حصر مشاكل الدايو: استهلاك البنزين. (مشاكل-اسباب-حلول). والموضوع مفتوح للمناقشة.

**محمود نجيب** · 19-06-2009 02:49 PM

المشاركة الأصلية كتبت بواسطة SE_coralsea

طبعا بدون تكييف ؟؟

أنا عندي معدل الاستهلاك تقريبا ثابت من ساعة ما اشتريت العربية (2006 - 60000 كم)
بيتراوح مابين (12.5 - 15.5) كم / لتر (بنزين 92)

كل اللي بأعمله من صيانات كالاتي:
- تنظيف فلتر الهواء كل 3000 كم و تغييره كل 10000 كم
- تنظيف فلتر البنزين كل 3000 كم و تغييره كل 10000 كم
- تغيير فلتر الزيت كل 10000 كم و تغيير الزيت من 3500 كم الي 5000 كم
- تفويل التنك قبل أن يصل المؤشر الي علامة الربع الاخير
- عدم تفويل بنزين من اي محطة و التعامل مع محطات محددة و ثقة (الا للضرورة)
- عقب كل تفويلة يجب أن ارفع ال rpm الي اكثر من 4000 لفة/دقيقة حتي لو علي الثالث للتنظيف الذاتي للرشاشات و زيادة ضغط العادم و تنظيف ماسورة العادم

هذه هي الاجراءات التي أتبعها بخلاف الصيانات الدورية المنتظمة للمحافظة علي كفائة المحرك و ضمان ثبات معدلات الاستهلاك

كيف تقوم بـــ : تنظيف فلتر البنزين ؟ و هل ذلك ذو جدوي ؟
هل رفع ال rpm الي اكثر من 4000 لفة/دقيقة اجراء سليم يؤدي فعلا للتنظيف الذاتي للرشاشات و زيادة ضغط العادم و تنظيف ماسورة العادم ؟؟
يا ريت رأي باقي الأعضاء

**Sameh** · 19-06-2009 03:37 PM

إضافتى لإستهلاك البنزين فى النوبيرا لاحظت الآتى :
مقاس الهواء لما يكون قليل مقابل لما يكون مظبوط
التفويلة بتفرق 100 كم ، يعنى حوالى 30 كم فى الصفيحة لصالح مقاس الهوا المظبوط

**Samir Elshahawy** · 19-06-2009 04:44 PM

المشاركة الأصلية كتبت بواسطة mahmooodnageeeb

كيف تقوم بـــ : تنظيف فلتر البنزين ؟ و هل ذلك ذو جدوي ؟
هل رفع ال rpm الي اكثر من 4000 لفة/دقيقة اجراء سليم يؤدي فعلا للتنظيف الذاتي للرشاشات و زيادة ضغط العادم و تنظيف ماسورة العادم ؟؟
يا ريت رأي باقي الأعضاء

- تنظيف فلتر البنزين يتم بأستخدام الهواء بضغط خفيف بشكل عكسي لسريان البنزين فلو فيه أي شوائب عالقة ممكن تخرج , طبعا مش هانقول بينظف بنسبة 100% و لكن بيتم رفع كفائته الي ان يحين موعد تغييره

- رفع عدد اللفات أو زيادة الحمل علي الموتور لأكثر من 70 % (يفضل 80 الي 85)% يزيل أي رواسب كربونية متجمعة بماسورة العادم نتيجة زيادة ضغط العادم في هذه الحالة كما انه يزيد من معدل فتح الرشاشات (ضغط فتح الرشاش ثابت) مع زيادة الحرارة داخل غرفة الاحتراق مما يؤدي الي أحتراق أي رواسب كربونية متجمعة علي وش المكبس أو بالقرب من فواني الرشاشات نتيجة الاحتراق الغير كامل علي الاحمال الجزئية (أقل من 60% من الحمل الكامل) و هو مايحدث داخل المدن بسبب الزحام و التوقفات بالاشارات

**Sameh** · 22-06-2009 11:52 AM

فيه كمان أسباب ميكانيكية هتفرق والفرق حسب الحالة
زى تآكل إسطوانة الدبرياج مثلاً = فقد فى الطاقة = إستهلاك بنزين أكتر
تآكل الشنابر = فقد فى الطاقة = إستهلاك أكتر

