تعليقك علي متش البرازيل

**Haitham10** · 15-06-2009 09:37 PM

ماتش في منتهى المتعة والروعة من اوله لاخره واعتقد هيكون افضل ماتش في البطولة والي شاف ماتش الافتتاح امبارح هيفهم قصدي دة انا نمت وانا قاعد ومتفرجتش علي ماتش اسبانيا للاسف

اما النهارده فعلا اللعيبه لما تبقي فايقه بتكون حاجة تانية واعتقد بالارقام والاحصائيات وكل حاجه احنا تفوقنا عليهم و(قطعناهم) وكان نفسي الماتش يخلص علي الاقل 3-3 بس الهدف الاخير ضيع الامنية عموما احنا كسبنا احترام جمهور الاستاد كله لاء والعالم كله
بثقة
ولعب
وتكتيك
ومن غير دانيل الفيس او كاكا او روبينو او باتو او لوسيو او ايلانو ولا حتي خوليو سيزار

**ams** · 15-06-2009 09:57 PM

المشكلة فى خط الدفاع و الجون

**sa3dawy** · 15-06-2009 10:33 PM

ماتش خرافى واداء مصر فوق المتوقع الحقيقة ... بس انا جالى احباط من ضربة الجزاء بس

**Dr.Mohamed** · 15-06-2009 10:42 PM

والله انا من الشوط الاول وقلت احمد فتحى ينزل نص الملعب و ينزل المحمدى مكان احمد حسن
و احمد عيد بعد كده ينزل بدل شوقى مش حسنى
المنتخب يا جماعه جامد عندنا اتنين لاعيبه واحد اسمه بركات وواحد اسمه ابوتريكه يخلصوا اى ماتش والمفروض يلعبوا فى اكبر انديه العالم بس للاسف الفرقه مش فردين بس
احمد فتحى ممتاز واوكا رائع واحمد عيد كويس بس مش عارف ليه كان بيلعب على الواقف
يعنى لو كنا ضغطنا وركزنا شوى بعد الجون 3 كنا جبنا الرابع بس احنا رضينا بالتعادل والحمد لله على كل شىء
احمد حسن و شوقى و عبدربه و هانى سعيد لازم يتشالو وييجى بدالهم حد زى عبدالله السعيد او محمد خيرى و يشوف واحد جامد فى الدفاع واتفرجوا على المنتخب
امريكا كاسبه ايطاليا 1 فى مفاجاه وربنا يسهل الماتش الجاى
ومبروك الاداء الرائع

**MoToRiZeR** · 15-06-2009 10:56 PM

هتلاقوا علي موقع الفيفا يا جماعة تعليقات من جميع أنحاء العالم عالماتش
من برازيليين بيقولوا إنهم مندهشين من فريق مصر اللي علي حد تعبيرهم يملك لاعبين في خط الهجوم هم زيدان و أبو تريكة شكلوا قوة ضاربة أكتر من الهجوم الأرجنتيني علي البرازيل !

و من كنديين بيقولوا إن الفرعون أبو تريكة يساوي أكثر من ال 65 مليون بتوع كاكا .

و جميعهم بيقولوا إن لو منتخب مصر ده العادي بتاعه فا هو هيوصل إلي ما لم يصله فريق أفريقي من قبل .

و عرب و أفارقة بيشجعوا مصر لأنها الفريق الممثل لهم في البطولة .. دي أول بطولة تكون مش مصر بس اللي بتشجع المنتخب ولا العرب بس .. أفريقيا كلها بقت ورا مصر .

و كل ده .. بالرغم من إننا علي أرض الواقع خسرنا 3 نقط و طلعنا صفر اليدين من الماتش
و لكن من المؤكد إن العالم كله عرف إن فيه منتخب إسمه منتخب مصر بيلعب كورة و بيحط 3 أجوان في البرازيل .

أتمني المنتخب يكون أحسن و أحسن في الماتشات الجاية .
لازم فعلاَ تقروا التعليقات علي موقع الفيفا .

