اخيرا اشتريت التمبرا اللي نفسي فيها ... ادخلوا احكيلكوا

**muhmado_furp** · 14-06-2009 09:48 PM

ألف مبروك علي التمبرا
سعرها كويس
بس هتتعب شويه في الاول تظبيط
وهتصرفلك الفين تلاته وهترتاح بعد كده ان شاء الله
بالتوفيق

**m2010** · 16-06-2009 12:16 AM

الف مبروك تعالى عندى اسكندرية اقدم لك كل الى تحتاجه فى قطع الغيار الااستعمال باقل الاسعار0120564842
لعربيتك

**Bonanza** · 18-06-2009 09:24 AM

الف شكر لكل الي رد عليا و الله يبارك فيكم جميعا

بصراحة انتوا اللي شجعتوني اني اشتري التمبرا

و اسف علي تأخير الرد كنت مسحول في المرو بخلص ورقها

المشاركة الأصلية كتبت بواسطة galilio_mad

التكييف عايز صيانة وشحن او تغيير كومبريسور ,

حاول تفك الصدامات ورا و قدام و شوف تحتها فى شغل ولا لأ ( طالما راكب بمسامير يبقى واخد كام ترييحة على خبطة )

ان شاء الله هاروح لبتاع تكييف كويس يبصلي علية , و موضوع فك الصدامات ده مش مهم عندي دلوقتي طالما شكلها مش باين يبقي اظبطها بعدين , اكيد هي واخده كام خبطة ز

المشاركة الأصلية كتبت بواسطة mikology

الكاوتش بيتباع طقم من عزبه شلبى - انا هنزل اشتريه النهارده
ولتانى مره الف مبروك يا معلم واهلا بيك فى الرابطه

الله يبارك فيك يا معلم ,, ها قولي جبت كاوتش الابواب ولا لأ و بكام ؟

المشاركة الأصلية كتبت بواسطة mezo73

انما انا دائما بدقق علي التفاصيل الصغيرة زي كاوتش الابواب و(سوك) العربية من برة وفروقات الابواب وفرش العربية والارضيات والشنطة وضفيرة الكهربة مايكونش ملعوب فيها وطبعا اساسيات العربية متكونش مخبوطة وماتكونش رشة دواخل
لان الحاجات دي لا يمكن تعويضها وممكن تقرف الواحد بعد كدة
انما العفشة والموتور دي تعتبر مستهلكات وممكن تعويضها بسهولة

لا الحمد لله اساسيات العربية زي الفل بشهادة السمكري ، بس ليا سؤال ، ايه هي ( سوك العربية ) دي ؟

المشاركة الأصلية كتبت بواسطة abdelmessih67

الحمد لله يا باشا بقيت تمبراوي و الفضل ليكوا بعد ربنا

ان شاء الله هاروح اشيك علي كبس الموتور يوم الجمعة

**Bonanza** · 18-06-2009 09:37 AM

المشاركة الأصلية كتبت بواسطة eculine

الف مبروك يا باشا ربنا يديك خيره و يكفيك شرها و عموما الحاجات دي أمر طبيعي في أي عربيه إستعمال لأكثر من 10 أعوام أهم حاجه تروح تغير السيور ( دينامو و تقسيمه ) و الفلاتر ( بنزين و زيت و هواء ) و طبعا تغير زيت و تتمم علي زيت الباكم و زيت الجيربوكس , و باقي الحاجات إعملها واحده واحده كل فتره حاجه .

الله يبارك فيك يا باشا

ناوي ان شاء الله اغير كل دول بس ايه هي التقسيمة دي ؟؟

لو حد يعرف اسعار الحاجات دي يقولي منين و بكام و صناعتة ايه احسن حاجة لو سمحتوا

1- فلتر بنزين
2- فلتر هواء
3- فلتر زيت
4- سير كاتينة
5- جوز مساعدين امامي
6- جوز سوستة امامي
7- مقصات امامي
8- وش فانوس اشارة امامي
9- احسن نوع زيت احطه للعربية

**ZALABANY** · 18-06-2009 10:06 AM

المشاركة الأصلية كتبت بواسطة Bonanza

الله يبارك فيك يا باشا

ناوي ان شاء الله اغير كل دول بس ايه هي التقسيمة دي ؟؟

لو حد يعرف اسعار الحاجات دي يقولي منين و بكام و صناعتة ايه احسن حاجة لو سمحتوا

1- فلتر بنزين : 5 جنيه
2- فلتر هواء : 20 تقريبا
3- فلتر زيت : 14 جنيه
4- سير كاتينة : 35 جنيه ايطالي
5- جوز مساعدين امامي : 400 ايطالي 350 اسباني
6- جوز سوستة امامي : مش عارف
7- مقصات امامي : 400 جنيه ايطالي 350 تركي تقريبا بس هات الإيطالي
8- وش فانوس اشارة امامي : فانوس الإشاره بحوالي 50 الوش مش عارف بكام
9- احسن نوع زيت احطه للعربية : الزيت بأه جاليليو كان بيقول bp كويس بس عامة انا بحط موبيل او شل

**abdelmessih67** · 18-06-2009 10:26 AM

الف مبرو مرة ثانية يا أخ بونانزا

سأضيف بعض الاسعار على كلام الاخ زلباني

فلتر الهواء نوعان المصري ب 20 أو 25 , التركي بحوالي 40 جنيه .