**elhathoti** · 05-07-2009 02:47 AM

مشاركتى انا لسه جديد على عالم السيارات وعندى لانوس 2000 موديل1 مشكلتى انى مش عارف احسب استهلاك بنزين العربيه بالظبط .....بجد مش عارف اقرا العداد مولت النهارده 17 لتر ونصف بنزين 80 وحسبت العداد لقيت انى انا مشيت 1000 ك ايوه الف كيلو وطبعا ده كلام مش مظبوط خالص فمش عارف العداد مخرف ولا انا الى مش عارف ولعلمكم العربيه عدادها قارى 46244 كيلو طبعا ده كلام كمان مش معقول لان العربيه موديل 2000 فمش معقول تكون عملت مايقرب من 50 الف كيلو بس وبعدين العربيه مشتريها شقيانه وتعبانه وعملتلها عمره فياريت حد يدلنى على الطريقه الصح علشان احسب البنزين والاستهلاك ......

**shesho** · 07-07-2009 11:19 AM

انا كنت شارى نوبيرا 2001 اتوماتيك من شهر حاسيت ان استهلاك البنيزين عالى ( 60 لتر -حوالى 300 ) من غير تكييف ( بشغل التكييف بسيط ) وبعدين سئلت هنا فى المنتدى قالو الاستهلاك عالى - روحت مركز الصفا وكشف على الحساسات كلها والرشاشات قالى كلة تمام ( غيرت فلتر الهواء- البوجيهات )- وبعدين لقيت الاستهلاك عالى برضة - روحت رايح توكيل ابوغالى عشان اكشف على السيارة كلها - لاقيت مشاكل كتييييير واهمها - وحوب تغيير الرادايتر وجوانات وخراطيم التبريد - حاجات تانية -روحت الى ميكانيكى شغال فى التوكيل فاتح ورشة فى المعادى عمل الليلة دى ويعنى حاسيت ان العربية اتظبطت شوية وبعدين فولت ( 50 لتر ) وهى دلوقت عاملة 370 ك ( بشغل التكييف بسيط مش طول الوقت ) وفاضل حوالى 15 لتر فى السيارة لسة - يا ترى الاتسهلاك كدة مظبوط ولا لا ياريت حد يريحنى باجابة قاطعة -اسف جدا على الاطالة وشكرا

**hanymoharem** · 16-07-2009 09:35 PM

انا عندى مشكلة رهيبة فى البنزين ولم اجد لها حل منذ سنتين وهو تاريخ شرائها حتى الان
عربيتى لانوس 2 موديل 2000 كاملة اوتوماتيك عملة 130000كيلو العربية جميلة وليس بيها اى مشكلة بستثناء مشكلة البنزين
روحت بيها على ثلاثة توكيلات دايو النتيجة العربية زى الفل دوخت بيها على الميكانيكية
اشتغالات زى متحب غيرت كل حاجة جميع الحساسات غيرتها طقم السيرفيس كامل غيرت كل زيوت العربية بالكامل غيرت الشكمان كلة اصلى الكاويتش و الجنوط العفشة كاملة
كل حاجة و اللة صارف عشرة الالف جنية عليها و لاحياة لمن تنادى
واخيرا فوضت امرى الى الله
العربية جو البلد فى الزحمة بتعمل فى الصفيحة 110 كيلو متر و برة البلد 140 كيلو متر تقريبا
الله معى عليها و يقدرنى على بيعها

**ah-gawad** · 16-07-2009 10:34 PM

انا عندي استهلاك البنزين زاد مرة واحدة و بعد ما حطيت العربية علي الاسكانر غيرت الرشاشات برشاشات هيونداي و كمان حساس العادم الموضوع الحمد لله بأه زي الفل

**khalid9411** · 17-07-2009 04:12 AM

متابع معكم

**elhathoti** · 29-07-2009 09:49 PM

سلام عليكم
استهلاك البنزين عندى 150كيلو فى الصفيحه وبالتكيف 100 كيلو فى الصفيحه طبعا كتير سئلت الميكانيكى قالى غير الرشاشات وانا مش مقتنع لان الرشاشات اعتقد انها مش السبب لان مافيش دخنه سوداء والعربيه بتدور من اول تكه
بس افتكر ممكن يكون حساس الشكمان هحطها على الاسكنر وهشوف وهقولكم