لو اتصلت ب منصور هتلاقى اكتر من كدا
لو اتصلت ب منصور هتلاقى اكتر من كدا
ده كده بقى اسمه عز الجرب
للآسف فعلا أغلب الشركات اللي بتتعامل في العربيات إن كانت وكيل أو موزع بيشتركوا في نقطة مهمة و هي الجهل بالمنتج اللي بيبيعوه و للآسف معلوماتهم فيه بتكون ضعيف و مضللة .
و ده سائد في أغلب الشركات الخاصة بالسيارات في مصر .
و أدي توكيل من أكبر التوكيلات في مصر و مش عارف كمان أن فيه موديل بأسم معين ؟؟
تنتظر منه أيه ؟؟؟؟؟؟؟؟
لاءة و المصيبة أنه ممكن يطلعك غلط و يقولك مفيش موديل أسمه كذا !!!!!!!!
بصراحة أنا في مصر لما بكون عايز أشتري حاجة بأدور على المعلومات بنفسي و بعدين بيكون دور البياع هو اتمام البيع فقط .... و ليس لأقناعي بالمنتج أو أجابة أي سؤال ... لأني مش بسألهم عن أي فنيات .
و العفو ..... و أحنا نتشرف في بروتون بأنضمامك معانا في القسم كمالك للجين 2 .
و ربنا يوفقك في أي سيارة تختارها إن شاء الله
اعتقد ان الفرق بين عز العرب و البافارية ان البافارية متفقين مع كوول سنتر out source وعشان كدا بيردو كويس وغالبا مفيش عندهم اصلا تيست درايف بس اي كوول سنتر بيبقى مهمته ميزعلش العميل ويثبته بينما عمو عز الله يصلح حاله مستخسر اصلا يعمل رقم مختصر و يتفق مع كوول سنتر عشان يرد على الناس و مخلي الدنيا ماشية حلواني و الغريب انها ماشية معاه رغم كل العك ده
للاسف ده مش صحيح انا كلمتهم تاني انهاردة علشان اتاكد من المواعيد و الرقم الي انا كلمته هو هو الي رد عليا واحد من خدمة العملاء بفرع الاوتوتسراد الجديد مش call center
و اتاكدت بنفسي امبارح عديت من جنبه لقيت 3-4 سيارات frv مكتوب عليهم من الجنب test drive و في جالينا و سبلندور كمان و bmw الفئة الاولى و كلهم مكتوب عليهم test drive من الجنب .
لا انتا مش بتظلم حد يا باشمهندس , انتا من حقك كعميل بتفكر تشترى العربيه انك لما تتصل بالتوكيل تلاقى موظف بيرد على استفساراتك و فى اسرع وقت ممكن ... مش تقعد تتنقل على التلفونات اكتر من 10 دقايق انتا مش بتكلم مجمع التحرير , " انا نفسى كان بيحصل معايا المواقف ديه زمان لما كنت بتصل علاشان اسأل عن حاجه " و بطلت اكلمهم فى التلفون و لو عاوز حاجه بروح التوكيل مباشرتا و اسأل عليها . " عرفت السكه بمعنى اصح " .
بس زى ماوضحت ياكريم ده حال كتير من التوكيلات و الشركات عموما فى مصر ...... حد سمع عن شركه نايل اون لاين الى اشترتها اتصالات مصر و سرحو نص العماله فيها و النص التانى ونزلو التايتل بتاعهم و خفضو مرتابتهم ....لانهم شغالين بالبركه !!!!
باشمهندس مؤمن اهلا بيك يا باشا انتا واحشنى اكتر والله
انا متفق معاك فى كلامك و مشاركتى مكانتش انى بقول الوضع الحالى ممتاز ... او حتى جيد بالعكس , و انا لو مكان باشمهندس كريم مش حشترى بروتون و حشترى ال FRV و حقه الصراحه .
بس انا لما قولت ان التوكيل اتحسن فعلا كان من واقع ملموس و كام تجربه فى الفتره الاخيره .... حد شاف توكيل بروتون 2005 كان ازاىhttp://www.nilemotors.net/Nile/images/icons/icon10.gifhttp://www.nilemotors.net/Nile/images/icons/icon10.gif ؟ ... كنا بنقف بره على الطريق الصحراوى من الساعه 6 الصبح " و ساعات كان بيبقى فى ناس واقفه كمان من قبل كده " و كان مهندس استقبال واحد هو الى بيجى و يستلم العربيات و مكانش فى استراحه اساسيه لبروتون , و النقص فى قطع الغيار " الى موجود لحد انهارده " كل ديه مشاكل كانت موجوده بعضها اتحل جزئيا و لكن ده مش كفايه لان لسه فى عدم توافر لبعض قطع الغيار و لسه اسعارها مرتفعه جدا بالمقارنه بباقى التوكيلات و لسه المركز الجديد ماشتغلش و لسه مافيش شو روم محترم ل ماركه بروتون و مشاكل تانيه .
بس دلوقتى بالمقارنه ب 4 سنين فاتو احسن بكتير ديه حقيقه فعلا , لكن للاسف لسه بعيد عن المستوى المطلوب خصوصا مع زياده مبيعات الجين 2 .
*نقطه تانيه مهمه ماينفعش يبقى كل الحلول للمشاكل تبقى متوقفه على المهندس امر او على افراد بعينهم ... هم فعلا ناس محترمين و ومش بيتأخرو عن حل مشكله لحد ... بس بالتأكيد ماينفعش يبقى فرد واحد عليه كل الحمل ...لانه حتى لو عرف يرضى 100 مش حيعرف يرضى 1000 بطبيعه الحال لازم من الاساس يبقى فى نظام ادارى و استعداد من صاحب التوكيل لتحسين مستوى الخدمه علاشان من الاساس الناس متروحش عند م- امر الى فى المواضيع الى فيها مشاكل كبيره ....
فى الاخر النقد الى احنا بنقوله عباره عن Feedback للتوكيل و الغرض من النقد ان الناس هناك تاخد بيه و يحسنو خدماتهم .... مافيش حد عاوز التوكيل يقفل بالعكس احنا عاوزينه ينجح و يكبر و يهتم بالعملاء اكتر لان المصلحه واحده .
تحياتى ليك اخى العزيز مؤمن و ان شاء الله نشوفك فى مقابله البروتوناويه قريبا .
طبعاً كلامك 10/10 و اتفق معاك جداً فيه خصوصاً في النقطه الخاصه ان مش ممكن شخص واحد او مهندس واحد حيرضي جميع الاطراف في حل المشاكل
بس الفكره ممكن اعرف هما مستنين ايه و ايه التباطئ ده ........
نفسي في مبرر واحد ممكن يخلي الناس دي متأخره في التطوير من اجل مصلحه العميل
و ان شاء الله اشوفك علي خير قريباً
و تقبل تحياتي