الموضوع: هو فعلاً في ناس كده ؟؟؟

[QUOTE=Busquets;920321]

المشاركة الأصلية كتبت بواسطة AK1981

[gdwl]
الرفض لا يعيب صاحبه ...... المادية تعيب صاحبها

[/gdwl]

يمكن مش عايز يكسفه ! احسن مايقوله انت ماتنفعش فى الجواز فى وشه! قال يحرجة بـ طريقة اخف!

[gdwl]
و هو تامين مستقبل البنت بشوية العفش دول؟
الراجل لو مش عايز مراته و عايز يطفشها في عيشتها و عيشة اللي خلفوها و يخليها تقول له حقي برقبتي خد كل حاجة و سيبني في حالي يقدر يعمل كده

انا اب لبنت و احب اقول لك انا اللي هاديله بنتي اهم شئ انه يراعيها و يخلي باله منها و يعاملها معاملة صح

دي لحمي و دمي ..... يعني حتة مني ..... يعني انا عايز واحد يحطها في عينيه ..... شوية الخشب مش هما اللي هيخلوه يراعيها و لا مايسيبهاش

[/gdwl]

ماقلتش انه يبقى شخص منحط و معاه فلوس يتجوز بس قصدى ان الاب و انا على فكرة مش اب, عايز لبنته راجل معاه فلوس عشان ماتعش متوسطة طول عمرها و كمان عنده اخلاق!! ايه المشكلة؟! هو شايف ان دا افضل شئ!




[gdwl]
يا سلام ...... اصلا مقارنة شاب في مقتبل الحياة بالاب اللي بقاله 25 و لا 30 سنة بيشتغل مقارنة غير عادلة تقوم تقول لي عاوزها تقب على وش الدنيا .... دي كده مساومة مادية

و بعدين الرزق بتاع ربنا ...... ممكن اجوز بنتي لمليونير و يفتقر بعد الجواز اعمل ايه اقول له سيبها؟؟؟؟؟

و ممكن تتجوز شاب مكافح في بداية حياته و تكافح و تستحمل معاه و يكبروا مع بعض

دي كلها ارزاق و علم غيب ما يعرفوش غير ربنا

[/gdwl]

ايوه هو عايزها تتجوز واحد مرتاح من الاول فلسو بقى مافلسوش يبقى ارادة ربنا المهم انه حاول يعمل اللى عليه من وجهة نظره!


[gdwl]
مين اداله الحق انه يعيش بنته في المستوى الاعلى من مستواه؟؟

من قلة البنات في سن الجواز اللي مش لاقية عرسان؟

و تاني .... حرام و غير عادل اني اقارن مستوايا بعد 30 سنة شغل بمستوى شاب في اول حياته بعد سنين تتعد عالايد الواحدة


و صدقني ..... لو واحد صرف ملايين على بنتي بس اهانها و لا جرحها و لا ضربها و لا و لا و لا .... ملايينه كلها ماتعوضش دمعة من عين بنتي
gdwl]]

مش فاهم يعنى ايه مين اللى ادالو الحق؟ هو عايز كدا :) ربنا يسامحه بقى! صحيح طبعاً كلامك سليم مفيش وجه مقارنة بس يمكن هو شاف انه بدأ متوسط فـ استمر متوسط و خايف يتكرر الامر مع بنته ؟!
كما قلت انا لم اقل انه يرمى بنته لـ اى كلب ! قلت انه يبحث عن شخص مرتاح و على خلق! و اكيد يعنى مافيش حد هيرمى بنتو لـ حد ممكن يجرحها ولو بكلمه!

الفلوس عمرها ما بتعمل سعادة .... و لا يتشتري حب ..... و لا بتشتري قلب

و صدقني تفكير الراجل ده و تفكير حضرتك - بدون زعل - هو سبب عنوسة بنات بالملايين في مصر حسب احصائيات الجهاز المركزي للتعداد و الاحصاء و احصائيات اخرى كثيرة

لو قعدنا نعقدها لكل واحد جاي يتقدم مش هنخلص

اتشرط عليه في معاملته لبنتي .... في اخلاصه ليها ..... في اهتمامه و حنيته عليها ...... ماشي اتشرط لبكرة

بس اتشرط في الفلوس ....... و الله عمر الفلوس ما عملت سعادة و لا زفت

و ياما ناس مليونيرات خدوا بنات ناس و بهدلوهم

و ياما ناس على قد حالهم و عايشين سعدا جدا

و ياما ناس اتجوزوا على قد حالهم و ربنا كرمهم

لازم نؤمن بحكمة ربنا في الرزق و ان رزقه مالوش اخر و لا حد ..... و ان الرزق بايد ربنا .....


الجواز مش بيعة و شروة ...... الجواز قبول و ايجاب ..... الجواز مودة و رحمة ..... الجواز حب و احتواء .... الجواز سكن زي ما ربنا قال ..... و السكن من السكينة و الراحة .....


انا ما بكرهش الفلوس و لا بحقد على حد ...... انا باحب الفلوس اكيد ....... الفلوس بتسهل حاجات كتيرة في الحياة و بتساعد الانسان يعيش حياة اسهل ....... انا عارف اننا في منتدى سيارات يعني الناس هنا عالاقل مستورة و مبسوطة و راكبة عربيات ..... بس برضه انظر حولك

فيه ناس مرتبها اقل من الفلوس اللي انا و انت و اي حد هنا بيدفعها في البنزين (300 جنيه شهريا مثلا !!)

شوف اللي متشعبط في باب الاتوبيس

شوف اللي هو و مراته دايرين على رزق عيالهم من صباحة ربنا للمسا من غير راحة

اما بيدخل على ابنه و لو بسندوتش فول و ابنه ينام شبعان و متدفي و مبسوط دي عنده بالدنيا

السعادة شئ نسبي ..... و الفلوس مش هي كل حاجة و لا هي كل اسباب السعادة ......