رايكم فى السمند اجيبها ولا لا

**sameh.acc** · 09-10-2007 05:38 PM

انا عايز عربية فى حدود 90-105 بالكتير اوووووووووى فى الرنج دة وتكون شبابية و تنفع عائلية وتكون ثابتة ع الارض وتستحمل الشغل الشاق وتكون قطع غيارها رخيصة مش مبالغ فيها :roll: وتكون مريحة وستايل شوية فى الصالون 8) والموتور يكون بتاعها كويس و1600 سى سى وتكون اكتر من 100 حصان بس :lol: :lol: :lol:

**ابوحميد** · 09-10-2007 06:08 PM

طيب يا سامح ما تكمل عليهم وتجيب تريوس
شبابية المظهر اوى
وواسعة من جوة يعنى تنفع عائلية وشنطتها كويسة
موتورها1500سىسى بس قوى و105حصان والمانيوال ب 110الف

**fahd_628** · 09-10-2007 06:12 PM

طيب اية رايك فى السويفت 2007 ؟

او فى الألنترا !!

**Ahmed Hassan** · 09-10-2007 06:22 PM

المشاركة الأصلية كتبت بواسطة sameh.acc

ياجماعة انا فى اخر منعطف عن شراء السمند وباخد رايكم فيها اجيبها ولا لا واية رايكم واللى يعرف عنها معلومة ياريت يقولها ولمزيد من المواصفات عنها يرجى مراجعة مواضيعى السابقة

(للعلم العرض بتاع التخفيض بتاعها من 90.000 الى 87.000 هينتهى مع انتهاء رمضان وجت معلومات انها هتغلى هتبقى ب 102.000 بس اظن مع اوبشنز اعلى علشان مش معقول مع نفس الاوبشنز ولا ممكن والله كل شىء جايز وعمار ياغبور ياللى خليت الالنترا ب 98 والاستلام بعد 3 شهور اوالاستلام الفورى اللى وصل الى 102 )

مش عارف ليه حاسس انها مش مناسبه ليك!!

طيب ما تجيب واجا!!

**شريف** · 09-10-2007 08:54 PM

مشكور يا استاذ وليد ع الصور سبقتنى هههههههه بس ليا تعقيب المواصفات اللى نازلة موقع ايران خودرو مش هى اللى نازلة فى مصر بالعكس اللى نازلة فى مصر احسن بكتييييييييييير :
# اولا الموتور : موتور بيجو 307 وانا شايفة بعينى وموديلة اتأكدت برقم الموتور من ع النت الموتور 1600 سى سى بيدى 108 حصان عند 6500 لفة بس والريد لاين عند 5600 يعنى تخيل مثلا لو وصلت بيها ل 6500 اللى هو الريد لاين ممكن تعدى 120 حصان العزم بتاعها 136 عند 4000 لفة الموتور فرنساوى مائة بالمائة والفتيس فتيس بيجو 307 كمان
# ثانيا العفشة : فرنساوى برضة مائة بالمائة ونفس عفشة بيجو 307 والعربية مبنية على شاسية ال بيجو 405 الواسع زى عربيات كتير زى البارس والراو العربية فيها anti roll bar وفيها macferson strut و فيها stabilizer bar العربية نازلة بجنوط 15" العربية فيها abs والكنترول يونيت بتاعتها هوندا s2000 اللى من السهل التعديل في برمجتها للحصول على افضل اداء
العربية نازلة ب 4 زجاج كهربا و باور وسنتر وجهاز انذار وكمبيوتر اعطال صوتى زى الميجان والعربية مابتشتغلش الا بباسوورد حتى لو كان معاك المفتاح ههههه ابقى خلى الحرامى بقى يقابلنى وكمان العربية فيها عداد مريح نفسيا للأعصاب وفيها تسجيل سى دى apline معاه 4 سماعات وتكييف فرنساوى يعنى تلاجة متنقلة والتابلوة مطعم بالأبانوس بصراحة عربية عدت فلوسها بكتير وفيها كراسى كهربا والتحكم فيها فى ارتفاعها وانخفاضها برضة والمرايات كهربا العربية اوبشنز كتييييير
اقدر اقول دية عربية بيجو 307 متنكرة فى رداء رجل حديدى متين وقطع غيارة ارخص بكتير من البيجو (بالنسبة لكل شىء عدا القطع الميكانيكية اللى من بيجو) العربية موتور بيجو 307 ,, عفشة بيجو 307,,, شاسية بيجو 405 ,,,, شكل السامند المتميز بالمتانة على فكرة انا رايح اعمل تست درايف للسوزوكى sx4 علشان هرسى بعدها على هجيب انهى السامند ولا ال sx4 ,,,,,

