اقتباس المشاركة الأصلية كتبت بواسطة hacker5 مشاهدة المشاركة
يا جماعة
حكاية ان الوكيل يطلب عربية بخامات معينة دى استحالة
احنا بتكلم فى عربية مش فوانيس رمضان ولا لعب اطفال و لا اجهزة الكترونية
دى عربية
استحالة الوكيل يقول مثلا انا عايز عربية خاماتها متوسطة
لا طبعا
الوكيل ممكن يطلب موصفات خاصة
مثلا يقول انا عايز عربية من غير ايرباج و abs و ebd
عايز عربية من غير زجاج كهربائى خلفى
عايز عربية ... الخ
لكن مايقدرش يقولهم انا عايز خامات التابلو ه كذا و الموتور كذا
الكلام دة موجود فى حالة اى منتج تانى المستورد نفسه يطلب اعفن حاجة
لكن فى العربيات دى استحالة لان دى حاجة standard ماينفعش لا يزود ولا يقلل منها

اما عن وسائل الامان اكتر عربيات ماشية فى الشارع مفهاش امان من 128 ولادا و لانوس و فيرنا و افيو اللى ادشدشت 1000 حتة فى اختبار التصادم و محدش اتكلم لكن الكلام دة لو حصل فى عربية صينى نقول " يع دى كوخة خالص "
طب بذمتكوا فى حد استلم عربية تقفيل مصرى سواء لانوس او فيرنا و مالقاش فيها عيوب
انا عن نفسى جربت
انا مغير فى الانوس فى فترة الضمان مساعدين امامين و طنابير و اول مستلمت العربية كانت عايزة ظبط زوايا و ترصيص
مقولتش دى عربية وحشة
لكن لو حصل فى عربية الصينى الناس هاتقول ما هو طبعا هو دة الصينى
الصينى دلوقتى بقى احسن من الاول بفرق ملحوظ و اديكوا شوفتوا البريليانس frv تحفة فنية تجاد تقارب اليابانى و اعلى من الكورى اللى فى فئتها
الاسبيرانزا موديلتها اتعدلت من موديلات 2008 خالية من المشاكل و انا بنفسى جربت عربية خالى موديل 2009 زاى الفل
على فكرة انا مش بدافع عن الصينى ولا بهاجم السيارات الاخرى
الفكرة انى عايز اوضح الصورة الخاطئة اللى شايفاها الناس لانى بروح المصنع كتير عند والدى و هناك بشوف مستوردين و بحتك بيهم و منهم واحد معاه اسبيرانزا و هو مستورد من الصين و سالته قالى العربيات بالذات ماينفعش اطلب فيها خامات اقل و الدليل انى شارى عربية صينى و انا بستورد من الصين و عارف الدنيا ماشية ازاى
لكن ياريت اللى عايز يشترى يدور على ماركة كويسة و بتحسن من نفسها
chery speranza - byd - haima - brilliance و تلك الشركات متوقع لها النجاح من الصينين نفسهم و من اكتر السيارت الصينية مبيعا فى الصين byd f3
و لو حد كان معرض اتوماك كان راح شاف موديلات اسبيرانزا الجديدة m11 و m12 بجد حسيت ان الشركة عايزة تعمل لنفسها اسم
فى الاول و الاخر مافيش عربية كاملة و زاى ما فى صينى حلو و صينى وحش فى يايانى حلو و يابانى وحش

اولا بصراحه الانوس والفيرنا و الادا ارحم بكتير من العربيه الى فى الفيديو دى واكيد ده مفهوش اختلاف تماما العربيه الى فى الفيديو دى الموتور بين احضان الى بيسوق والى جنبه.
ثانيا العربيات مش 1000 حته ولا حاجه ده شىء طبيعى
ثالثا لو العربيات الى حضرتك قولت عليها بتتباع بنسبه فى الصين فشى طبيعى لئنها محلى زى الشاهين هنا عندنا بالظبط بتتباع بنسبه عاليه هى و الدايو و الهيونداى والادا وده شى طبيعى

واخيرا الصينى مش احسن لا من الروسى ولا من الكورى ولا من المصرى
واسف على الكلام ده بس بصراحه كلام حضرتك يزعل ولو فعلان كان كلامك صحيح كانت عربيه زى الى فى الفيديو دخلت دوله فى الاتحاد الاوروبى عكس مثلا لادا والهيونداى و الدايو و كيا دول موجودين من سنوات طويله وعلى فكرا انا كنت فى تركيا قريبا وشايف بعينى العربيات دى ومشوفتش صينى هناك بصراحه مش تقليل فى الصينى ولكن ردا على حضرتك

شكرا