قياس الداينو

**Nader** · 08-10-2007 02:15 AM

يعنى يا جماعة الحاجات اللى بنشوفها فى التيليفزيون على ام بى سى أكشن و جير وان اللى بتطلع عليها العربية و تدي كرف بتاع القوه الحصانيه و العزم بالنسبة للسرعة و عدد دورات الموتور موجودة عندنا وللا لا؟ ........... و فين ... و بكام ؟

معتقدش انها موجودة عندنا للاسف... انا بقول لك بيقيسوا كبس الموتور يدوي :)

انا شفت جهاز عبارة عن صباع بيركب مكان بوجية بعد خلعة و الصباع دة في اخرة عداد باروميتر بيقيس كبس الموتور بالبار بمجرد ادارة مارش الموتور بدون مايدور

سبق و اشتريت موتور استيراد من بورسعيد سنة 1992 تقريبا و الميكانيكي قاس الكبي بالطريقة دي و كان الموتور فعلا جبار و حالتة 100% و عاش معايا سنين كتير و كان بيطير العربية لدرجه انها كانت بتطلع من BMW 320

و دة يعتبر ادق و اكثر فعالية وواقعية لأنة بيقيس الضغط فعليا داخل الموتور

و ليس سرعه استجابة الاشعال عن طريق البوبينة التي هي طريقة تقديرية و تقريبية و تختلف نتائجها باختلاف حالة البوجيهات و البوبينة و تقسيمة الكاتينة

دة نوع من الانواع الانالوج.. بس الانالوج عموماً نتايجة مش دقيقة، بس طبعاً تقدر تعرف منة حالة الموتور جيدة ولا لأ، اما اجهزة الداينو... فدي حاجة تانية خالص... يعني يكفي اني اقول لك انك ممكن تقيس بيها سرعة السيارة القصوى على كل غيار ونسبة كبس الموتور بارقام دقيقة جداً.

**Nader** · 08-10-2007 02:41 AM

عاده عشان يطلع حاله العربيه بتكون العربيه علي النقله 4 عشان الترس القائد و الترس المنقاد في بيكوانوا قد بعض تقريبا في النقله دي فمبيكونش في عزم من الجيربوكس يعني بيطلع عزم المتور الفعلي و قوته

+ طبعا بيقيسوا كمان علي كل نقله
و الداينو بيطلعلك ارقام و شارت للقوه و العزم

+1

بس هما برة مش بيعملو كدة علشان يشوفوا الموتور خفيف ولا لأ :) .. في اوربا والدول المتقدمة :D ممكن تجيب موتور نوع وشاسية نوع يعني ممكن تعمل عربية تجميع :D . المهم الداينو بيتعمل في العادة لضبط اداء المحرك لاغراض مثل السباقات مثلاً، علشان كدة بيحتاجو يعرفوا العربية ممكن تحقق ارقام قد اية.

**MMamdouh** · 08-10-2007 12:21 PM

و فيه داينو بيبقى عبارة عن سوفتوير على لاب توب متوصل بالECU و بعد ما بتعملة calibration على العربية بتقيس بية القدرة و العزم بتوع العربية

MMamdouh

**Adham** · 08-10-2007 12:55 PM

المشاركة الأصلية كتبت بواسطة PRO-DRIVE

عاده عشان يطلع حاله العربيه بتكون العربيه علي النقله 4 عشان الترس القائد و الترس المنقاد في بيكوانوا قد بعض تقريبا في النقله دي فمبيكونش في عزم من الجيربوكس يعني بيطلع عزم المتور الفعلي و قوته :)

:)

يعني عالنسبة 1:1 ويبقى لفة من الموتور بلفة من الجير

اعتقد دة بيتعمل علشان عجل العربية حر يبقى لازم يحط Load عالجير