احدث عضو فى عائلة الصنى

**hammodi27** · 16-06-2009 05:27 PM

السلام عليكم

ازى الحال يا شباب؟

امبارح بس اشترينا عربية نيسان صنى 2009(super salon)ذهبى (بيج)

و ان شاء الله هانحط لها فرش داخلى النهاردة

بس عندى شوية اسئلة لاخواننا مقتنى الصنى القدامى قبل مانبتدى نخرج بالعربية:

1 هى العربية محتاجة تليين ولا لأ؟

2 ايه الحاجات اللى بشيك عليها كل يوم الصبح قبل ما اخرج بالعربية؟

3 ايه الاعطال اللى ممكن تحصل معايا كعضو جديد فى عائلة السوبر صالون؟

4 هل من نصائح اخرى؟

ملحوظة: انا لسة متعلم السواقة من حوالى شهر فقط

و جزاكم الله خيرا اخوانى

**night_whisper** · 16-06-2009 09:40 PM

المشاركة الأصلية كتبت بواسطة hammodi27

السلام عليكم

ازى الحال يا شباب؟

امبارح بس اشترينا عربية نيسان صنى 2009(super salon)ذهبى (بيج)

و ان شاء الله هانحط لها فرش داخلى النهاردة

بس عندى شوية اسئلة لاخواننا مقتنى الصنى القدامى قبل مانبتدى نخرج بالعربية:

1 هى العربية محتاجة تليين ولا لأ؟

2 ايه الحاجات اللى بشيك عليها كل يوم الصبح قبل ما اخرج بالعربية؟

3 ايه الاعطال اللى ممكن تحصل معايا كعضو جديد فى عائلة السوبر صالون؟

4 هل من نصائح اخرى؟

ملحوظة: انا لسة متعلم السواقة من حوالى شهر فقط

و جزاكم الله خيرا اخوانى

و عليكم السلام و رحمة الله و بركاتة أخى hammodi
أهلآ بيك و ألف مبروك على العربية
ربنا يبارك ليك فيها و يكفيك شرها
على فكرة أنا كمان لسة مستلم نيسان سوبر صالون الأسبوع اللى فات فضى
العربية مش محتاحة تلين بس قبل ما تتحرك بيها يا ريت تسيب الماتور شغال شوية علشان تسخن المحرك دة افضل لمحرك العربية
فى اول 1000 كيلو تجنب أنك تمشى بالعربية مسافات طويلة بسرعة ثابتة سواء كانت السرعة سريعة او بطيئة اتحرك على كذا سرعة فى العربية
تجنب بدء التحرك سريعآ
تجنب الفرملة بشدة قدر المستطاع
لما تنزل الصبح لف لفة حول العربية تتضمن بس على العجل
و بما انك لسة متعلم السواقة روح اماكن فاضية و حاول انك ترجع بظهرك و تركن علشان تتعود على ابعاد العربية
و الف مبروك مرة ثانية و يا رب يسعدك بيها

**hammodi27** · 17-06-2009 04:53 AM

اخى العزيز night whisper

الله يبارك فيك يا باشا

الف شكر على ردك..
ربنا يكرمك و يحفظ لك السيارة الجديدة من اى مكروه

**sab3aawy** · 17-06-2009 10:57 AM

فى الأيام الأولى حاول تبص على السوائل (ماء ، زيت محركن زيت فرامل ، زيت باور، زيت ناقل اوتوماتيك ان وجد) بصورة يومية وتتابع ظهور اى روائح غريبة بالسيارة
بعد اسبوع تقدر تقلل عدد مرات مراجعة السوائل الى مرة كل اسبوع وبعد فترة التليين ممكن الموضوع ينزل الى مرة كل 1000 كيلومتر او شهر ايهما اقرب

بالنسبة للتليين فاخونا nightwhisper مشكورا ذكر كل التعليمات الموصى عليها من قبل صانع السيارة فى هذا الصدد ومعنديش اى اضافات اخرى على كلامه