**Terrible_DaRsH** · 15-06-2009 11:37 PM

هههههههه و بعد كل ده منصعدش للمونديال :) :) .

**M.almaghraby** · 15-06-2009 11:51 PM

الف مبروك لمصر اللعب الجميل دا

**Dr.Mohamed** · 16-06-2009 12:42 AM

فعلا انا قريت التعليقات الناس مبهوره اوى انجليز وكنديين و عرب و برازيليين وامريكان

**TaoTao** · 16-06-2009 12:53 AM

المشاركة الأصلية كتبت بواسطة motorizer

هتلاقوا علي موقع الفيفا يا جماعة تعليقات من جميع أنحاء العالم عالماتش
من برازيليين بيقولوا إنهم مندهشين من فريق مصر اللي علي حد تعبيرهم يملك لاعبين في خط الهجوم هم زيدان و أبو تريكة شكلوا قوة ضاربة أكتر من الهجوم الأرجنتيني علي البرازيل !

و من كنديين بيقولوا إن الفرعون أبو تريكة يساوي أكثر من ال 65 مليون بتوع كاكا .

و جميعهم بيقولوا إن لو منتخب مصر ده العادي بتاعه فا هو هيوصل إلي ما لم يصله فريق أفريقي من قبل .

و عرب و أفارقة بيشجعوا مصر لأنها الفريق الممثل لهم في البطولة .. دي أول بطولة تكون مش مصر بس اللي بتشجع المنتخب ولا العرب بس .. أفريقيا كلها بقت ورا مصر .

و كل ده .. بالرغم من إننا علي أرض الواقع خسرنا 3 نقط و طلعنا صفر اليدين من الماتش
و لكن من المؤكد إن العالم كله عرف إن فيه منتخب إسمه منتخب مصر بيلعب كورة و بيحط 3 أجوان في البرازيل .

أتمني المنتخب يكون أحسن و أحسن في الماتشات الجاية .
لازم فعلاَ تقروا التعليقات علي موقع الفيفا .

شفت إخواننا الأفارقة كانوا فرحانين لمنتخبنا إزاي في الاستاد؟ بجد منظر فرحني جداً وحسسني إن "مصر" كدولة لها مكانة في قلوب الأفارقة والعرب بس للأسف لا نستغل هذه المكانة ولا نوطدها وسايبين أفريقيا لإسرائيل تنهب خيراتها وتهدد عمفنا الاستراتيجي على مزاجها

دول كلمتين كدة ع الهامش وهاتكلم ع الماتش بعدين :)

**TaoTao** · 16-06-2009 01:02 AM

التعليق ع الماتش:
- الماتش روعة والنتخب كان لازم يطرق الحديد الساخن بعد الهدف الثالث بس خيرها في غيرها.
- الهدف الثالث للبرازيل مدرسة ..عند تنفيذ الركنية مهاجمان لازقين في بعض دون السماح لمدافع بينهما، وبعدين ينفصلان والمدافعين عنددنا يتوهوا مش عارفين يجروا ورا مين .. مدرسة !!
- ارتفاع مستوى الحضري في نهاية الشوط الأول وبداية الثاني أعطى دفعة خفية للمنتخب(مع إني مش طايقه إلا إني فضلت أدعيله "ربنا ينفخ في صورتك")
- ضربة الجزاء .. قانون الفيفا يمنع الارتكان للتسجيل التليفزيوني لاحتساب القرارات .. أظن الحكم غلطان في تغيير قراره واحتساب ضربة الجزاء بناءً على الإعادة التليفزيونية بعد ماكانت كورنر للبرازيل.

ياللا خيرها في غيرها وعاوزين ندمج اللاعبين الجداد زي "رؤوف" و "عبد الملك" و "خيري"

الموضوع: تعليقك علي متش البرازيل

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

الحقونى انا اتسرقت !!!! ايه تعليقك؟؟؟

يا تري ما هو تعليقك ؟

تعليقك .......... لو سمحت

من فضلك أضف تعليقك ؟

الكلمات الدلالية لهذا الموضوع

المفضلات

المفضلات

ضوابط المشاركة