعا ده غير كرامتك الي بيتمسح بيها الارض
و وقت شغلك الي بيضيع دمك الي بيتحرق و تجيب القطعة جديدة و تطلع بايزة او تشتغل يومين 48 ساعة و شكرا و طبعا تمنها بالشفا
الهيونداي اكسنت مع خالي مو 2006 تصور انه مغير ليها شكمان كامل و مش عارف ايه في العفشة و ده غير فراملها الي مش عاوزة تتظبط من فترة
الفورد انا اخدتها من واحد بعد عشر سنين استعمال شكمان الفبريكة و العفشة لما غيرتها الباشا الميكانيكي عباهالي في كيس و قالي ديه عفشة الفبريكة حرام ترميها
و تقولي افيو و لانوس يا عم بلا هم و عبط احنا بجد شعب مينفعش معاه غير الزبالة نيجي في ايد القرد و نشم بجد لو احنا بنفهم كان عربيات زي الصيني الي مالية البلد ديه صدت في المينا مش اعدين بنشتريها بالحجز زي الشطار

انا قريت الموضوع ده على كدة فكرى جروب ناقص يركبوا جناحات دول ملايكة هههههههه
يعني انت عاوز تفهمني اني لو اشتريت اوبل من منصور و دفعت 150 الف جنيه ممكن يعاملوني المعاملة ديه
انا بجد ممكن يحصلي حاجة

المشاركة الأصلية كتبت بواسطة midnightman_74

انا معايا فورد اسكورت

المشكلة الرئسية انك ممكن تدور على قطع الغيار متلقيش جو التوكيل او برة التوكيل والورش اللى برة التوكيل لما بيفتح كبوت الفورد عشان يشوف العيب فين بتحس انة بيتوة شوية عما بيفهم الدنيا ماشية ازاى
بس الشيفرولية لو زهق من التوكيل هيلاقى برة الصنيعية وقطع الغيار اللى بيدور عليها

لا انت كدة المشكلة مش في الفورد المشكلة في حضرتك فيه كذا ميكانيكى متخصصين فورد و كذا واحد بيبيعوا حاجة الفورد و متوفرة جدا و عن الاسكورت حاجتها نسبيا معقولة
و عموما بتاع الشيفورليه طبعا هايلاقي برة بس لما تيجي تقارن مع منصور يبقي نقارن بالاوبل الي هيا برده لو مش متخصص فيها لازم يعد يتوه لحد ما يفهم و ان فهم

المشاركة الأصلية كتبت بواسطة ayabooy

لا انت كدة المشكلة مش في الفورد المشكلة في حضرتك فيه كذا ميكانيكى متخصصين فورد و كذا واحد بيبيعوا حاجة الفورد و متوفرة جدا و عن الاسكورت حاجتها نسبيا معقولة
و عموما بتاع الشيفورليه طبعا هايلاقي برة بس لما تيجي تقارن مع منصور يبقي نقارن بالاوبل الي هيا برده لو مش متخصص فيها لازم يعد يتوه لحد ما يفهم و ان فهم

انا مقلتش ان فية مشكلة فى الفورد بالعكس دى عربية معايا بقالها 5 سنين والحمد الله معملتش معايا دقة نقص

شوف حضرتك بتقول (كذا ميكانيكى متخصصين فورد و كذا واحد بيبيعوا حاجة الفورد )

قارن النسبة مابين كذا ميكانيكى للفورد وكام ميكانيكى للمودليات التانية هتلاقى فرق كبير

هى دى الفكرة بس

دخل معاك نسبة العربيات الفورد و نسبة اعطالها هاتجد ان العدد بتاع الميكانيكية كافي
موضوع محلات قطع الغيار قليل للفورد بس و الحمد لله قليل اوي لما تلاقي عندهم حاجات مضروبة