حضرتك بعد الكلام دة اللى انتا كاتبة مفيش حد فينا هيقدر يفيدك
انت حدد اية اللى انتا عايزة و صلى صلاة استخارة فى الايام المفترجة اللى احنا فيها

**sameh.acc** · 09-10-2007 10:53 PM

التريوس ماشاء الله حلوة بس المشكلة انها صغيرة حبتين بالنسبة لمظهر الجيب وصاحبى فعلا ناوى يشترى واحدة بس الشكل القديم مستعملة ,,,,
الواجا حلوة بس المشكلة مش شبابى خالص هما بيحاولوا يخلوها شبابى بالجنوط و الفوانيس الامامية والخلفية لكنها عايزة واحد فى ال 40-50 سنة لانها قيمة وبرستيج ,,,
السويفت صغيرة جدا mini car متنفعش عائلية وقطع الغيار غالية مش رخيصة ,,,
اما الالنترا بصراحة بعد الزيادة فى السعر حرام ادفع 98 واستنى 3 شهور او استلم ب 102 فى عربية كورى غبور بصراحة بيستهبل انا احسن بقى اشوف السوزوكى sx4 اهو منها ب 103 ويابانى و 119 حصان و ABS, EBD و اتنين ايرباج وجنوط 15 و تابلوة شيك جدا بصراحة تضرب الالنترا على عينها مشكلتها قطع الغيار برضة ,,,
اما بالنسبة يا استاذ شريف فعلا دة اللى حاسة ناحية السمند :lol: بس برضة قلقان جدا لولا كدا كان زمانى جايبها وعامل كمان صيانة ال 5000 :lol: انا مايل للسوزوكى SX4 وللسمند وبالنسبة للسعر مقابل الكماليات واعادة البيع والوسع الداخلى وانها عائلية اظن انها تكسب السمند بتتميز بموتورها انو هادى اوى فرنساوى بقى وانها ماسكة نفسها الشاسية محترم جدا والعفشة مالهاش حل انا فعلا هلحق اصلى صلاه استخارة فى الايام المباركة دية قبل ما رمضان يخلص وربنا يسهل ,,,,, شكرا جدا لجميع الاعضاء اللى حاولوا يساعدونى وربنا يكرمهم ويباركلهم

**Ahmed Hassan** · 09-10-2007 11:02 PM

انا مش عايز اقولك امبريزا علشان هتقوللي قطع الغيار غاليه :mrgreen:

**Sharky** · 09-10-2007 11:57 PM

انا احسن بقى اشوف السوزوكى sx4 اهو منها ب 103 ويابانى و 119 حصان و ABS, EBD و اتنين ايرباج وجنوط 15 و تابلوة شيك جدا بصراحة تضرب الالنترا على عينها مشكلتها قطع الغيار برضة ,,,

+1

**sameh.acc** · 10-10-2007 12:49 AM

ههههههههههه والله يا استاذ احمد حسن انا عينى هتطلع اساسا عليها ومعايا فلوسها بس المشكلة فعلا قطع الغيار يااااااه لو كانت رخيصة :roll: ,,, فعلا يا استاذ شاركى انا شكلى هجيب السوزوكى sx4 حد يعرف اية نظام اسعار قطع غيار السوزوكى او الصيانة بتاعتها وهل بتبقى متوفرة برة التوكيل ؟؟

**Ahmed Hassan** · 10-10-2007 01:03 AM

المشاركة الأصلية كتبت بواسطة sameh.acc

ههههههههههه والله يا استاذ احمد حسن انا عينى هتطلع اساسا عليها ومعايا فلوسها بس المشكلة فعلا قطع الغيار يااااااه لو كانت رخيصة :roll: ,,, فعلا يا استاذ شاركى انا شكلى هجيب السوزوكى sx4 حد يعرف اية نظام اسعار قطع غيار السوزوكى او الصيانة بتاعتها وهل بتبقى متوفرة برة التوكيل ؟؟

لو مشكلتك في قطع الغيار انته مش هتبتدي تفكر فيها قبل 5 سنين على الاقل.. و ساعتها تكون رخصت لأنها فعلا دلوقت ارخص من زمان

مشاهدة نتائج الإستطلاع: اجيب السمند ولا اية رأيكم ؟

الموضوع: رايكم فى السمند اجيبها ولا لا

LinkBack

أدوات الموضوع

عرض

-

-

Re: رايكم فى السمند اجيبها ولا لا -

-

-

-

-

المواضيع المتشابهه

مفاجأه ! ! ! اسعار قطع غيار السمند

اجيبها ولا لا؟؟؟؟؟!!!!!

مساعده ضرورى .. حاجات عايز اجيبها للجولف ومحتاج اعرف اجيبها منين

البيجو يرس و السمند ايه حكايتهم ؟

السمند معدلة

الكلمات الدلالية لهذا الموضوع

المفضلات

المفضلات

ضوابط المشاركة