الموضوع: هو فعلاً في ناس كده ؟؟؟

المشاركة الأصلية كتبت بواسطة busquets

[color=blue][b]
الراجل ممكن يكون عايز يرفض العريس بذوق! تخيل مثلاً لو قال له انت ماتنفعش و مافكش شئ مميز و مع السلامه! شوف كيف ستكون نفسيته بعد الكم كلمه دول؟!

الرفض لا يعيب صاحبه ...... المادية تعيب صاحبها

و ممكن يكون عايز يأمن مستقبل بنتو و يعيشها احسن عيشه و دا حقه و ماحدش له انه يعترض! كونه مش قد العمليه دا شئ و كون انه شايف الراجل بيبالغ دا شئ ثانى!

و هو تامين مستقبل البنت بشوية العفش دول؟


الراجل لو مش عايز مراته و عايز يطفشها في عيشتها و عيشة اللي خلفوها و يخليها تقول له حقي برقبتي خد كل حاجة و سيبني في حالي يقدر يعمل كده

انا اب لبنت و احب اقول لك انا اللي هاديله بنتي اهم شئ انه يراعيها و يخلي باله منها و يعاملها معاملة صح

دي لحمي و دمي ..... يعني حتة مني ..... يعني انا عايز واحد يحطها في عينيه ..... شوية الخشب مش هما اللي هيخلوه يراعيها و لا مايسيبهاش

كما قال الاخ صاحب الموضوع ان العريس و العروسه من عائله متوسطه! طيب الراجل ابو العروسه عايزها تقب على وش الدنيا ! [overline]هتفضل طول عمرها متوسطة و الله اعلم بعد كدا ايه اللى هيحصل[/overline]! يعنى ايه ضمنه انهم مايتزنقوش بعد الجواز! فمثلا يبيعوا الشبكه او شئ ما ! اى اب لازم[overline] يأمن مستقبل بنتو! على الاقل بـ اشياء مثل هذه [/overline]

يا سلام ...... اصلا مقارنة شاب في مقتبل الحياة بالاب اللي بقاله 25 و لا 30 سنة بيشتغل مقارنة غير عادلة تقوم تقول لي عاوزها تقب على وش الدنيا .... دي كده مساومة مادية

و بعدين الرزق بتاع ربنا ...... ممكن اجوز بنتي لمليونير و يفتقر بعد الجواز اعمل ايه اقول له سيبها؟؟؟؟؟

و ممكن تتجوز شاب مكافح في بداية حياته و تكافح و تستحمل معاه و يكبروا مع بعض

دي كلها ارزاق و علم غيب ما يعرفوش غير ربنا

[overline]غير كدا هو عايز يعيش بنتو فى مستوى اعلى من اللى هى فيه! و كما قلت ان دا حقة[/overline]

رأيى الشخصى و اسف على التدخل

مين اداله الحق انه يعيش بنته في المستوى الاعلى من مستواه؟؟

من قلة البنات في سن الجواز اللي مش لاقية عرسان؟

و تاني .... حرام و غير عادل اني اقارن مستوايا بعد 30 سنة شغل بمستوى شاب في اول حياته بعد سنين تتعد عالايد الواحدة


و صدقني ..... لو واحد صرف ملايين على بنتي بس اهانها و لا جرحها و لا ضربها و لا و لا و لا .... ملايينه كلها ماتعوضش دمعة من عين بنتي