كيف اعرف ان عربيتى بها abs

**samo999** · 26-06-2009 02:58 PM

عاوز اعرف ازاى افرق بين عربية نيسان صنى موديل 2009 فيها ABS-EBd وعربية مفيهاش وهل ABS مرتبط بوجود EBD.
وشكرا

**gemy215** · 26-06-2009 03:40 PM

انا معرفش اوي افيدك بس الي اعرفه لما بكون سايق عربيه فيها abs لما بتدوس فرامل بتحس كان الفرامل بترتعش تحت رجلك كدا وبيبان اوي بتهئلي كمان في المانيول عن الاتوماتك معرفش بردو دي معلومه صح ولا لا بس دا الي كنت بلاحظه انا عن نفسي
بس
وان شاء الله الناس هترد علي حضرتك وتحاول تشرحلك بشكل اوضح
وبالنسبه لحكايه ال ebd and abs
فا اعتقد انو مش مرتبطين ببعض يعني ممكن تلاقي عربيات فيها ايه بي اس ومفيش فيها اي بي دي

**asnady** · 27-06-2009 09:25 PM

هما مرتبطين ببعض 3 حاجات abs , ebd , ba
اما التلاته موجودين او مش موجودين

**samo999** · 29-06-2009 03:46 PM

طب اعرف ازاى انهم موجودين وهل فى لمبة فى التابلوة بتبين دة وهل هما فى الوضع الطبيعى شغالين ولا ممكن اشغلهم او افصلهم وشكرا جدا على الردود

**kemo0o** · 29-06-2009 05:22 PM

بسيطة جدا وانت بتشغل العربية لمبات التابلوة بتنور
هتلاقي لمبة اسمها abs منورة لو كده يبقى عندك abs لو مش كده يبقى ما عندكش

**hany_c_v** · 30-06-2009 11:59 AM

من غير لمبه ولا حاجه ......

تعالى فى مكان فيه شوية رمل على الاسفلت و اضرب فرامل بقوه ...... لو العربيه زحفت يبقى مفيهاش abs لو حسيت انى فيه حاجه بتزق رجلك من على الفرامل و العربيه مزحفتش ..... يبقى عندك abs

انا اقصد بزحفت هنا انها مش تلف ولا تعوم بس مجرد ان العجله توقف و تفضل تزحف و تطلع الصوت الشهير للفرامل لغاية لما تقف ...الكلام ده مبيحصلش فى abs

**samo999** · 30-06-2009 12:44 PM

شكرا اولا على الردود انا لاحظت فعلا لمبة فى التابلوة اسمها abs بس هل دة دليل ان العربية فيها abs انا كنت عاوز اعرف الجهاز نفسة شكلة اية وفى اى مكان

**samo999** · 03-07-2009 12:57 PM

هل من مساعدة

**Fadi Ezzat** · 03-07-2009 04:13 PM

بص فىطريقيتن سهلين
1-وانت بتدور العربةي هتظهر لمبة الاية بى اس منورة وبعدين تطفى لوحدها
2-وانت ماشى دوس فرامل جامد اوى لو لقيت حاجة عمالى تنطر رجلك كل شوية يبقى فية اية بى اس ولو لقيت العربية بتتزحلق والكاوتش قافش جامد يبقى مفيش اية بى اس