وش فانوس الاشارة ب 15 جنيه , في الاهرام بس تشطيبه سئ و في نوع ثاني مش فاكر اسمه لكن لقيته عند يوسف
و كان تشطيبه أحسن بكثير من الاهرام و بنفس السعر 15 جنيه .

أما الزيتفانواع حسب استهلاكك و سيرك بالعربية في شل الاصفر بيتغير كل 3000 كيلو و في شل الاحمر 5000 و موبيل 1 كل 10000
أنا بأحط اسو بيتغير كل 1500 كيلو ب 65 جنيه ال 4 لتر لاني بمشي بالعربية حاجة بسيطة و ال 1500 كيلو دول بجيبهم في يمكن 6 شهور أو أكثر .

**Bonanza** · 18-06-2009 10:33 AM

المشاركة الأصلية كتبت بواسطة eculine

الف مبروك يا باشا ربنا يديك خيره و يكفيك شرها و عموما الحاجات دي أمر طبيعي في أي عربيه إستعمال لأكثر من 10 أعوام أهم حاجه تروح تغير السيور ( دينامو و تقسيمه ) و الفلاتر ( بنزين و زيت و هواء ) و طبعا تغير زيت و تتمم علي زيت الباكم و زيت الجيربوكس , و باقي الحاجات إعملها واحده واحده كل فتره حاجه .

المشاركة الأصلية كتبت بواسطة zalabany2007

1- فلتر بنزين : 5 جنيه
2- فلتر هواء : 20 تقريبا
3- فلتر زيت : 14 جنيه
4- سير كاتينة : 35 جنيه ايطالي
5- جوز مساعدين امامي : 400 ايطالي 350 اسباني
6- جوز سوستة امامي : مش عارف
7- مقصات امامي : 400 جنيه ايطالي 350 تركي تقريبا بس هات الإيطالي
8- وش فانوس اشارة امامي : فانوس الإشاره بحوالي 50 الوش مش عارف بكام
9- احسن نوع زيت احطه للعربية : الزيت بأه جاليليو كان بيقول bp كويس بس عامة انا بحط موبيل او شل

شكرا يا زلباني باشا علي سرعة ردك

مقولتيليش الحاجات دي منين ؟؟

المساعسين اللي ب 400 ده سعر الجوز ولا سعر المساعد الواحد ؟ و المقصات بردو ده سعر الجوز ولا الواحد ؟

**ZALABANY** · 18-06-2009 12:10 PM

المشاركة الأصلية كتبت بواسطة bonanza

شكرا يا زلباني باشا علي سرعة ردك

مقولتيليش الحاجات دي منين ؟؟

المساعسين اللي ب 400 ده سعر الجوز ولا سعر المساعد الواحد ؟ و المقصات بردو ده سعر الجوز ولا الواحد ؟

المساعدين سعر الجوز عند محمد يوسف في فيصل أمام شارع العريش وليهم فرع في الدقي علي مينك بعد الكوبري وانت رايح على التحرير
وعندك الكيلاني طبعا اسأل عنده في شارع شمبليون أحيانا بيكون أرخص من يوسف في حاجات وعفت المواردي في محطة حسن محمد فيصل والمقصات سعر الجوز برده أنا جبت المقصات من يوسف الإيطالي ب 400 هو أغلى من غيره بس بصراحه حاجته كويسه
أه بالمناسبه المساعدين الخلفي أرخص من الأمامي حوالي 50 جنيه

**galilio_mad** · 18-06-2009 03:41 PM

فلتر البنزين العادى اللى ب 5 جنيه , الفلتر النحاس اللى فى التمبرا الكربراتير تقريبا فى حدود 250-300 و بيقعد سنين
و الفلتر الاسود اللى بيبقى ورا بعد التنك فى الانجكشن كنت جايبه ب 65

فلتر الهوا من 20-60 حسب النوع والمقاس ( مصرى و تركى و ايطالى و سوق اوروبيه )

فلتر الزيت ب 20 سوق اوروبية ( تكنوكار )

مساعدين امامى سمعت من 300 - 550 و الخلفى 250 - 400 حسب النوع و الانتاج , انا جبت للحاج جوز امامى Delphi بولندى ب 350 و كويسين جدا و هما غاز بس , دورت على زيت او غاز/زيت ما لقتش

سير الكاتينة , انا كنت شارى الاصلى بعلبة الشركة و كان ب 120 و معرفش العادى بكام

السوست كنت سألت عليهم من سنة كده و كانوا ايطالى ب 300 و قالى لو عايزهم انزلك شوية

المقصات , كنت جايب جوز تركى ب 320 و زى الزفت و تقريبا التركى كله كده ,بعد 5 شهور البيضة بوشت و الكاوتش نشف و اتقطع ,
دور على حاجة احسن من التركى

مفيش وش اشارة لوحده و الفانوس ب 40-50 فى الحدود دى

الزيوت , شل اصفر و ازرق و توتال 3000,5000 و 3000 Bp من محطات كار جاز ( ده اللى انا مجربه عندى و عند الحاج و المعارف ممكن تكون فى حاجة تانيه احسن )