مذكرات اللانوس : العربيه دي بجد أصيله....

**heha** · 17-06-2009 12:32 PM

والله وأنا حصل معايه نفس الموقف بس الفرق إنهاما بطلتش معايه غير وأنا بركن فى البنزينه على فكره اللانوس فضلت معايه 10 سنين عمرها ماقلت بأصلها ولا وقفتنى فى طريق أبدا لحد مابعتها من شهرين-ومن مواقفها اللى مانسهاش أن فرده فى الموبينه فصلت وأنا فى ر أس سدر ورجعتنى لحد القاهره وماوقفتش بردو إلا على مسافة 50 متر من دايو موتورز اللى فى العباسيه - والله ياجماعه أنا عينى دمعت وأنا ببعها ولولا أن خلاص أنا كان لازم أغير ماكنتش بعت الأصيله دى أبداٌ- ومن غير ماحد يتريأ أنا كل كام يوم أعدى من قدام بيت الراجل اللى أشتراها عشان أطمن عليها

**maka** · 17-06-2009 01:43 PM

ربنا يباركلك فيها

بس زمان كل الرواسب اللى فى التنك دخلت على الفلتر

**maka** · 17-06-2009 01:49 PM

المشاركة الأصلية كتبت بواسطة heha

والله وأنا حصل معايه نفس الموقف بس الفرق إنهاما بطلتش معايه غير وأنا بركن فى البنزينه على فكره اللانوس فضلت معايه 10 سنين عمرها ماقلت بأصلها ولا وقفتنى فى طريق أبدا لحد مابعتها من شهرين-ومن مواقفها اللى مانسهاش أن فرده فى الموبينه فصلت وأنا فى ر أس سدر ورجعتنى لحد القاهره وماوقفتش بردو إلا على مسافة 50 متر من دايو موتورز اللى فى العباسيه - والله ياجماعه أنا عينى دمعت وأنا ببعها ولولا أن خلاص أنا كان لازم أغير ماكنتش بعت الأصيله دى أبداٌ- ومن غير ماحد يتريأ أنا كل كام يوم أعدى من قدام بيت الراجل اللى أشتراها عشان أطمن عليها

هههههههههههه

العشرة ما بتهونش

**nasroo** · 17-06-2009 04:44 PM

المشاركة الأصلية كتبت بواسطة drift_lover

طيب يا شباب اللانوس هي فعلا لمبة البنزين بتنور بالتدريج؟؟؟

انا مابستناش لما توصل لكده بس مرة عملت معايا الحركة دي والنور عمل زي ما انت بتقول كده بالضبط

**Drift_Lover** · 17-06-2009 05:48 PM

انا مابستناش لما توصل لكده

انا فعلا دي اول مره تحصل معايا وبافول التانك دايمآ اول ما يوصل للنصف. لكن كان في ظروف العربيه في سفر شغل وجت تقريبآ مافيهاش بنزين. وأقرب بنزينه مافيهاش ولا 80 ولا 90 ولا 92.

مرة عملت معايا الحركة دي والنور عمل زي ما انت بتقول كده بالضبط

يبقي هي اللانوس كده فعلا.

بس زمان كل الرواسب اللى فى التنك دخلت على الفلتر

فلتر بنزين جديد طبعآ

**khalid9411** · 17-06-2009 07:22 PM

الله يبارك فى كل واحد معاها دايو لانوووووووووووووووووووووو وس اول مرة اركبها من 5/2008 لانوس 2006 كانت عامله 21000 والحمد لله تمام بس الناس حطانا فى دماغها ليه مش عارف؟؟؟؟؟؟؟؟؟؟؟؟؟؟؟؟؟؟

**hon** · 18-06-2009 02:02 AM

السيارة العاطفية
والله يا جماعة أنا بحس أن العربية دى عاطفية مع صاحبها وأنا نفسى بتعاطف معاها وبعمل لهلا أحلى صيانة وأحلى بنزين زى متكون من أفراد عائلتى بجد أنا واحد من عشاق الدايو وهى الحمد لله عمرها معملت دقت نقص وبقالها معايا 5 سنوات وربنا يباركلنا فى اللانوس

**elhathoti** · 05-07-2009 02:11 AM

بجد العربيه دى اصيله انا لسه راكبها ومشتريها واول مره اركب عربيه ولسه بتعلم السواقه وساكن فى حدائق المعادى واول مره اسوق لوحدى وروحت بيها المحكمه فى القاهره الجديده وخلصت شغلى ورجعت بيها وقبل ماوصل البيت بحوالى 400متر لمبة البنزين دى نورت وصلتنى وعرفت اركنها وقولت بئه ممكن يكون فيها الى يودينى للبنزينه وبعد حوالى 4 ساعات نزلت علشان امون مارضيتش تدور حاولت بكل الطرق مافيش فايده جبت 4 لتر بنزين بس 90 وانا بمونها على 80 اشتغلت زى الفل روحت البنزينه وحطيت 10 لتر 90 وروحت تانى يوم روحت افول 80 لقيت العربيه متبرجله على الاخر ودخانه سوده كثيفه ومافيش سحب وتبطل منى الميكانيكى قالى غير الرشاشات على طول وغيرتها وبقت تمام ........هى بجد اصيله لانها كانت ممكن تعمل مشاكل على الطريق والدنيا حر بس بجد هى اصيله

**Ahmed Nouh** · 05-07-2009 02:57 AM

الواحد ركب عربيات كتير وقليل لكن اللانوس تحس انها عربيه ودوده وحماله أسيه ومتفصله للبلد دى

وعربيه من نوعيه قليله قوى قوى من العربيات فى مصر تحس ان كل جنيه اتدفع فيها تستاهله

ربنا يباركلك فيها