الكريستالة ولا المكواة

**bear20** · 28-07-2010 08:05 PM

السلام عليكم اخوانى الاعضاء
انا كنت عاوز اسال سوءال محيرنى باالوا كتير انا عاوز اشترى عربية لانسر بس انا محتار ما بين الكريستالة والمكواة ولما دخلت هنا فى المنتدى و لاقيت الاعضاء متعاونين و كلهم بيسعدوا بعض فا انا قرات حاجات هنا فى المنتدى عن الكريستالة و المكواة فباقيت حيران اكتر بس ياريت اللى هيجاوب على السوءال دا يعرف انى عاوز سيارة قوية و سريعة يعنى سحبها كويس و اقتصادية فى البنزين و الاهم و اهم قطع الغيار تكون متوفرة و بسعر مناسب و ياريت مقارنة وافية بين الكريستالة و المكواة فى قطع الغيار و السحب والحاجات التانية زى الوسع والستحمال وغيرها لان انا خلاص ناوى اشترى فى الفترة دى بس ياريت حد يرسينى

وشكرا مقدما على الردود بس ياريت السرعة فى الرد قبل ما الفلوس اللى معايا تتصرف

**Haitham10** · 28-07-2010 09:04 PM

المكواة موديل اعلي من الكريستاله .. اوسع صالون اعلي عن الارض اقوي في الموتور بفارق بسيط لكن قطع غيارها اغلي
الكريستاله اقدم .. اضيق صالون اوطي على الارض قطع غيارها سهله رخيصه الباور اتقل ثابته اكتر في السرعات العاليه 140 فيما فوق

دى ببساطة الفروق بينهم ولو الفرق فلوس يبقي اشتري المكواة لان الفرق مش مستاهل هيكون في حدود 5 ل8 الالاف تقريبا بين الاتنين
انا جربت الاتنين والاتنين ممتازين بس المكواة افضل لو في ماديات تسمح والاتنين موفرين في البنزين مكن 1300

**adelmof40** · 28-07-2010 09:14 PM

هو اخر انتاج الكريستاله سنه كام

**bear20** · 28-07-2010 10:06 PM

2001 اخر انتاج الكريستالة او 2000 تقريبا و اهل الخبرة يفيدوك اكتر

**mr_vampire** · 28-07-2010 11:19 PM

الكرستالة اخرها 2000 لان المكوة اولها 2001. ومتهيالي تاخد بكلام هيثم لانه كان معاه كريستالة ولسة مغير لمكوة قريب. وفعلا فرق السعر مش كتير بس اركب شكل احدث واوسع وامكانيات اكتر واعلي عن الارض.

**Haitham10** · 29-07-2010 04:21 AM

انا بقول لو علي الفلوس .... معاك 60 يبقي هات مكواة معاك 50 يبقي هات كريستاله عشان متحيرش نفسك
بس لو عربيه عائليه وهيركبوا معاك او كده يبقي لازم مكواة لان الكريستاله واطية جدا
لو شباب ومش فارقه يبقي هات كريستاله والاتنين حمالة آسية عموما ً

**zoro007** · 29-07-2010 09:37 AM

بالنسبه للمميزات بالتأكيد ننصحك فى المكوه الا فى حاله واحده لو ميزانيتك من حيث الفلوس لا تسمح

لان بخصوص المتانه والاداء بشكل عام الاتنين كويسين بتفرق فى مستوى الرفاهيه والشكل ومعاصرة الشكل الحديث فى صالح المكوه

دا المختصر المفيد

**bear20** · 29-07-2010 12:24 PM

تمام تمام شكرا ليكوا يا رجالة بس انا عاوز اسأل على حاجة هى الكريستالة لو العائلةمعايا يعنى و معنى شنط و مسافرين الكرستالة مش هاتمشى ولا اية ؟

**bear20** · 29-07-2010 12:26 PM

و هل المكواة اى ميكانيكى يشتغل فيها زى الكريستالة ولا اية؟

وفى كمان سوءال هى المكواة كربيراتير ولا انجكشن؟

**zoro007** · 29-07-2010 01:42 PM

تمام تمام شكرا ليكوا يا رجالة بس انا عاوز اسأل على حاجة هى الكريستالة لو العائلةمعايا يعنى و معنى شنط و مسافرين الكرستالة مش هاتمشى ولا اية ؟

اكيد هتمشى ياباشا هوه فيه عربيه مش بتمشى لكن واطيه يعنى هتحك فى المطبات على الارض كتيير

و هل المكواة اى ميكانيكى يشتغل فيها زى الكريستالة ولا اية؟

وفى كمان سوءال هى المكواة كربيراتير ولا انجكشن؟

ايوه طبعا اى مكانيكى يشتغل فيها عادى ويشتغل فى البومه وكل اللانسر بسهوله لانها شبه محفوظه اللانسر عربية الشعب

والمكوه كربيراتير مش انجكشن

الموضوع: الكريستالة ولا المكواة

LinkBack

أدوات الموضوع

عرض

-

-

-

-

المواضيع المتشابهه

تعديل في المكواة ل 1600

المكواة وبنزين 80

* الكرسيتالة * vs * المكواة *

سؤال عن المكواة

الكلمات الدلالية لهذا الموضوع

المفضلات

المفضلات

ضوابط المشاركة